1. Korinťanenge 11:3 - Le Devleskero Lav Andre Romaňi Čhib Slovensko 2021

³ Ale kamav, hoj te džanen, hoj o šero dojekhe muršeskro hin o Kristus, o šero la džuvľakro hin o murš a o šero le Kristoskro hin o Del.

1. Korinťanenge 11:3 Referans Kwoze

1. Mojžišoskro 3:16

A la džuvľake phenďa: „Sar ačheha khabňi, ela tut igen bare dukha a andro dukha ločhoha le čhavoren. Igen tuke džala pal tiro rom, ale ov upral tu vladňinela.“

Kološanenge 3:18

Džuvľale, podden tumen tumare romenge, avke sar oda kampel te kerel andro Raj.

Kološanenge 1:18

Ov hino o šero le ťeloskro, la cirkvakro. Ov hino ešebno, ko ušťiľa andral o meriben, hoj te avel andre savoreste ešebno.

1. Korinťanenge 3:23

ale tumen san le Kristoskre a o Kristus le Devleskro.

Efežanenge 4:15

Vašoda vakeras o čačipen andro kamiben, hoj te baruvas a te avas andre savoreste sar o Kristus, bo ov hino o šero.

1. Peter 3:1

Avke the tumen o džuvľa, podden tumen tumare romenge. A te varesave lendar na pačan le Devleskre laveske, anen len bi o lava paš o Del, tumare dživipnaha,

Kološanenge 2:19

Kajse manuša pes na ľikeren le šerestar, so hin o Kristus. O šero ľikerel jekhetane calo ťelos, savo hino prephandlo le šľachenca the le klubenca, hoj te barol avke, sar oda o Del kamel.

Kološanenge 2:10

A the tumen dochudňan e plnosť andre leste. Ov hino upral savore raja the autoriti.

O Evaňjelium le Janoskro 14:28

Šunďan, hoj tumenge phenďom: ‚Džav a pale avava ke tumende.‘ Te man kamľanas, radisaľiľanas, hoj phenďom: ‚Džav ko Dad,‘ bo o Dad hino bareder sar me.

Matuš 28:18

O Ježiš avľa ke lende a phenďa: „Hin mange diňi savori zor pro ňebos the pre phuv.

Izajaš 55:4

Dikh, me lestar kerďom švedkos prekal o manuša, vodcas the veľiťeľis le manušengro.

Izajaš 52:13

Dikh, mire služobňikoske avela avri leskri buči; ela uprehazdlo, barardo a ela les bari pačiv.