Yaƹqub 2:14 - Ṯarifiṯ 2020

¹⁴ Ay ayṯma, min ṯ ɣa inefƹen bnaḏem meȓa iqqar nec ḏ ȓmumen walakin ȓexḏayem nnes war d tesbeyyinent ca belli netta ḏ ȓmumen? Ma ḏ lʼiman-a iy ṯ ɣa isnejmen? Lla ƹemmarṣ!

Yaƹqub 2:14 Referans Kwoze

Luqa 6:49

Wenni itsȓan i wawaȓ inu war zzayes ixeddem ca ataf itcabbah ḏeg yijjen n uryaz ibna ṯaddarṯ nnes x ucaȓ bȓa dsas. Wami xas iƹḏu iɣzar nni ṯewḍa ḏeɣya ḏ abriḏ, ṯeqqim ḏ ȓxirbeṯ."

Titus 1:16

Qqaren qa nessen Arebbi walakin nekkaren-ṯ s ȓefƹayeȓ nsen. Niṯni twaƹiffen, war tṭiƹin ca, war neffƹen ca uȓa ḏeg yijjen n ȓxeḏmeṯ ḏ ṯaṣebḥant.

2 Buṭrus 1:5

Fa x ssabab-a wanitan, ggeṯ lmejhud nwem marra bac aḏ tarnim min iǧan ḏ aṣebḥan ɣar lʼiman nwem; ssenni arnim ṯusna ak manaya iǧan ḏ aṣebḥan;

Yaƹqub 2:26

Cuf, ddat n bnaḏem bȓa buḥbeȓ ṯemmuṯ, amenni lʼiman bȓa ȓexḏayem immuṯ.

Iƹibraniyen 11:17

S lʼiman ikkar nnabi Brahim aḏ iqeddem ḏ dbiḥeṯ s memmis Isḥaq wami ṯ ijarreb Arebbi. Iƹni tuɣa itqeddam ḏ dbiḥeṯ s memmis waḥḏes iy zi iwƹeḏ Arebbi Brahim,

Iƹibraniyen 13:9

Arrem-d ȓbaȓ nwem bac war tḏeffarem ca lʼanwaƹ n useȓmeḏ feckel. Cuf, ḏ lemliḥ aḏ ijheḏ wuȓ nneɣ s arḍa maci s lmakla ddiniya, yinni iy t itetten war zzayes stenfiƹen ca.

Ayṯ-Galaṭya 5:6

Liʼanna ḏi Ƹisa Lmasiḥ iƹni bnaḏem meȓa igga ṭṭahareṯ niɣ war t iggi ca, manaya war ineffeƹ s walu. Min ineffƹen? Ineffeƹ lʼiman ig ixeddmen ccɣeȓ nnes s ȓemḥibbeṯ.

Yaƹqub 2:18

Imken can yijjen aḏ yini: "Iwa cek ḏayec lʼiman nnec, nec ɣari ȓexḏayem inu." Nec qqareɣ: "Cek sbeyyen-ayi-d mammec igga lʼiman nnec bȓa ȓexḏayem nnec, nec aḏac sbeyyneɣ mammec igga lʼiman inu s ȓexḏayem inu."

Ȓexḏayem 8:21

War ɣarek itiȓi bu umcan uȓa ḏ ȓḥaqq ḏi ȓxeḏmeṯ-a ȓaḥeqqac uȓ nnec war iǧi ca nican ak Arebbi.

Matta 5:20

Aqa qqareɣ-awem: Meȓa war ṯṭiƹim ca i min iqqar Arebbi ktar zi min teggen imseȓmaḏen n ccariƹa ḏ ȓḥizeb n ifarrisiyen, ataf ƹemmarṣ aḏ taḏfem ȓmulk ujenna.

Titus 3:8

Awaȓ-a iy qqareɣ ḏayes ttiqeṯ. Nec xseɣ cek aḏ twekkḏeḏ x ṯmesȓayin-a i yinni iy yumnen zi Arebbi bac aḏ d arren ȓbaȓ nsen aḏ ṭewwƹen ixef nsen s lḥasanaṯ. Ṯimesȓayin-a ḏ ṯiṣebḥanin s waṭṭas neffƹent iwḏan.

1 Timutawus 1:5

Min iƹna lɣaraḍ n ȓuṣiyeṯ-a? Lɣaraḍ nnes ḏ ijjen n ȓemḥibbeṯ iy d itasen zeg wuȓawen iṣfan ḏ yijjen n ḍḍamir ḏ aṣebḥan ḏ yijjen n lʼiman bȓa nnifaq.

1 Ayṯ-Salunik 1:3

Netxemmam zzaṯ n Arebbi iǧan ḏ Babaṯneɣ mecḥaȓ ixeddem lʼiman nwem, mecḥaȓ ṯrebbeȓ ȓemḥibbeṯ nwem, u mecḥaȓ iṣebbar lʼamal nwem ḏi Siḏiṯneɣ Ƹisa Lmasiḥ.

Ayṯ-Galaṭya 5:13

Cuf ay ayṯma, iȓaɣa-yawem-d Arebbi bac aḏ tiȓim ḥurr. Walakin war tejjaṯ ca lḥurriya-ya nwem aḏ tiȓi ḏ ijjen n ubriḏ iy zi ɣa ṯseƹƹifem ccehweṯ n ṭṭabiƹa ṯaƹeffant nwem; Lla, aḏ tsexxarem i wayawya s ȓemḥibbeṯ.

1 Ayṯ-Kurinṯ 15:2

Aqa ṯnejjmem zzayes wami ḏayes teṭṭfem mliḥ ḏeg wawaȓ n ttebcir nni wenni iy zi kenniw beccareɣ. Meȓa lla, zaƹma lʼiman nwem ṯesbeṭṭȓem-ṯ.

Ȓexḏayem 15:9

War iggi bu s wuḏemawen jaraneɣ, isireḏ-asen uȓawen nsen wami umnen.

Yaƹqub 2:16

Ṯenniḏ-as cek niɣ ḏ ḥadd nneɣni: "Ruḥ aḏ tecceḏ aḏ tarḍeḏ arruḍ. Ac iƹawen Arebbi axak isehheȓ." Iƹni cek war ḏas tuciḏ ca min ṯeḥḏaj ddat nnes. Man nnfaƹ ḏi manaya?

1 Timutawus 4:8

Meȓa ṯestrinareḏ ixef nnec s arriyaḍa, aḏ tawiḏ ijjen n arbaḥ ac ineffeƹ cwayt. Meȓa ṯestrinareḏ s lʼiman, aḏ tawiḏ ijjen n arbaḥ ac ineffeƹ i ṯmesȓayin marra. Lʼiman-a iwƹeḏ-ic ƹlaḥsab ṯuḏarṯ-a iǧan ȓexxu ḏ ṯenni iy d ɣa yasen.

Ȓexḏayem 8:13

Simƹan netta s yixef nnes yumen itwaṭehhar s waman. Imun ak Filippas itƹejjeb Simƹan wami iẓra lmuƹjizaṯ ḏ lburhanaṯ ḏ ṯimeqqranin ig itewqiƹen.

1 Ayṯ-Kurinṯ 16:22

Wenni war ixsen ca Siḏiṯneɣ aḏ itwaḥarrem. Araḥ-d a Mawlana!

Ayṯ-Ruma 2:25

Cek meȓa ṯxeddmeḏ s min ḏayes ḏi ccariƹa, ataf ṭṭahareṯ nnec aḏ tiȓi ɣares arbeḥ. Walakin meȓa ṯƹeṣṣiḏ ccariƹa, ataf aḏ tiȓiḏ axmi war ṯeggiḏ ca ṭṭahareṯ.

Luqa 3:11

Yarra xasen Yaḥya inna-asen: "Wenni ɣar ǧant ṯnayen n ṯeqmijaṯin itxeṣṣa aḏ yuc icten i wenni war ɣar iǧi ca. Ƹaweḏ wenni ɣar iǧa min ɣa icc itxeṣṣa aḏ yuc i wenni war ɣar iǧi ca."

Yaƹqub 1:16

Ay ayṯma imƹizzen inu, war xeddƹeṯ ca ixef nwem.