Titus 3:6 - Ṯarifiṯ 2020

⁶ Arruḥ-a ifareɣ-iṯ-iḏ xaneɣ Arebbi s yijjen n ȓxir imɣar s ufus n Ƹisa Lmasiḥ wenni iy ḏaneɣ isnejmen.

Titus 3:6 Referans Kwoze

Ayṯ-Ruma 5:5

Lʼamal-a war ḏaneɣ itxeyyib ca, mayemmi? Liʼanna Arebbi yuca-aneɣ Arruḥ iqeddsen, zzayes ig iccur uȓawen nneɣ s ȓemḥibbeṯ nnes.

Ȓexḏayem 10:45

Ȓmuminin zeg Ayṯ-Israʼil iy d yusin ak Buṭrus qqimen tƹejjben wami ufin Arruḥ iqeddsen itwafeyyeḍ uȓa x yinni war iǧin ca ḏ israʼiliyen.

Yuḥanna 16:7

Aqa tesȓam ȓḥaqq: Ḥsen i kenniw aḏ raḥeɣ. Meȓa war ruḥeɣ ca, ataf war ɣarwem d itis ca Lmuƹawin nni. Walakin meȓa ruḥeɣ, ataf aḏawem ṯiḏ ssekkeɣ.

Yuḥanna 1:16

S lbaraka nnes ṯameqqrant ibarek-aneɣ marra s arḍa x arḍa.

Titus 1:4

Tariɣ ṯabrat-a i Titus wenni iy iǧan am memmi ḏ ṣṣaḥ ḏi lʼiman-a iy ḏi ncarrec. Akiḏec yiȓi arḍa ḏ ȓehna zi Arebbi Babaṯneɣ ḏ Ƹisa Lmasiḥ wenni iy ḏaneɣ isnejmen.

Ayṯ-Ufasus 4:2

Iȓim bȓa ttakebbur qaƹ. Iȓim s yijjen n ttawaḍuƹ. Ṣbarem ak wayawya s ttasiƹ n ȓxaḍar ḏ ȓemḥibbeṯ.

Ayṯ-Ufasus 3:8

Lbaraka-ya yuca-ayi-t Arebbi waxxa ḏ amezyan iy ǧiɣ x marra ṣṣaliḥin bac nec aḏ beccareɣ yinni war iǧin ca zi Ayṯ-Israʼil aḏ ssnen agȓa nni n Lmasiḥ iy war itwacerriḥen ca.

Ayṯ-Ruma 8:2

Liʼanna ḏi Ƹisa Lmasiḥ, ṭṭabiƹa n Arruḥ ig iticcen ṯuḏarṯ ṯfekk-icek-d zi ṭṭabiƹa n ȓmuƹṣiyeṯ ḏ ȓmewṯ.

Ȓexḏayem 2:33

Wami itwarfeƹ ɣar ufusi n Arebbi, iysi zi Babas Arruḥ iqeddsen iy zi ṯ iwƹeḏ, isfareɣ-d Ƹisa manaya iy twaȓam ȓexxu ḏ manaya iy ṯesȓam.

Yuḥanna 7:37

Ḏi nhar aneggaru ameqqran zi ȓƹiḏ nni, ikkar ibedd Ƹisa itxaṭab s jjheḏ inna: "Meȓa iffuḏ ḥadd, itxeṣṣa netta aḏ d yas ɣari aḏ isew.

Yuḥanna 4:10

Inna-as Ƹisa: "Maƹlik cem ṯessneḏ lhadiya n Arebbi ṯessneḏ min ƹniɣ nec iy ḏam iqqaren uc-ayi aḏ sweɣ, ataf ṯettareḏ-ayi cem aman aḏam uceɣ aman n ṯuḏarṯ."

Ayṯ-Ruma 2:4

Niɣ ṯseḥqareḏ lḥanana imɣaren n Arebbi ḏ ṣṣbar nnes ḏ ȓxaḍar iy ɣares? Ma war ṯessineḏ Arebbi s lḥanana nnes irezzu ac d isbeyyen abriḏ bac aḏ tubeḏ?

1 Timutawus 6:17

Yinni ig iǧan ḏ twajar ḏi ddunect-a iy ḏi neǧa tweṣṣa-ṯen bac war ḏaysen itiȓi ca ttakebbur bac war teggen ca lʼamal nsen ḏeg wagȓa ḏi war ṯeǧi bu ttiqeṯ. Lla, aḏ yiȓi lʼamal nsen ḏi Arebbi wenni iy ḏaneɣ itḏebbaren marra ṯimesȓayin s ȓxir azzaysent nfareḥ.