1. Korinťanenge 4:4 - Le Devleskero Lav Andre Romaňi Čhib Slovensko 2021

⁴ bo hin man žužo svedomje, ale oleha na kamav te phenel, hoj som bi e chiba. Se oda, ko man sudzinel, hin o Raj.

1. Korinťanenge 4:4 Referans Kwoze

Žalmi 143:2

Ma sudzin tire služobňikos, bo ňisavo džido manuš nane spravodľivo anglal tu.

Žalmi 130:3

RAJEJA, te tu amenge rachineha o bini, ó Adonaj, ko šaj obačhela?

2. Korinťanenge 1:12

Bo amaro lašariben hin kada: Amaro svedomje amenge sikavel, hoj andro svetos dživahas svetones the andro žužipen, so hin le Devlestar, a maškar tumende meksa buter, na andre le manušeskri goďi, ale andre le Devleskri milosť.

Prislovja 21:2

O manuš peske gondoľinel, hoj savore leskre droma hine čače, ale o RAJ dikhel andro jilo, soske oda kerel.

Žalmi 19:12

Den goďi tire služobňikos; oles, ko len doľikerel, užarel baro počiňiben.

2. Korinťanenge 5:10

Bo savore pes mušinas te ačhavel anglo sudno tronos le Kristoskro, hoj peske sako te lel peskro počiňiben vaš oda, so kerďa, medik sas andro ťelos – či lačho, abo nalačho.

1. Korinťanenge 4:5

Vašoda ma sudzinen ňič anglal, medik na avela o Raj a anela pro švetlos oda, so hin garudo andro kaľipen, a sikavela, so peske gondoľinenas o manuša andro jile. Paľis chudela sako le Devlestar peskro lašariben.

Rimanenge 2:13

Bo paš o Del nane čačipnaskre ola manuša, so ča šunen o zakonos, ale ola, ko les doľikeren.

O Job 40:4

„Me na som ňič – sar tuke šaj odphenav? Chudav mange o muj.

O Job 27:6

Mire spravodľišagostar man zorales ľikerava a na mukava man lestar; miro jilo man na obviňinela, medik ča dživava.

O Job 25:4

Akor sar šaj el vareko spravodľivo anglo Del? Abo sar šaj el žužo o manuš, savo uľiľa la džuvľatar?

Skutki 23:1

O Pavol dikhľa andro jakha le manušenge andral e Bari Rada a phenďa: „Muršale, phralale! Me dži adadžives dživavas miro dživipen anglo Del avke, hoj miro svedomje hino žužo.“

O Evaňjelium le Janoskro 21:17

Tritovar lestar phučľa: „Šimon, čhavo le Janoskro, rado man dikhes?“ Akor ačhiľa smutno o Peter, hoj lestar tritovar phučel: „Rado man dikhes?“ A phenďa leske: „Rajeja, tu džanes savoro! Tu džanes, hoj tut rado dikhav.“ O Ježiš leske phenďa: „Pašin mire bakroren!

O Job 15:14

Ňisavo manuš nane bi o binos. Sar šaj vareko, ko uľiľa prekal e džuvľi, uľol spravodľivo?

O Job 9:20

Kajte uľomas spravodľivo, miro muj man odsudzinďahas; kajte uľomas žužo, sikaďahas, hoj som vinnovato.

Rimanenge 4:2

Bo te sas o Abraham ospravedlňimen le skutkendar, ta hin les soha pes te lašarel, ale na anglo Del.

Žalmi 50:6

O ňebos vakerel pal leskro spravodľišagos, bo o Del korkoro hino sudcas.

Žalmi 26:12

Miro pindro ačhel pre rovno phuv. Sar pes zdžana tire manuša, lašarava le RAJES.

Prislovja 29:26

But džene kamen te dochudel le kraľis pre peskri sera, ale ča o RAJ del čačipen le manušes.

1. Korinťanenge 4:3

Mange na džal pal oda, či man sudzinen tumen abo o manušeskro sudos. Ale aňi korkoro man na sudzinav,