Yaƹqub 2:5 - Ṯarifiṯ 2020

⁵ Cuf ay ayṯma imƹizzen inu, ma war ṯessinem ca Arebbi ixḍar ȓmusakin n ddunect-a ḥima aḏ iȓin ḏ twajar s lʼiman nsen aḏ warṯen ḏi ȓmulk iy zi iwƹeḏ Arebbi yinni iy ṯ itḥibban?

Yaƹqub 2:5 Referans Kwoze

Matta 5:3

"Ssaƹḏ nsen i yinni iǧan ḏ ȓmusakin ḏeg arruḥ nsen, aqa ȓmulk ujenna i niṯni.

Luqa 6:20

Iysi ṯiṭṭawin nnes Ƹisa ɣar imeḥḍaren nnes inna-asen: "Ssaƹḏ nwem a ȓmusakin, aqa ȓmulk n Arebbi i kenniw.

Lwaḥi 2:9

Nec ssneɣ ȓemḥayen nnec, cek ḏ ȓmeskin walakin lla cek ḏ ttajar! Ssneɣ ȓbaṭeȓ iy xawem qqaren yinni iḥessben ixef nsen zi Ayṯ-Israʼil. Lla, niṯni war ǧin ca zi jmaƹṯ n Ayṯ-Israʼil; Niṯni ɣir ḏ ijjen n jmaƹṯ ig iƹebbḏen Cciṭan.

2 Ayṯ-Kurinṯ 8:9

Aqa ṯessnem arḍa n Siḏiṯneɣ Ƹisa Lmasiḥ. Tuɣa netta ɣares kuȓci, walakin ƹlaḥsab neccin ismeḥ ḏi kuȓci manayenni bac aɣarneɣ yiȓi kuȓci s manayenni iy ḏi ismeḥ.

Luqa 12:21

Amenni iy ɣa yiȓi wenni ijemmƹen agȓa i yixef nnes waha war ijemmeƹ ca i Arebbi."

1 Buṭrus 1:4

Ḥima a nwareṯ ijjen n wagȓa ƹemmarṣ aḏ ifna ƹemmarṣ aḏ ixsar ƹemmarṣ aḏ ikcef wenni iy ḏawem itwaxemmȓen ḏeg ujenna.

Yaƹqub 1:12

Ssaƹḏ n wenni iṣbaren x ȓemḥayen ataf xmi ɣa injeḥ aḏ iysi ttaj n ṯudarṯ wenni iy zi iƹaheḏ Arebbi yinni iy ṯ itḥibban.

Iƹibraniyen 11:26

Ifhem meȓa seḥqaren-ṯ ƹlaḥsab Lmasiḥ iƹni manayenni ɣares lqima ktar zi min ɣarsen ḏ lkunuz ḏi Miṣra. Aqa netta ixezzar ɣar zzaṯ ḏi ljaʼiza nnes.

Luqa 12:32

War teggwḏem ca a ṯḥimerṯ inu ṯamezyant, irḍa Babaṯwem aḏawem yuc ȓmulk nnes.

1 Ayṯ-Kurinṯ 2:9

Mamc iqqar Lkitab:

Matta 25:34

Ȓexddenni yinni iǧan x ufusi aḏasen yini uzeǧiḏ-a: A yinni iy ḏi igga Baba lbaraka araḥem-d kenniw warṯem ȓmulk iy ḏawem isewjeḏ zeg wami ṯeǧa ddunect.

Lwaḥi 21:7

Wenni ɣa irebḥen aḏ iwareṯ ḏi ṯmesȓayin-a. Nec aḏ iȓiɣ ḏ Arebbi nnes, netta aḏ yiȓi ḏ mmi.

Yaƹqub 1:9

Fa itxeṣṣa-yas i ȓmeskin ig yumnen aḏ iftaxar minzi isgaƹƹeḏ-iṯ Arebbi.

2 Timutawus 4:8

Ssa aȓ ṯsawent itraja-ayi ijjen n ttaj n ṣṣulḥ ag Arebbi wenni iy ḏayi ɣa yuc Siḏiṯneɣ iy iǧan ḏ lqaḍi nican; Aḏayi-ṯ yuc ḏi Nhar nni n Lḥisab. Maci aḏayi-ṯ yuc i nec waha; Lla, aṯ yuc i marra yinni itexsen Nhar nni iy ḏi d ɣa imeḍhar.

2 Ayṯ-Kurinṯ 6:10

neccin netwazeyyar walakin ȓebda nfarreḥ; neccin ḏ ipubriṯen nserbaḥ aṭṭas n yiwḏan; war ɣarneɣ walu walakin ɣarneɣ kuȓci.

Lwaḥi 3:18

Qa nec neṣṣḥeɣ-cek axafi ṯesɣeḏ ddheb itwaṣfan s ṯmessi ḥima aḏ tdewȓeḏ ḏ ttajar. Seɣ ƹaweḏ arruḍ ḏ acemȓaȓ ḥima aḏ tesarḍeḏ ixef nnec zi ṯuƹaryant nnec ƹaweḏ ḏ can ddwa ḥima aḏ tesgenfiḏ ṯiṭṭawin nnec ataf twaȓiḏ.

1 Timutawus 6:18

Tweṣṣa-ṯen aḏ ggen ȓxir aḏ iȓin ḏ twajar ƹlaḥsab lḥasanaṯ aḏ iȓin ṣaxiyin aḏ iȓin wejḏen bac aḏ ṣeddqen aḏ ḏebbaren.

Luqa 16:25

Inna-as Brahim: Ƹqeȓ a mmi inu, cek ṯeysiḏ ȓḥaqq nnec zi ȓxir ḏi ṯuḏarṯ nnec, Liƹazar iƹic mƹaddeb. Ȓexxu netta aqaṯ ḏa mliḥ, cek aqac ḏi ȓaƹḏab.

Matta 11:5

iḍarɣaȓen twaȓan, izeḥḥafen gguren, yinni iy ḏi iǧa jḏam genfan, iḏehcuren tesȓan, yinni immuṯen tnekkaren-d, ȓmusakin twabeccaren.

2 Buṭrus 1:11

Ataf aḏawem twassewjeḏ ƹaweḏ ijjen n ṯewwarṯ ḏ ṯaṣebḥant ɣar ȓmulk nnes war ifennin ca n Siḏiṯneɣ Ƹisa Lmasiḥ wenni iy ḏaneɣ isenjamen.

2 Timutawus 4:18

Aḏayi isefȓeṯ Siḏiṯneɣ zi mkuȓ ṯamesȓayṯ ḏ ṯaƹeffant aḏayi isenjem ɣar ȓmulk nnes iǧan ḏeg ujenna. Aɣares ṯiȓi lƹaḍama i ȓebda n ȓebdaṯ. Amin.

2 Ayṯ-Salunik 1:5

Manaya ḏ ijjen n ddalil belli lḥukem n Arebbi iǧa nican, u s ddalil-a akenniw iḥseb ṯesḏaheǧem ȓmulk nnes iy xef ṯƹeddbem.

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.

Ayṯ-Ruma 8:17

U neccin meȓa aqaneɣ ḏ ṯarwa n Arebbi, ataf a nwareṯ. Iƹni a nwareṯ zi Arebbi, a nwareṯ ak Lmasiḥ. Walakin ixeṣṣa-yaneɣ a ncarec akiḏes ḏeg uƹeddeb nnes ḥima a ncarec akiḏes ƹaweḏ ḏi lƹaḍama nnes.

Luqa 16:22

Ṣafi immuṯ ȓmeskin nni, ysint-ṯ lmalaʼikaṯ sersent-ṯ x ufuḏ n Brahim. Ƹaweḏ immuṯ ttajar nni ysin-ṯ neḍȓen-ṯ.

Yaƹqub 1:16

Ay ayṯma imƹizzen inu, war xeddƹeṯ ca ixef nwem.

1 Ayṯ-Salunik 2:12

bac aḏ tuyurem s yijjen n ṯicri iy ḏas iticcen lqima i Arebbi ig isḏaheǧ netta iƹni wenni iy ḏawem d itȓaɣan ɣar ȓmulk nnes ḏ lƹaḍama nnes.

Ayṯ-Ufasus 1:18

Aḏawem d yuc ijjen n nnur i wuȓawen nwem bac aḏ tessnem min iƹna lʼamal-a iy zi ḏawem d iȓaɣa, ḏ min iƹna wagȓa-ya n lwareṯ ƹaḍim n ṣṣaliḥin,

2 Ayṯ-Kurinṯ 4:15

Cuf, manaya iwqeƹ marra bac akenniw infeƹ. Xmi itentacar arḍa ɣar yiwḏan aṭṭas s waṭṭas iƹni arḍa-ya aḏ d isfeyyeḍ ccuker i lƹaḍama n Arebbi.

Yuḥanna 7:48

Ma ṯufim can yijjen zi arruyas niɣ ḏ ifarrisiyen yumen zzayes?

Luqa 22:29

Mamc ḏayi yuca Baba ijjen n ȓmulk i nec, uȓa ḏ nec aḏawem uceɣ ijjen n ȓmulk.

Marqus 7:14

Iȓaɣa-d Ƹisa ƹaweḏ x ȓɣaci-ya inna-asen: "Ṣennṭeṯ ɣari marra iḏwem, fehmeṯ:

Ȓexḏayem 7:2

Inna-asen Stifan: "Ay ayṯma! A yinni imɣaren! Ṣennṭeṯ ɣari. Wami tuɣa iǧa jeddiṯneɣ Brahim ḏi ṯmurṯ nni n Misubuṭamya qbeȓ ma aḏ izḏeɣ ḏi ṯendint n Ḥaran, imeḍhar-as-d Arebbi Lƹaḍim

Yaƹqub 1:19

Cuf ay ayṯma inu imƹizzen, itxeṣṣa kuȓ ijjen aḏ itsȓa aṭṭas, aḏ ifekkar qbeȓ ma aḏ issiweȓ, war itƹaṣṣib ca ḏeɣya.