Ȓexḏayem 9:33 - Ṯarifiṯ 2020

³³ Yufa ḏinni ijjen n uryaz qqaren-as Ƹinyas, netta izzeȓ ṯmenya iseggwusa ḏi ṯassuṯ mmuṯen-as iḍaren.

Ȓexḏayem 9:33 Referans Kwoze

Luqa 13:16

Ṯamɣarṯ-a meskina iǧan zi ddurriṯ n Brahim iḥebbes-it Cciṭan ṯmenṭac iseggwusa, ma war ḏas nrezzem ca zi ȓeḥbes-a ḏi nhar n lƹibada ma lla?"

Ȓexḏayem 14:8

Ḏi ṯendint n Listra ḏinni ijjen n uryaz ḏ anecruf mmuṯen-as iḍaren, zeg wami d ixȓeq ƹemmarṣ ma yuyur.

Ȓexḏayem 4:22

Aryaz-a igenfan s lmuƹjiza nni ɣares ktar zi arbeƹin iseggwusa.

Ȓexḏayem 3:2

Ufin ḏinni ijjen n uryaz ḏ anecruf ixȓeq-d amenni. Tawin-ṯ-iḏ yiwḏan ɣar ṯewwarṯ n ṯemziḏa umi qqaren <Ṯawwarṯ ṯaṣebḥant>, srusan-ṯ ḏinni mkuȓ nhar aḏ ittar ɣar yinni itaḏfen ɣar ṯemziḏa ṯameqqrant.

Yuḥanna 9:21

War nessin ca min ḏas iweqƹen ȓexxu iḏweȓ itwaȓa. War nessin ca wenni iy ṯ isgenfan zi ṯiṭṭawin nnes. Sseqsam-ṯ kenniw, netta qa imɣar aḏ issiweȓ nniṯ x yixef nnes."

Yuḥanna 9:1

Wami tuɣa Ƹisa iggur ḏeg ubriḏ yufa ijjen n uryaz ḏ aḍarɣaȓ ixȓeq-d amenni.

Yuḥanna 5:5

Ḏinni ijjen n umehȓuc ṯmenya u ṯȓaṯin iseggwusa netta ihȓec.

Marqus 9:21

Inna-as Ƹisa i babas n uḥenjir nni: "Mecḥaȓ zeg wami iy ḏayes manaya?" Inna-as: "Zeg wami iǧa ḏ amezyan.

Marqus 5:25

Ḏinni ijjen n ṯemɣarṯ ṯenƹac iseggwusa zeg wami iy ṯehȓec tazzeȓ s iḏammen.

Matta 4:24

Iffeɣ ȓexbar nnes ḏi Surya amen-ṯekmaȓ. Tawin-d ɣares marra yinni iheȓcen tƹeddaben s lʼanwaƹ n ȓehȓacaṯ ḏ ȓeḥȓiqaṯ, mkuȓ imaryaḥen ḏ imejnunen ḏ inecrufen netta isgenfa-ṯen.

Ȓexḏayem 9:32

Buṭrus itraḥ zeg umcan ɣar umcan, iruḥ iẓra ȓmuminin ṣṣaliḥin iy zeddɣen ḏeg ubilaj n Ludda.

Ȓexḏayem 9:34

Inna-as Buṭrus: "A Ƹinyas, qa cek isgenfa-cek Ƹisa Lmasiḥ! Kkar jmeƹ ṯassuṯ nnec." Ȓexddenni ikkar ibedd x iḍaren.