Titus 1:2 - Ṯarifiṯ 2020

² Lʼiman-a ḏ ṯusna-ya ṯbedda x lʼamal n ṯuḏarṯ nni war ifennin ƹemmarṣ, ṯenni iy zi iwƹeḏ Arebbi iƹni wenni war isxerriqen ca. Iwƹeḏ s ṯuḏarṯ nni qbeȓ ma aḏ bḏan zmanaṯ qaƹ.

Titus 1:2 Referans Kwoze

1 Yuḥanna 2:25

Minzi ḏaneɣ iwƹeḏ? Iwƹeḏ-aneɣ s ṯuḏarṯ n ȓebda n ȓebdaṯ.

2 Timutawus 1:9

Isenjem-aneɣ iȓaɣa-yaneɣ-d s yijjen n uȓaɣi muqeddes. War ḏaneɣ d iȓaɣi ca ƹlaḥsab lḥasanaṯ nneɣ; Lla, iȓaɣa-yaneɣ-d ƹlaḥsab lɣaraḍ nnes netta ḏ arḍa nnes iy ḏaneɣ d yuca ḏi Ƹisa Lmasiḥ qbeȓ ma aḏ tebḏa ȓweqṯ n ddunect-a qaƹ.

Yahuḏa 1:21

Itxeṣṣa aḏ teqqimem ḏi ȓemḥibbeṯ n Arebbi aḏ trajam arraḥmeṯ nni n Siḏiṯneɣ Ƹisa Lmasiḥ ṯenni iy kenniw itawin ɣar ṯuḏarṯ nni war ifennin ca ƹemmarṣ.

2 Timutawus 1:1

Nec ḏ Bulus ḏ ijjen n arrasul n Ƹisa Lmasiḥ s ȓxaḍar n Arebbi ƹlaḥsab lwaƹeḏ nni iy ḏaneɣ iwƹeḏ x ṯuḏarṯ nni iǧan ḏi Ƹisa Lmasiḥ.

Titus 3:7

Ḥima a nwareṯ zzayes, aɣarneɣ yiȓi ijjen n lʼamal n ṯuḏarṯ ṯenni war ifennin ca liʼanna nmeṣȓaḥ ak Arebbi s arḍa nnes.

Titus 2:13

u neccin ɣir netraja lʼamal nni itwabarken iƹni Nhar nni iy ḏayes d ɣa ṯmeḍhar lƹaḍama n Arebbi Ameqqran ḏ Umsenjem nneɣ Ƹisa Lmasiḥ.

2 Timutawus 2:15

Egg lmejhud nnec bac aḏ tseḥḍareḏ ixef nnec ɣar Arebbi am yijjen ɣares iǧan meqbul, iƹni am yijjen n uxeddam war ɣares minxef iy ɣa iseḏḥa itfessar nican awaȓ n lḥaqiqa.

2 Timutawus 2:13

Meȓa nesmeḥ neccin ḏi lʼamana nneɣ, maci aḏ ismeḥ netta ḏi lʼamana nnes, minzi war izemmar aḏ inkar ixef nnes.

1 Yuḥanna 5:20

Nessen ƹaweḏ aqa Mmis n Arebbi yusa-d yuca-aneɣ ȓefhameṯ bac a nessen wenni iǧan ḏ ṣṣaḥ. Neccin aqaneɣ ḏeg wenni iǧan ḏ ṣṣaḥ s Mmis Ƹisa Lmasiḥ. Wanita ig iǧan ḏ Arebbi n ṣṣaḥ ḏ ṯuḏarṯ n ȓebda n ȓebdaṯ.

Titus 2:7

Ḏi marra ṯimesȓayin aɣarsen ṯiȓiḏ cek ḏ lmiṯal s lḥasanaṯ iy teggeḏ. Ttaƹlim nnec sexḏem-iṯ s ṣṣaraḥa ḏ lmaƹqul

1 Ayṯ-Salunik 5:8

Neccin lla, neccin ḏ ṯarwa n nhar, aɣarneɣ yiȓi ȓaƹqeȓ. A negg ṯjilit nni n ȓeḥḏiḏ iǧan nettaṯ n lʼiman ḏ ȓemḥibbeṯ. A negg lkask nneɣ iǧan netta ḏ lʼamal n ufekki.

Ayṯ-Ruma 6:23

Aqa axeǧes n ȓmuƹṣiyeṯ netta ḏ ȓmewṯ, walakin lhadiya n Arebbi nettaṯ ḏ ṯuḏarṯ n ȓebda ḏi Siḏiṯneɣ Ƹisa Lmasiḥ.

Matta 25:46

Aḏ raḥen yina ɣar ṯmessi iy war ixessin ƹemmarṣ. Walakin iṣebḥanen aḏ raḥen ɣar ṯuḏarṯ n ȓebda."

Matta 25:34

Ȓexddenni yinni iǧan x ufusi aḏasen yini uzeǧiḏ-a: A yinni iy ḏi igga Baba lbaraka araḥem-d kenniw warṯem ȓmulk iy ḏawem isewjeḏ zeg wami ṯeǧa ddunect.

Lwaḥi 17:8

Ȓwaḥc nni iy ṯeẓriḏ tuɣa iǧa, ȓexxu war iǧi ca, ƹȓayen aḏ d igaƹƹeḏ zi ȓaǧeɣ bȓa ȓaḥedd aḏ itwahḏem. Imezḏaɣ n ṯmurṯ xmi ɣa ẓren ȓwaḥc nni ataf aḏ dehcen iƹni kuȓ ijjen isem nnes war izemmem ca zeg wami ṯeǧa ddunect ḏi Lkitab n Ṯuḏarṯ. Ȓaḥeqqac ȓwaḥc nni tuɣa iǧa, ȓexxu war iǧi ca, ƹaḏ aḏ d yas.

Lwaḥi 13:8

Marra imezḏaɣ n ṯmurṯ aḏas sejjḏen i ȓwaḥc-a, iƹni kuȓ ijjen zzaysen isem nnes war izemmem ca ḏi Lkitab n Ṯuḏarṯ zeg wami ṯeǧa ddunect-a, iƹni ḏi Lkitab n Yizmar itwanɣen.

2 Timutawus 2:10

X manaya nec ṣebbareɣ x marra ṯimesȓayin ƹlaḥsab yinni itwaxḍaren ḥima uȓa ḏ yina aḏ nejjmen s ufus n Ƹisa Lmasiḥ, akiḏes ijjen lƹaḍama iy war ifennin ca.

1 Timutawus 6:19

Amenni iy ɣa xemȓen agȓa i yixef nsen am yijjen n dsas ijehḏen i ṯuḏarṯ iy d ɣa yasen bac aḏ ṭṭfen mliḥ ḏi ṯuḏarṯ nni iy iǧan ḏ ṯuḏarṯ n ṣṣaḥ.

Ayṯ-Ruma 5:21

U mammec ṯeḥkem ȓmuƹṣiyeṯ ṯuwi-d ȓmewṯ, amenni iy xaneɣ iḥkem arḍa wami ḏaneɣ isemṣȓaḥ Arebbi akiḏes yuwi-d ṯuḏarṯ n ȓebda x ufus n Siḏiṯneɣ Ƹisa Lmasiḥ.

Yuḥanna 17:2

Minzi ṯuciḏ-as jjheḏ x kuȓ bnaḏem ḥima aḏ yuc ṯuḏarṯ n ȓebda i marra yinni iy ḏas ṯuciḏ.

Yuḥanna 10:28

Ticceɣ-asen ṯuḏarṯ n ȓebda ƹemmarṣ war fennin ca, war ṯen ixeṭṭef uȓa ḏ ijjen zeg ufus inu.

Yuḥanna 6:68

Inna-as Simƹan Buṭrus: "A Siḏi, min iƹna wenni mani ɣa nraḥ? Cek ɣarek awaȓen n ṯuḏarṯ n ȓebda.

Yuḥanna 6:54

Inna-asen: "Wenni ɣa iccen ddat inu aḏ isew iḏammen inu, aɣares ṯiȓi ṯuḏarṯ i ȓebda nec aṯiḏ sekkareɣ ḏi Nhar Aneggaru.

Yuḥanna 5:39

Ṯrezzum ḏi Lkutub kenniw tɣir-awem ḏaysen ṯuḏarṯ n ȓebda. Iwa uȓa ḏ yina cehhḏen xafi.

1 Timutawus 6:12

Mneɣ amenɣi nni aṣebḥan n lʼiman, ṭṭef ḏi ṯuḏarṯ nni war ifennin ca aȓ ḏac d iȓaɣa Arebbi wami ṯcehḏeḏ chaḏeṯ nni ṯaṣebḥant zzaṯ i waṭṭas n ȓechuḏ.

1 Ayṯ-Salunik 2:15

Niṯni nɣin Siḏiṯneɣ Ƹisa ḏ lʼanbiya, uȓa ḏ neccin sufɣen-aneɣ ssenni. War xasen yarḍi ca Arebbi niṯni tƹarraḍen i marra iwḏan, ȓaḥeqqac war ḏaneɣ tejjin ca a nessiweȓ ak ȓegnus bac aḏ nejmen. Amenni ȓmuƹṣiyaṯ nsen arennint tƹemmarent, lƹiqab n Arebbi iwḍa xasen qaƹ.

Ayṯ-Ruma 16:25

Itwabarak Arebbi! Netta ḏ wenni izemmaren aḏawem yuc jjheḏ s Lʼinjil-a iy tbeccareɣ u ƹaweḏ s uḥeddeṯ n Ƹisa Lmasiḥ ƹlaḥsab min d ibanen tuɣaṯ manayenni zi zman inuffar.

Ayṯ-Ruma 5:4

Ṣṣbar-a itarew ḏayneɣ minzi ɣa neɣȓeb x ȓemḥayen. S ȓeɣȓab-a x ȓemḥayen itarew ḏayneɣ lʼamal.

Ayṯ-Ruma 5:2

Netta zzayes iy nufa abriḏ s lʼiman ɣar arḍa iy ḏi neǧa ȓexxu. Nfarreḥ ḏi lʼamal n lƹaḍama n Arebbi.

Ayṯ-Ruma 2:7

Aḏasen yuc ṯuḏarṯ war ifennin ca i yinni iṣebbaren teggen lḥasanaṯ, liʼanna rezzun x lhimma ḏ uweqqar ḏ ṯuḏarṯ nni itduman.

Ayṯ-Ruma 1:2

Lʼinjil-a iy zi iwƹeḏ Arebbi ḏi zman s yiȓes n lʼanbiya nnes ḏi Lkitab lmuqeddes.

Yuḥanna 17:24

A Baba, yina ḏayi ṯuciḏ xseɣ aḏ iȓin akiḏi mani ma ǧiɣ nec ḥima aḏ ẓren lƹaḍama inu iy ḏayi ṯuciḏ minzi cek ṯḥibbeḏ-ayi qbeȓ ma aḏ tiȓi ddunect.

Ayṯ-Kulus 1:27

Niṯni ixḍar-iṯen Arebbi bac aḏ xebbaren i yinni war iǧin ca zi Ayṯ-Israʼil aḏasen inin mecḥaȓ imɣar ȓxir-a lƹaḍim n ȓmaƹna inuffaren wanita. Min iƹna ȓmaƹna-ya? Lmasiḥ netta iǧa ḏaywem, ḏ lʼamal n lƹaḍama.

Marqus 10:30

ataf aɣares ṯiȓi miyya n ṯseqqar zi ṯuḏrin ḏ ayṯmas ḏ suyṯmas ḏ yemmas ḏ ṯarwa nnes ḏ imarjeƹiwen nnes. Aɣares yiȓi uƹeddeb ḏi zman-a, walakin ḏi zman iy d ɣa yasen aɣares ṯiȓi ṯuḏarṯ n ȓebda.

Marqus 10:17

Ƹisa wami iggur x ubriḏ, yusa-d ɣares ijjen itazzeȓ iwḍa x ifadden zzaṯes inna-as: "A Lmuƹallim aṣebḥan, min ɣa ggeɣ ḥima aɣari ṯiȓi ṯuḏarṯ n ȓebda?"