Yaƹqub 1:25 - Ṯarifiṯ 2020

²⁵ Walakin wenni ixezzaren ḏi ccariƹa ikemȓen ṯenni iy ḏi ṯeǧa lḥurriya, iteṭṭef ḏayes war itettu ca min itsȓa ixeddem zzayes, ataf azzayes yawi lbaraka ḏi min itegg.

Yaƹqub 1:25 Referans Kwoze

Luqa 11:28

Walakin netta inna: "Lla, ssaƹḏ n yinni itsȓan i wawaȓ n Arebbi, tṭaƹan-as."

Yuḥanna 13:17

Ȓexxu ṯessnem manaya, ssaƹḏ nwem meȓa ṯeggim min ḏawem nniɣ.

1 Buṭrus 2:16

Ƹiceṯ am yiwḏan iy ɣar ṯeǧa lḥurriya walakin war steƹmaleṯ ca lḥurriya-ya nwem bac aḏ tesnuffarem ccarr nwem; Lla, itxeṣṣa aḏ tƹicem am ixeddamen n Arebbi.

Yaƹqub 2:12

Iwa ssiwȓeṯ ggeṯ am yiwḏan iy xef ɣa iḥkem Arebbi s ccariƹa nni iy ḏi ṯeǧa lḥurriya.

Ayṯ-Galaṭya 5:1

Ɣar lḥurriya iḍȓeq-aneɣ-d Lmasiḥ bac a niȓi ḥurr ḏ ṣṣaḥ. Beddeṯ nican baƹda, war tejjaṯ ca axawem ibesseȓ ƹaweḏ ijjen n dqeȓ n ṯzayȓut n isemɣan.

1 Ayṯ-Kurinṯ 15:58

S manaya ay ayṯma imƹizzen inu, beddeṯ nican maci akenniw senhezzen. Ggeṯ lmejhud nwem ȓebda ḏi ȓxeḏmeṯ n Siḏiṯneɣ, qa ṯessnem belli ȓxeḏmeṯ nwem ḏi Siḏiṯneɣ maci ḏ ȓbaṭeȓ.

1 Timutawus 4:16

Xzar ḏi ṯuḏarṯ nnec ḏ ṯmesȓayin iy ṯseȓmaḏeḏ, arni ḏaysent. Liʼanna meȓa ṯeggiḏ manaya aḏ tesnejmeḏ ixef nnec ḏ yinni iy ḏac itsȓan.

2 Ayṯ-Kurinṯ 13:5

Jarrbeṯ ixef nwem ma aqa kenniw ḏi lʼiman. Rajƹeṯ ixef nwem. Yac ṯessnem qa Ƹisa Lmasiḥ aqaṯ ḏaywem? Iƹni meȓa war ṯesqiṭem ca.

Ayṯ-Ruma 11:22

Iḏen xzar mecḥaȓ iṣbeḥ Arebbi mecḥaȓ iy iqseḥ. Iqseḥ x yinni iwḍan; iṣbeḥ akiḏec cek iƹni meȓa ṯeqqimeḏ ḏi ȓxir nnes. Meȓa lla ataf aḏ twaqesseḏ uȓa ḏ cek.

Ayṯ-Ruma 8:15

Liʼanna Arruḥ iy ḏawem d immucen war kenniw itarri ca ḏ isemɣan ḥima aḏ tƹicem ƹaweḏ ḏi ṯiggwḏi; Lla, immuc-awem-d Arruḥ iqeddsen ḥima aḏ tiȓim ḏ ṯarwa n Arebbi. S Arruḥ nni iy ɣa nȓaɣa: Abba, iƹni, a Baba inu.

Ayṯ-Galaṭya 2:4

Rezzun xas x manayenni can n wawmaṯen zaƹma tbuṣaren waha, uḏfen-d jaraneɣ s ṯnufra ḥima aḏ jesssen x lḥurriya iy ɣarneɣ ḏi Lmasiḥ bac aḏaneɣ arren am isemɣan i ccariƹa nsen.

Yuḥanna 8:36

Meȓa iḍȓeq-awem Mmis yuca-awem lḥurriya, aɣarwem ṯiȓi ḏ ṣṣaḥ lḥurriya.

Lwaḥi 14:13

Sȓiɣ i yijjen n ṯmijja zeg ujenna ṯeqqar: "Ari manaya: Ssaƹḏ n imettinen iy ɣa immṯen ssa aȓ ṯsawent umnen zi Siḏiṯneɣ." Arruḥ n Arebbi iqqar: "Wah, ḥima aḏ reyyḥen zi tamara nsen ȓaḥeqqac ḏeffarent-ṯen lḥasanaṯ nsen."

1 Timutawus 2:15

Ṯamɣarṯ aḏ twasenjem ƹlaḥsab ṯarwa walakin itxeṣṣa wa labud aḏ qqiment niṯenti ḏi lʼiman ḏ ȓemḥibbeṯ ḏ ȓeṣfiyeṯ ƹlaḥsab lmaƹqul.

Ayṯ-Ruma 7:12

S manaya ccariƹa n Musa ṯeṣfa, ȓuṣiyeṯ n Arebbi ṯeṣfa, ṯeṣȓaḥ, ṯeṣbaḥ.

Ȓexḏayem 26:22

Walakin Arebbi iƹawen-ayi-d zi qbeȓ ḥetta nhara. Ammu aqayi nec ḏanita beddeɣ, tbeccareɣ s umezyan ḏ umeqqran. Qqareɣ ɣir ṯimesȓayin nni iy nnan lʼanbiya ḏ Musa labud aḏ weqƹent.

Ȓexḏayem 13:43

Wami d teffɣen zi ṯemziḏa, ḏfaren-ṯen aṭṭas n israʼiliyen ḏ yinni iseȓmen ḏi ddin n Ayṯ-Israʼil iy teggwḏen Arebbi. Bulus ḏ Barnaba ssiwȓen akiḏsen cejjƹen-ṯen ḥima aḏ arnin ḏi arḍa n Arebbi.

Iƹibraniyen 12:15

Arrem-d ȓbaȓ nwem bac war itɣimi ḥadd war ixeṭṭeȓ ɣar arḍa n Arebbi, niɣ ƹaweḏ war iɣemmi can n uẓwar ḏ amerzag aḏ igg lmacakil aḏ iḍeyyeƹ aṭṭas n yiwḏan.

Ȓexḏayem 2:42

Ȓmuminin ȓebda tesȓan i ttaƹlim n arrusul, tmunen ag wayawya am wawmaṯen, tetten aɣrum ag wayawya, tẓaǧan.

Lwaḥi 22:14

Ssaƹḏ n yinni itṣebbanen ičammiren nsen, ḥima aɣarsen yiȓi ȓḥaqq ḏi ṯcejjarṯ n ṯuḏarṯ aḏ aḏfen ṯandint zi ṯewwura nnes.

1 Yuḥanna 2:24

Iwa arrem-d ȓbaȓ nwem bac aḏaywem iqqim min ṯesȓim zeg umezwaru. Meȓa iqqim ḏaywem awaȓ nni iy ṯesȓim zeg umezwaru, ataf uȓa ḏ kenniw aḏ teqqimem ḏi Mmis ak Arebbi Babas.

Ayṯ-Kulus 1:23

Walakin labud aḏ teqqimem ḏi lʼiman nwem nican aḏ tbeddem x dsas, war ṯsemmḥem ca ḏi lʼamal n Lʼinjil tuɣa iy tesȓim. Lʼinjil-a twabeccarent zzayes qaƹ ṯimesȓayin itwaxeȓqen swadday ujenna, u nec Bulus ḏewȓeɣ ḏ axeddam nnes.

Ayṯ-Ruma 2:13

Liʼanna iwḏan war tmeṣȓiḥen ca ag Arebbi meȓa tṣennaṭen waha i wawaȓ n ccariƹa; Lla, yinni iteggen array s min ḏayes ḏi ccariƹa, ataf ḏ yinni iy itmeṣȓaḥen ag Arebbi.

Ayṯ-Ruma 8:2

Liʼanna ḏi Ƹisa Lmasiḥ, ṭṭabiƹa n Arruḥ ig iticcen ṯuḏarṯ ṯfekk-icek-d zi ṭṭabiƹa n ȓmuƹṣiyeṯ ḏ ȓmewṯ.

Ayṯ-Galaṭya 6:2

Arbuṯ dqeȓ ag wayawya, s manaya aḏ teggem ȓuṣiyeṯ nni n Lmasiḥ.