Yaƹqub 1:21 - Ṯarifiṯ 2020

²¹ Beƹƹḏeṯ x marra min iǧan ḏ aƹeffan ḏ min iǧan ḏ ccarr. Bȓa ttakebbur qebbȓeṯ awaȓ nni n Arebbi itwaẓẓun ḏaywem izemmar aḏ isenjem ȓaƹmar nwem.

Yaƹqub 1:21 Referans Kwoze

Ayṯ-Ufasus 4:22

Iwa tuɣa ṯȓemḏem aḏ tsemḥem ḏi ṭṭabiƹa nni nwem tuɣa ɣarwem qbeȓ. Liʼanna ṭṭabiƹa nni nwem ṯarecca ƹlaḥsab ccehweṯ nnes istwaɣarren.

Ayṯ-Ufasus 1:13

Ṯumma ismun-ikenniw-d ƹaweḏ ak Lmasiḥ wami ṯṣennṭem i wawaȓ n lḥaqiqa iƹni Lʼinjil iy zi ṯnejmem. Wami ṯumnem iḍbeƹ-ikenniw Arebbi s ṭṭabaƹ nnes iƹni s Arruḥ iqeddsen iy zi ḏaneɣ iwƹeḏ.

1 Buṭrus 2:11

Ay imƹizzen inu, nec qqareɣ-awem i kenniw iy iǧan ḏ iƹezzaben ḏ ibarraniyen ḏi dduncet-a, beƹƹḏeṯ zi ccehawaṯ nni ṯiƹeffanin iy kenniw itḥaraben ḍed n ȓaƹmar nwem.

Yuḥanna 6:63

Arruḥ n Arebbi ḏ netta iseddaren. Min iǧan ḏ bnaḏem war ineffeƹ i walu. Awaȓen iy ḏawem nniɣ, ḏaysen arruḥ ḏ ṯuḏarṯ.

1 Buṭrus 2:1

Iḏen fa kkseṯ zeg wuȓawen nwem marra ccarr ḏ marra lɣeḏran ḏ nnifaq ḏ ȓeḥseḏ ḏ marra ȓbaṭeȓ.

Iƹibraniyen 12:1

Iḏen ƹlaḥsab niṯni, iƹni ȓechuḏ nni n lʼiman iy xaneɣ itennḍen am yijjen n umuni ḏ ameqqran, labud a nekkar a nekkes kuȓ dqeȓ ḏ kuȓ ȓmuƹṣiyeṯ iy ḏaneɣ iseḥṣaren. A nazzȓeṯ s ṣṣbar ṯazzȓa nni iy ḏaneɣ itrajan ɣar zzaṯ.

Yaƹqub 4:8

Aḏseṯ ɣar Arebbi, netta aɣarwem d yaḏes. A yinni ixḍan, sirḏeṯ ifassen nwem. A yinni kuȓ ȓaƹqeȓ min ḏawem iqqar, seṣfaṯ uȓawen nwem.

Titus 2:11

Cuf, arḍa n Arebbi itmeḍhar-asen-d i marra iwḏan itawi-ṯen ɣar mani ɣa twasnejmen.

Ayṯ-Ruma 1:16

Aqa nec war tseḏḥiɣ ca zi Lʼinjil liʼanna Lʼinjil ḏ jjheḏ nni ig isxeddam Arebbi bac aḏ isenjem marra wi ɣa yamnen: Ayṯ-Israʼil ḏ imezwura ṯumma yinni war iǧin ca zi Ayṯ-Israʼil.

Iƹibraniyen 4:2

Liʼanna ȓexbar-a n ȓxir iy ḏaneɣ d itwabeccaren i neccin, uȓa ḏ ȓejḏuḏ nneɣ twabeccaren zzayes. Walakin war stenfiƹen ca zzayes wami ugin azzayes amnen.

Iƹibraniyen 2:3

Ȓexxu asenjem nneɣ imɣaren, mammec iy ɣa negg a nenjem zi lƹiqab iƹni meȓa neɣfeȓ x usenjem-a? Awaȓ n usenjem-a ibcar-iṯ-iḏ ḏ amezwaru Siḏiṯneɣ, ṯumma cehḏen xas yinni iy ḏas iṣennṭen ssiwḍen-ṯ-iḏ i neccin.

1 Ayṯ-Kurinṯ 15:2

Aqa ṯnejjmem zzayes wami ḏayes teṭṭfem mliḥ ḏeg wawaȓ n ttebcir nni wenni iy zi kenniw beccareɣ. Meȓa lla, zaƹma lʼiman nwem ṯesbeṭṭȓem-ṯ.

Ayṯ-Ruma 6:17

Walakin a neḥmeḏ Arebbi! Waxxa ṯṭaƹem i ȓmuƹṣiyeṯ qbeȓ, ȓexxu ṯṭaƹam s wuȓawen nwem i useȓmeḏ nni iy kenniw issiwḍen. Ṯehnam zi ȓmuƹṣiyeṯ, ṯḏewȓem ḏ isemɣan i min iǧan nican.

Yuḥanna 6:68

Inna-as Simƹan Buṭrus: "A Siḏi, min iƹna wenni mani ɣa nraḥ? Cek ɣarek awaȓen n ṯuḏarṯ n ȓebda.

1 Ayṯ-Salunik 2:13

Neccin netcekkar Arebbi xawem bȓa ma a nbedd wami ṯqebȓem awaȓ nnes iy ḏawem d nessiweḍ. Ṯqebȓem-ṯ maci am wawaȓ n yiwḏan, ṯqebȓem-ṯ am wawaȓ n Arebbi nican. Ixeddem wawaȓ-a ƹaweḏ ḏaywem kenniw iy yumnen.

2 Ayṯ-Kurinṯ 7:1

Iḏen ay imƹizzen inu, wami ḏaneɣ iƹaheḏ Arebbi x ṯmesȓayin-a labud a nessiṣfa ixef nneɣ zi marra min ḏaneɣ isexnizen ḏi ddat ḏ arruḥ ḥima a niȓi ḏ ṣṣaliḥin bȓa axeṭṭi s ṯiggwḏi n Arebbi.

Ȓexḏayem 13:26

Inna-asen Bulus: "Ay ayṯma, a ṯarwa n Brahim, ay yinni iteggwḏen Arebbi! Qa ḏ neccin umi d issekk Arebbi awaȓ-a iy zi ɣa nenjem.

1 Buṭrus 1:9

Aqa kenniw ṯqebbȓem lɣaraḍ n lʼiman nwem iƹni aḏ injem ȓaƹmar nwem.

Ayṯ-Ruma 11:17

Cuf, ȓebƹaḍ n ȓefruƹ iƹni ṯiseḍwin twaqessent zi ṯzitunt, ssenni cek ṯetwaȓeqqmeḏ ḏeg umcan nsent jar ṯinni iqqimen waxxa cek ḏ azemmur, ṯcarrceḏ ḏeg iẓewran n ṯzitunt ṯeddareḏ zzaysen.

Ȓexḏayem 10:33

Iwa x manaya iy ɣarek d ssekkeɣ ḏeɣya, ṯeggiḏ mliḥ wami d ṯusiḏ. Neccin ȓexxu marra aqaneɣ neḥḍar zzaṯ i Arebbi bac a nṣenneṭ marra minzi cek iweṣṣa Siḏi Arebbi."

Matta 5:5

Ssaƹḏ nsen i yinni iǧan ḏ drawec, aqa aḏ warṯen ddunect.

1 Ayṯ-Salunik 1:5

Liʼanna Lʼinjil iy netbeccar war d yusi ca ɣarwem s wawaȓen waha, yusa-d ɣarwem s ṯzemmar ḏ Arruḥ iqeddsen ḏ yijjen n uqennaƹ imɣar. Aqa ṯessnem mamc tuɣa netƹic jarawem ƹlaḥsab kenniw.

Ayṯ-Ufasus 5:4

U labud ƹaweḏ war itiȓi ca jarawem awaȓ aƹeffan niɣ ḏ wawaȓ ixwan niɣ ḏ nnukta ḏ ṯaƹeffant; Lla, itxeṣṣa aḏ yiȓi ccuker i Arebbi.

Ayṯ-Ufasus 4:25

Iḏen labud kuȓ ijjen zzaywem aḏ ibeƹƹeḏ zeg ixerriqen aḏ issiweȓ s ȓḥaqq ak wajjar nnes liʼanna neccin marra ḏ ijjen n jmaƹeṯ iy neǧa.

1 Buṭrus 1:22

Ȓexxu ṯessiṣfam ixef nwem wami ṯṭaƹem i lḥaqiqa bac aḏ tiȓi ḏaywem ijjen n ȓemḥibbeṯ jar wawmaṯen bȓa nnifaq. S manaya itxeṣṣa-kenniw aḏ texsem ayawya aṭṭas s wuȓawen nwem.