Titus 3:3 - Ṯarifiṯ 2020

³ Cuf, neccin ƹaweḏ tuɣa ḏayneɣ ijjen n ȓeqfaȓeṯ, war netṭiƹi ca, netwacemmeṯ, ḥekkment xaneɣ aṭṭas n lʼanwaƹ n ccehawaṯ ḏ zzhu. Tuɣa netƹic ḏeg yijjen n ȓeqbaḥeṯ ḏ ȓeḥseḏ, ƹiffen-aneɣ yiwḏan, netƹiffa ayawya.

Titus 3:3 Referans Kwoze

Ayṯ-Kulus 1:21

Kenniw tuɣa qbeȓ tiggwjem x Arebbi tmenɣam akiḏes s ȓaƹquȓaṯ nwem teggem ṯimesȓayin ḏ ṯiƹeffanin.

Ayṯ-Ruma 6:17

Walakin a neḥmeḏ Arebbi! Waxxa ṯṭaƹem i ȓmuƹṣiyeṯ qbeȓ, ȓexxu ṯṭaƹam s wuȓawen nwem i useȓmeḏ nni iy kenniw issiwḍen. Ṯehnam zi ȓmuƹṣiyeṯ, ṯḏewȓem ḏ isemɣan i min iǧan nican.

Ayṯ-Kulus 3:7

Tuɣa qbeȓ ṯuyurem x ibriḏen-a ṯƹicem ḏaysen.

Ayṯ-Ruma 6:22

Ȓexxu ṯehnam zi ȓmuƹṣiyeṯ, ṯṭaƹam i Arebbi. Man nnfaƹ iy zzayes ɣa ṯawim? Iƹni aḏ tiȓim ṯeṣfam u manayenni itawi ɣar tuḏarṯ n ȓebda.

1 Buṭrus 1:14

Iȓim am ṯarwa itṭaƹan, war ḏeffareṯ ca ccehawaṯ nni ṯiƹeffanin ṯinni iy ḏi tuɣa tƹicem ḏi ȓeqfaȓeṯ nwem iƹḏun.

2 Ayṯ-Kurinṯ 12:20

Cuf, ggwḏeɣ xmi d ɣa awḍeɣ war kenniw tifeɣ ca mammec tmenniɣ akenniw afeɣ. U ƹaweḏ war ḏayi tifem ca mammec tmennim aḏayi ṯafem. Ggwḏeɣ aḏ afeɣ jarawem amenɣi ḏ ȓeḥseḏ ḏ uƹaṣṣeb, kuȓ ijjen irezzu i yixef nnes waha, ḏ ȓbaṭeȓ ḏ nnamima, ḏaywem ttakebbur ḏ ȓfawḍa.

Yuḥanna 8:34

Inna-asen Ƹisa: "Aqa tesȓam ȓḥaqq: Marra wenni iteggen ȓmuƹṣiyeṯ netta ḏ ismeɣ, bab nnes ḏ ȓmuƹṣiyeṯ.

Matta 21:29

Indeq-d mmis inna-as: Lla, war traḥeɣ ca. Walakin menbaƹd cwayt indem, iruḥ ɣar umarjeƹ.

Yaƹqub 1:26

Wenni itḥassaben ixef nnes ɣares ddin war iḥeṭṭi ca iȓes nnes, ataf ixeddeƹ ixef nnes waha war ɣares bu ddin.

Ayṯ-Galaṭya 6:3

Cuf, meȓa can n bnaḏem itfekkar aḏ iftaxar s yixef nnes walakin netta war ḏayes walu, ataf ixeddeƹ ixef nnes.

Luqa 21:8

Inna-asen: "Ḥḍam ixef nwem ḥima war kenniw ixeddeƹ ḥadd. Aṭṭas iy d ɣa yasen s yisem inu zaƹma aḏ inin qa nec ḏ Lmasiḥ! Ƹaweḏ aḏawem inin qa ȓweqṯ ṯuweḍ-d! Walakin kenniw itxeṣṣa war ṯen teḏfirem ca.

Lwaḥi 18:2

Isnekkar ṯɣuyyeṯ s jjheḏ inna: "Qa ṯewḍa qa ṯewḍa Babil ṯameqqrant! Ṯeḏweȓ ḏ ṯazeddiɣṯ n ccayaṭin, ḏ ṯanwaȓṯ i mkuȓ jjenn aƹeffan, ḏ axbuc i mkuȓ ajḍiḍ ig iǧan ḥram ig iƹiffen.

Lwaḥi 13:14

Ixeddeƹ imezḏaɣ n ṯmurṯ s lmuƹjizaṯ nni iy ḏas itwasemḥen aṯent igg zzaṯ i ȓwaḥc amezwaru. Yumar imezḏaɣ n ṯmurṯ aḏ ṣenƹen ijjen n lʼaṣnam am ȓwaḥc nni iy ḏi iǧa ujarriḥ n ssif walakin netta iddar.

Lwaḥi 12:9

Imenḍar-d zeg ujenna bu-sebƹa-ya izeǧifen ameqqran, iƹni fiɣer nni ḏi zman wenni umi qqaren Ibȓis niɣ ḏ Cciṭan iƹni wenni ixeddƹen marra ddunect. Imenḍar-d ɣar ṯmurṯ, menḍaren-d akiḏes ccayaṭin nnes.

Ayṯ-Ruma 6:6

Neccin nessen belli nnefs nneɣ tuɣa ṯeǧa qbeȓ, nettaṯ iƹni, twaṣelleb ak Lmasiḥ ḥima aḏ tbeṭṭeȓ nnefs nneɣ iccuren s ȓmuƹṣiyaṯ, bac war netɣimi ca ssa aȓ ṯsawent ƹaḏ ḏ isemɣan n ȓmuƹṣiyeṯ.

Ayṯ-Ruma 6:12

Falihaḏa ixeṣṣa war tejjim ca ȓmuƹṣiyeṯ aḏ teḥkem x ddat nwem iy ɣa ifnan ḥima war teggem ca array i ccehweṯ nnes.

Ayṯ-Ruma 11:30

Cuf, ḏi ȓweqṯ nni iƹḏun tuɣa kenniw ṯƹeṣṣam Arebbi, irḥem-ikenniw ȓexxu s ssabab n ȓmuƹṣiyeṯ nni n Ayṯ-Israʼil.

2 Timutawus 3:6

Iryazen-a ḏ yina iy d isnuquben ṯuḏrin am ibbuƹen taḏfen bac aḏ sayṭaren x ṯemɣarin iy ḏi ṯeǧa niyyeṯ tƹemmarent s ȓmuƹṣiyaṯ twacemmaṯent s waṭṭas n lʼanwaƹ n ccahawaṯ.

2 Timutawus 3:13

Amma iryazen iƹeffanen ḏ iryazen icemmaṯen niṯni aḏ arnin ḏi ṯuƹuffna waha, niṯni aḏ cemmṯen aḏ twacemmṯen.

Titus 1:16

Qqaren qa nessen Arebbi walakin nekkaren-ṯ s ȓefƹayeȓ nsen. Niṯni twaƹiffen, war tṭiƹin ca, war neffƹen ca uȓa ḏeg yijjen n ȓxeḏmeṯ ḏ ṯaṣebḥant.

Titus 2:12

Arḍa-ya itrebba-yaneɣ a nenkar ccarr ḏ ccehawaṯ n ddunect-a, a nƹic ḏi zman-a a neḥkam x ṯnefsiyṯ nneɣ aḏayneɣ yiȓi lmaƹqul ḏ lʼiman