1. Jan 3:19 - Le Devleskero Lav Andre Romaňi Čhib Slovensko 2021

¹⁹ Pal oda džanaha, hoj sam andral o čačipen a ela amen anglo Del o smirom andro jilo,

1. Jan 3:19 Referans Kwoze

Židenge 10:22

aven džas paš o Del čače jileha, savore pačabnaha – le jilenca, so hine obžužarde andral o nalačho svedomje, the le ťelenca, so hine thode (omorde) le žuže paňeha.

1. Jan 3:21

Phralale, te amen o jilo na obviňinel, šaj džas anglo Del bi e dar.

Izajaš 32:17

A oda spravodľišagos anela o smirom, vašoda o manuša dživena andro smirom a šoha pes imar na darana le maribnastar.

O Evaňjelium le Janoskro 18:37

Akor o Pilat phenďa: „Ta akor the avke sal kraľis?“ O Ježiš odphenďa: „Tu phenes, hoj som kraľis. Me pre oda uľiľom, a vašoda avľom pro svetos, hoj te svedčinav pal o čačipen. Sako, ko hin andral o čačipen, šunel miro hangos.“

1. Jan 1:8

Te phenas, hoj amen nane bini, korkore pes klaminas a nane andre amende o čačipen.

2. Timoteoske 1:12

Vašoda the cerpinav, ale na ladžav man, bo džanav, kaske pačanďiľom; a pačav, hoj les hin zor dži andre oda Džives te doľikerel oda, so mange sas dino.

Rimanenge 4:21

Igen pačalas, hoj o Del hino zoralo the te kerel oda, so leske phenďa.

O Evaňjelium le Janoskro 13:35

Pal oda prindžarena savore, hoj san mire učeňika, te ela o kamiben maškar tumende.“

1. Jan 3:14

Amen džanas, hoj pregeľam andral o meriben andro dživipen, bo kamas le phralen. Oda, ko na kamel le phrales, ačhel andro meriben.

Židenge 11:13

Kala savore mule andro pačaben bi oda, hoj te chudlehas le Devlestar oda, so lenge phenďa, hoj len dela, ale ča dural oda dikhenas a radisaľonas oleske. Viznavinenas, hoj ča predžan pal kadi phuv sar cudzinci a nane kade khere.

Rimanenge 8:38

Bo me pačav, hoj aňi o meriben, aňi o dživipen, aňi o aňjela, aňi o uprune zora, aňi ola veci, so hin akana, aňi ola veci, so mekča avena, aňi ňisave zora,

1. Jan 2:21

Na pisinďom tumenge vašoda, hoj na prindžaren o čačipen, ale vašoda, hoj les prindžaren a džanen, hoj ňisavo klamišagos na avel andral o čačipen.

1. Jan 3:20

bo te amen o jilo obviňinel, o Del hino bareder sar amaro jilo a džanel savoro.

Žalmi 119:56

Kada sas mange dino, hoj man te ľikerav tire prikazaňjendar.