Ȓexḏayem 9:36 - Ṯarifiṯ 2020

³⁶ Ḏi ṯendint n Yafa ḏinni ijjen n ṯmeḥḍarṯ qqaren-as Ṭabita (ȓmaƹna n yisem-a, <ṯiɣit n uzɣar>). Tegg ȓxir aṭṭas tƹawan imesƹan.

Ȓexḏayem 9:36 Referans Kwoze

Titus 3:8

Awaȓ-a iy qqareɣ ḏayes ttiqeṯ. Nec xseɣ cek aḏ twekkḏeḏ x ṯmesȓayin-a i yinni iy yumnen zi Arebbi bac aḏ d arren ȓbaȓ nsen aḏ ṭewwƹen ixef nsen s lḥasanaṯ. Ṯimesȓayin-a ḏ ṯiṣebḥanin s waṭṭas neffƹent iwḏan.

Titus 2:7

Ḏi marra ṯimesȓayin aɣarsen ṯiȓiḏ cek ḏ lmiṯal s lḥasanaṯ iy teggeḏ. Ttaƹlim nnec sexḏem-iṯ s ṣṣaraḥa ḏ lmaƹqul

Iƹibraniyen 13:21

Aḏawem iḏebbar Arebbi marra ṯimesȓayin ṯiṣebḥanin bac aḏ teggem ȓxaḍar nnes. Aḏayneɣ ixḏem min ḏas iteƹjiben zzaṯes, s Siḏiṯneɣ Ƹisa Lmasiḥ iy ɣar ɣa ṯiȓi lƹaḍama i ȓebda n ȓebdaṯ. Amin.

Yaƹqub 1:27

Ddin iṣfan iy inqan ɣar Arebbi Babaṯneɣ min iƹna? Iƹni bnaḏem itraḥ ɣar yujiȓen ḏ ṯajjaȓin aṯen iƹawen ḏeg uzeyyar nsen, aḏ iḥḍa ixef nnes ḥima war ṯ twessix ca ddunect-a.

Titus 2:14

Netta iṣeddeq xaneɣ ixef nnes ḏ ijjen n lfidya x marra ccarr nneɣ u ƹaweḏ bac aḏ issiṣfa ijjen n ccaƹb i yixef nnes ataf aḏ iȓin nnes mujudin aḏ ggen lḥasanaṯ.

Ayṯ-Ufasus 2:10

Liʼanna neccin ḏ ȓxeḏmeṯ n Siḏi Arebbi, ixȓeq-aneɣ-d ḏi Ƹisa Lmasiḥ bac a negg ȓexḏayem ṯiṣebḥanin. Niṯenti isewjeḏ-aneɣ-ṯent-id Arebbi zi qbeȓ bac aṯent nexḏem.

Ȓexḏayem 10:31

Iqqar-ayi-d: A Kurninyus! Qa Arebbi istajeb-ac i ṯẓaǧiṯ nnec, ṣṣaḏaqa nnec ifekkar ḏayes.

1 Timutawus 5:10

Labud aḏ tiȓi maƹrufa s lḥasanaṯ nnes iƹni meȓa ṯrebba ṯarwa nnes, treḥḥab s inewjiwen, ṯsiȓiḏ iḍaren n ṣṣaliḥin, tƹawan yinni itzeyyaren, ṯḏeffar marra ṯimesȓayin ṯiṣebḥanin.

1 Ayṯ-Salunik 4:10

Wah, ḏ ṣṣaḥ texsem marra ayṯmaṯwem iy kiḏwem itƹicen ḏi lʼiqlim n Masidunya. Walakin netweṣṣa-kenniw ay ayṯma aḏ tarnim ƹaḏ ktar.

Ayṯ-Filippas 1:11

Zzayes zi Ƹisa Lmasiḥ aḏ tiȓim ṯƹemmarem s min d itarwen ȓḥaqq. Marra manaya i lƹaḍama n Arebbi ḏ lḥamd nnes.

Yuḥanna 15:8

Aḏ tarwem izekkunen aṭṭas, aḏ tiȓim ḏ imeḥḍaren inu. S manaya itwasemɣar Baba.

Yuḥanna 15:5

Nec ḏ ṯzayarṯ uḍiȓ, kenniw ḏ ikeccuḍen. Wenni itɣiman ḏayi u nec tɣimiɣ ḏayes, ataf netta aḏ yarew izekkunen n uḍiȓ aṭṭas ȓaḥeqqac kenniw bȓa zzayi war ṯzemmarem aḏ teggem walu.

Ayṯ-Kulus 1:10

Ḥima aḏ tuyurem x yijjen n ubriḏ iy ḏas iticcen i Siḏiṯneɣ lqima iy ḏas iteƹjiben marra. X ubriḏ-a aḏ tarwem marra ȓexḏayem ṯiṣebḥanin aḏ tmarnim ḏi ṯusna nwem x Arebbi.

Ȓexḏayem 9:38

Sȓin imeḥḍaren ḏi ṯendint n Yafa belli Buṭrus aqaṯ ḏeg ubilaj n Ludda. Ludda ṯuḏes-d i Yafa, ssekken ɣares ṯnayen n yiwḏan ḥecmen-ṯ nnan-as: "Ƹafek arwaḥ akiḏneɣ ḏeɣya!"

Ȓexḏayem 9:42

Iffeɣ ȓexbar ḏi ṯendint n Yafa marra, umnen zi Siḏiṯneɣ aṭṭas n yiwḏan.

Ȓexḏayem 10:8

Iƹaweḏ-asen marra min iweqƹen, issekk-iṯen ɣar ṯendint n Yafa.

Ȓexḏayem 10:23

Ikkar Buṭrus isiḏef-iṯen ɣar ḏaxeȓ isnewjew-iṯen. Ṯiwecca nnes iruḥ akiḏsen Buṭrus. Munen akiḏes ȓebƹaḍ n ayṯmas zi ṯendint n Yafa.

Ȓexḏayem 11:5

"Nec wami tuɣa ǧiɣ ḏi ṯendint n Yafa tẓaǧiɣ yuḥa-ayi-d Arebbi, ḏi lwaḥi nni shewwan-d zeg ujenna ɣar ṯmurṯ ijjen n ȓḥajeṯ ṯegga am ṯcuqqet ḏ ṯameqqrant twacedd zi ṯɣemmura nnes s arbeƹa ṯusa-d ɣari.

Ȓexḏayem 11:13

Iƹaweḏ-aneɣ netta mammec iẓra ijjen n lmalak ibedd-d ḏi ṯeddarṯ nnes inna-as: Sekk iryazen ɣar ṯendint n Yafa aḏ d awin ssenni Simƹan umi qqaren Buṭrus.

Matta 25:17

Amenni igga uȓa ḏ wenni umi yuca aȓefayen, irbeḥ aȓefayen nneɣni.