Yaƹqub 1:22 - Ṯarifiṯ 2020

²² Fa maci aḏ tesȓem i wawaȓ n Arebbi u ṣafi; Itxeṣṣa-kenniw azzayes ṯxeddmem ḥima war ṯxeddƹem ca ixef nwem.

Yaƹqub 1:22 Referans Kwoze

Ayṯ-Ruma 2:13

Liʼanna iwḏan war tmeṣȓiḥen ca ag Arebbi meȓa tṣennaṭen waha i wawaȓ n ccariƹa; Lla, yinni iteggen array s min ḏayes ḏi ccariƹa, ataf ḏ yinni iy itmeṣȓaḥen ag Arebbi.

Yuḥanna 13:17

Ȓexxu ṯessnem manaya, ssaƹḏ nwem meȓa ṯeggim min ḏawem nniɣ.

Yaƹqub 4:17

Wenni itwaȓen can n ȓxir aṯ igg, meȓa war ṯ iggi ca itwaḥsab-as ḏ ȓmuƹṣiyeṯ.

1 Yuḥanna 2:3

Mammec ɣa negg neccin a nefhem belli nessen-iṯ? Qa ṯ nessen meȓa netṭaƹa-asent i ȓuṣiyaṯ nnes.

Luqa 11:28

Walakin netta inna: "Lla, ssaƹḏ n yinni itsȓan i wawaȓ n Arebbi, tṭaƹan-as."

Matta 12:50

Inna-as: "Wenni iteggen s min ixes Baba iy iǧan ḏeg ujenna, ataf netta ḏ uma ḏ učma ḏ yemma."

Ayṯ-Kulus 3:17

Marra min teggem s wawaȓen niɣ s lḥasanaṯ, itxeṣṣa aḏ teggem manaya marra ƹlaḥsab isem n Siḏiṯneɣ Ƹisa azzayes tcekkarem Arebbi Babaṯneɣ.

Lwaḥi 22:7

"Nec aqa usiɣ-d war tƹeṭṭaȓeɣ ca! Ssaƹḏ n yinni iteggen array i wawaȓen n lwaḥi iǧan ḏi Lkitab-a."

1 Yuḥanna 3:7

A iḥenjiren, war tejjam ḥadd akenniw ixḏeƹ. Wenni ig iqqimen isxeddam min iǧan nican qa netta aqaṯ nican mammec ig iǧa Siḏiṯneɣ.

Yaƹqub 1:26

Wenni itḥassaben ixef nnes ɣares ddin war iḥeṭṭi ca iȓes nnes, ataf ixeddeƹ ixef nnes waha war ɣares bu ddin.

Ayṯ-Galaṭya 6:7

War xeddƹeṯ ca ixef nwem, Arebbi war ṯ icemmeṯ uȓa ḏ ijjen. Iƹni min ma izreƹ bnaḏem, ḏ manayenni iy ɣa imjar.

3 Yuḥanna 1:11

Ay uma inu iƹizzen, war tqellad ca min iǧan ḏ aƹeffan; Lla, qelled min iǧan ḏ aṣebḥan. Wenni iteggen min iǧan ḏ aṣebḥan netta zi Arebbi; Wenni iteggen min iǧan ḏ aƹeffan netta war itwiȓi ca Arebbi.

Ayṯ-Galaṭya 6:3

Cuf, meȓa can n bnaḏem itfekkar aḏ iftaxar s yixef nnes walakin netta war ḏayes walu, ataf ixeddeƹ ixef nnes.

1 Ayṯ-Kurinṯ 6:9

Ma war ṯessinem ca belli yinni war yuminen ca war zemmaren aḏ warṯen ȓmulk n Arebbi? War xeddƹem ca ixef nwem. Yinni iteggen lfasad, ḏ yinni iƹebbḏen lʼaṣnam, ḏ yinni izennan, ḏ iḥenjiren ifessḏen ak iryazen, ḏ iryazen ifessḏen ak iryazen,

Matta 28:20

Sȓemḏem-asen aḏ ggen marra minzi kenniw weṣṣiɣ. Aqa nec akiḏwem iȓiɣ ȓebda aȓ ɣa ifna zman!"

1 Yuḥanna 1:8

Meȓa neqqar war ḏayneɣ bu ȓmuƹṣiyaṯ ataf nesxarriq x yixef nneɣ waha, ataf lḥaqiqa war ḏayneɣ ṯzeddeɣ ca.

Ayṯ-Filippas 4:8

Ɣar uneggaru ay ayṯma, min iǧan ḏ lḥaqiqa ḏ mindi iǧa ȓewqqar ḏ min iǧan iseggḏen ḏ min iǧan iṣfan ḏ min iǧan ḏ aṣebḥan ḏ min xaneɣ iƹizzen ḏ ayyi ṯamesȓayṯ ḏ ṯaṣebḥant aṭṭas aḏas nuc lqima itxeṣṣa kenniw aḏ tfekkarem ḏi ṯmesȓayin-a.

1 Ayṯ-Kurinṯ 15:33

War xeddƹeṯ ca ixef nwem: "Ṯamƹacareṯ ṯaƹeffant, tḍeyyaƹ ttarbiya ṯaṣebḥant."

Lwaḥi 12:9

Imenḍar-d zeg ujenna bu-sebƹa-ya izeǧifen ameqqran, iƹni fiɣer nni ḏi zman wenni umi qqaren Ibȓis niɣ ḏ Cciṭan iƹni wenni ixeddƹen marra ddunect. Imenḍar-d ɣar ṯmurṯ, menḍaren-d akiḏes ccayaṭin nnes.

2 Buṭrus 2:13

Aḏ txaȓasen ƹlaḥsab mamc ggin, aḏ twaḍarrmen mammec ḍarrmen niṯni iwḏan. Meȓa zehhun ḏi ṯfawṯ n uziȓ teḥsaben manaya ḏ aṣebḥan. Niṯni ḏ ixeciwen ḏ ȓƹibaṯ, zehhun s ccehweṯ nsen istwaɣarran xmi tmunsiwen akiḏwem.

Titus 3:3

Cuf, neccin ƹaweḏ tuɣa ḏayneɣ ijjen n ȓeqfaȓeṯ, war netṭiƹi ca, netwacemmeṯ, ḥekkment xaneɣ aṭṭas n lʼanwaƹ n ccehawaṯ ḏ zzhu. Tuɣa netƹic ḏeg yijjen n ȓeqbaḥeṯ ḏ ȓeḥseḏ, ƹiffen-aneɣ yiwḏan, netƹiffa ayawya.

1 Ayṯ-Kurinṯ 3:18

Itxeṣṣa war ḏinni itiȓi ḥadd ixeddeƹ ixef nnes. Meȓa ḏinni can yijjen jarawem iḥesseb ixef nnes ḏ amiɣis ḏi zman-a, itxeṣṣa aḏ iḏweȓ ḏ abuhaȓi zaƹma bac aḏ yiȓi ḏ amiɣis.

2 Timutawus 3:13

Amma iryazen iƹeffanen ḏ iryazen icemmaṯen niṯni aḏ arnin ḏi ṯuƹuffna waha, niṯni aḏ cemmṯen aḏ twacemmṯen.

Yaƹqub 4:11

Ay ayṯma, war qqareṯ bu ȓbaṭeȓ x wayawya. Minzi wenni iqqaren ȓbaṭeȓ x wumas niɣ itƹeyyab-iṯ, ataf iqqar ȓbaṭeȓ x ccariƹa itƹeyyab-it. Xmi tƹeyyabeḏ ccariƹa ataf cek war zzayes ṯxeddmeḏ ca; Lla, ataf cek ḏ ȓqaḍi nnes waha.