1. Jan 3:14 - Le Devleskero Lav Andre Romaňi Čhib Slovensko 2021

¹⁴ Amen džanas, hoj pregeľam andral o meriben andro dživipen, bo kamas le phralen. Oda, ko na kamel le phrales, ačhel andro meriben.

1. Jan 3:14 Referans Kwoze

1. Jan 5:2

Akor džanas, hoj kamas le Devleskre čhaven, sar kamas le Devles a doľikeras leskre prikazaňja.

O Evaňjelium le Janoskro 13:35

Pal oda prindžarena savore, hoj san mire učeňika, te ela o kamiben maškar tumende.“

1. Tesaloničanenge 4:9

Pal o kamiben maškar o phrala tumenge na kampel te pisinel, bo tumen san korkore avrisikade le Devlestar, hoj jekh avres te kamen.

O Evaňjelium le Janoskro 5:24

Čačes, čačes phenav tumenge, hoj oles, ko šunel miro lav a pačal oleske, ko man bičhaďa, hin večno dživipen. Na džala pro sudos, ale pregeľa andral o meriben andro dživipen.

1. Peter 1:22

Avke akana, te imar obžužarďan tumare duši oleha, hoj sanas poslušna le čačipnaske, hoj te kamen le phralen čače kamibnaha, kamen jekh avres žuže jileha.

Matuš 25:40

O kraľis lenge odphenela: ‚Čačipen tumenge phenav: Savoro, so kerďan jekheske kale mire nekciknedere phralendar, mange oda kerďan.‘

Židenge 13:1

O kamiben maškar o phrala te na preačhel.

O Evaňjelium le Janoskro 15:12

Kada hin miro prikazaňje: Kamen jekh avres avke, sar me tumen kamav.

1. Jan 4:12

Le Devles šoha ňiko na dikhľa, ale te kamas jekh avres, o Del ačhel andre amende a leskro kamiben hin dokerdo andre amende.

1. Jan 3:23

Kada hin leskro prikazaňje, hoj te pačas andro nav leskre Čhaskro, andro Ježiš Kristus, a hoj te kamas jekh avres, avke sar amenge prikazinďa.

1. Peter 3:8

A pro koňec phenav mek kada: aven savore jednotna, jileskre, kamen jekh avres, aven milosťiva the pokorna.

Kološanenge 1:4

Bo šunďam pal tumaro pačaben andro Ježiš Kristus the pal o kamiben, so tumen hin ke savore manuša le Devleskre,

Efežanenge 1:15

Vašoda the me, sar šunďom pal tumaro pačaben andro Ježiš, amaro Raj, the pal o kamiben, so tumen hin ke savore Devleskre manuša,

1. Jan 5:13

Kada pisinďom tumenge, so pačan andro nav le Devleskre Čhaskro, hoj te džanen, hoj tumen hin o večno dživipen.

O Evaňjelium le Janoskro 15:17

Kada tumenge prikazinav: Kamen jekh avres!“

1. Jan 2:3

Pal oda džanas, hoj les prindžaras, te doľikeras leskre lava.

2. Peter 1:7

paš oda dživipen o lačhipen ko phrala a paš oda lačhipen o kamiben.

Efežanenge 2:5

hoj amen obdžiďarďa le Kristoha, mek sar samas mule andre amare bini. Le Devleskra milosťatar san spasimen!

2. Korinťanenge 5:1

Bo amen džanas, hoj hin amen kher le Devlestar, sar ela telečhido kada ťeloskro stankos, andre savo dživas kade pre phuv: Oda hin o večno kher andro ňebos, so nane kerdo le vastenca.

Žalmi 16:3

Le Devleskre avrikidle nipi, so hine pre kadi phuv, hine slavna manuša, andre save man hin o radišagos.

Efežanenge 2:1

The tumen sanas varekana mule, bo na šunenas le Devles a kerenas bini.

Galaťanenge 5:22

Ale o ovocje le Duchoskro hin o kamiben, o radišagos, o smirom, e trpezľivosť, o lačhipen, o lačhejileskeriben, e vernosť,

Лукастар 15:32

Ale kampel te radisaľol a te thovel baripen, bo kada tiro phral sas mulo a obdžiďiľa; sas našado a hino arakhlo.‘ “

Лукастар 15:24

bo kada miro čhavo sas mulo a obdžiďiľa; sas našado a hino arakhlo!‘ A chudle te radisaľol.

Prislovja 21:16

O manuš, savo odgeľa la sasťa goďatar, dochudela pes maškar o mule manuša.

Лукастар 7:5

bo ov kamel amaro narodos. Se mek the e sinagoga amenge ačhaďa.“