1. Jan 2:6 - Le Devleskero Lav Andre Romaňi Čhib Slovensko 2021

⁶ Oda, ko phenel, hoj ačhel andre leste, mušinel te dživel avke, sar ov dživelas.

1. Jan 2:6 Referans Kwoze

1. Peter 2:21

Se pre oda sanas le Devlestar vičimen, bo the o Kristus cerpinelas vaš tumenge a sikaďa tumenge sar te dživel, hoj te keren avke sar ov.

O Evaňjelium le Janoskro 13:15

Me tumenge sikaďom, sar oda te keren, hoj the tumen te keren avke sar me.

1. Korinťanenge 11:1

Keren savoro pal ma, avke sar me kerav savoro pal o Kristus.

1. Jan 3:6

Ňiko, ko ačhel andre leste, na kerel o bini a sako, ko kerel o bini, les na dikhľa aňi les na prindžarďa.

Efežanenge 5:2

Dživen andro kamiben avke sar o Kristus amen kamelas a diňa pes korkores sar daros the sar obeta, so šukares voňinelas a hiňi pre dzeka le Devleske.

Matuš 11:29

Len pre tumende miro jarmos a sikľon mandar, bo me som cicho the pokorno andro jilo, a arakhena o odpočinkos prekal tumare duši.

1. Jan 2:4

Oda, ko phenel: „Prindžarav les,“ ale na doľikerel leskre lava, hino klamaris a nane andre leste o čačipen.

1. Jan 2:28

A akana, mire čhavorale, ačhen andre leste, hoj te avas bi e dar, sar pes sikavela, a te na pes lestar ladžas, sar avela.

Žalmi 85:13

O RAJ dela peskro požehnaňje a amari phuv anela peskro uľipen.

O Evaňjelium le Janoskro 15:10

Te doľikerena mire prikazaňja, ačhena andre miro kamiben, avke sar me doľikeravas mire Dadeskre prikazaňja a ačhav andre leskro kamiben.

1. Jan 3:24

Oda, ko doľikerel leskre prikazaňja, ačhel andro Del a o Del andre leste. A pal kada džanas, hoj ačhel andre amende, pal o Duchos, saves amenge diňa.

1. Jan 4:17

Kavke hin o kamiben dokerdo andre amende, hoj te avas bi e dar pro sudno džives. Bo ajso sar ov hino, ajse sam the amen andre kada svetos.