Ȓexḏayem 9:17 - Ṯarifiṯ 2020

¹⁷ Iruḥ Anas yuḏef ṯaddarṯ nni isers ifassen nnes x Cawul inna-as: "Ay uma Cawul, nec qa issekk-ayi-d Siḏiṯneɣ Ƹisa, wenni iy ḏac d imeḍharen ḏeg ubriḏ nni iy d ṯuwiḏ. Issekk-ayi-d ɣarek ḥima aḏ tḏewȓeḏ twaȓiḏ aḏ teccareḏ s Arruḥ iqeddsen."

Ȓexḏayem 9:17 Referans Kwoze

Ȓexḏayem 8:17

Ṯumma Buṭrus ḏ Yuḥanna sersen xafsen ifassen nsen uca immuc-asen Arruḥ iqeddsen.

Ȓexḏayem 6:6

Sebƹa-ya n ṣṣaḥaba qeddmen-ṯen ɣar arrusul, ẓẓuǧen xasen sersen xasen ifassen nsen baraken-ṯen.

Ȓexḏayem 2:4

Ccuren s Arruḥ iqeddsen marra iḏsen, bḏan ssawaȓen s lluɣaṯ war iǧin bu nsen amecnaw mammec ḏasen yuca Arruḥ aḏ ssiwȓen.

1 Timutawus 5:22

Ifassen nnec war tqeǧiq ca aṯen tserseḏ x can ḥadd, war carrec ca ḏi ȓmuƹṣiyaṯ n midden. Qqim cek ṯeṣfiḏ.

Ȓexḏayem 13:52

Imeḥḍaren iǧan ḏinni ccuren s ȓefraḥeṯ ḏ Arruḥ iqeddsen.

Iƹibraniyen 6:2

niɣ x ibriḏen bac aḏ twaṭehharen yiwḏan s waman, niɣ x mammec ɣa negg a nsers ifassen nneɣ x yiwḏan, niɣ x lqiyama n imettinen, niɣ x Lḥisab nni war ifennin ca.

Filimun 1:16

Walakin ȓexxu maci am ismeɣ, netta ḥsen zeg ismeɣ: Am umac iy xac iƹizzen. Netta iƹizz xafi, walakin cek iƹizz xac ktar: ḏi ȓxeḏmeṯ u ƹaweḏ am umac ḏi Siḏiṯneɣ.

2 Timutawus 1:6

X manaya ac fekkareɣ bac aḏ tsenhezzeḏ lqudra nni iy ḏayec iǧan zi Arebbi ƹlaḥsab wami xac serseɣ ifassen inu.

1 Timutawus 4:14

War tferraṭ ca ḏi lqudra nni iy ḏac immucen ƹlaḥsab awaȓ nni aṣebḥan iy xac nnan lʼanbiya wami ayraw n imeqqranen n jmaƹeṯ n ȓmuminin sersen xac ifassen nsen.

1 Ayṯ-Kurinṯ 15:47

Bnaḏem amezwaru itwaṣenneƹ zeg ucaȓ n ṯmurṯ, bnaḏem wis ṯnayen yusa-d zeg ujenna.

1 Ayṯ-Kurinṯ 15:8

Ɣar uneggaru qaƹ imeḍhar-ayi-d i nec, axmi nec ƹeḍȓeɣ war d xȓiqeɣ ca ḏi zman inu nican.

Ayṯ-Ruma 15:7

S manaya qebȓeṯ ayawya mammec iy kenniw iqbeȓ Lmasiḥ ḥima aḏ tsemɣarem Arebbi.

Ȓexḏayem 26:15

Nniɣ-as: Min ṯeƹniḏ cek a Siḏi? Inna-ayi qa Nec ḏ Ƹisa wenni iy tƹeddabeḏ.

Ȓexḏayem 21:20

Wami sȓin i manayenni, ḥemḏen Arebbi nnan-as i Bulus: "Cuf ay umaṯneɣ mecḥaȓ n uȓufaṯ n israʼiliyen iy yumnen! Marra iḏsen rezzun aḏ ggen lwajib ƹlaḥsab ccariƹa nneɣ.

Ȓexḏayem 19:6

Wami xasen isers Bulus ifassen nnes, ihwa-d xasen Arruḥ iqeddsen. Bḏan ssawaȓen s lluɣaṯ war iǧin bu nsen, ssawaȓen s minzi ƹeȓmen zi Arebbi.

Ȓexḏayem 13:3

Wami ẓummen ẓẓuǧen, ȓexddenni sersen xasen ifassen nsen ssekken-ṯen.

Ȓexḏayem 10:36

Ṯessnem Arebbi issekk-d awaȓ nnes ɣar Ayṯ-Israʼil itbeccar-iṯen s Lʼinjil n ȓehna s Ƹisa Lmasiḥ, netta ḏ Siḏiṯneɣ n marra iwḏan.

Ȓexḏayem 4:31

Wami kemmȓen ṯẓaǧiṯ nni inhezz umcan nni mani munen, ccuren niṯni marra s Arruḥ iqeddsen ssawaȓen s wawaȓ n Arebbi s yijjen n zƹameṯ.

Luqa 15:32

Ȓexxu itxeṣṣa-aneɣ a nfareḥ a nezhu aṭṭas minzi umac tuɣa immuṯ, ȓexxu iddar. Tuɣa iweddar, ȓexxu itwaf."

Luqa 15:30

Wami d yusa mmic-a wanita ig isperḍren agȓa nnec ḏi lfasdaṯ waha, cek min ṯeggiḏ? Ṯɣarṣeḏ-as i uyenduz iṣeḥḥen?

Luqa 2:11

Ixȓeq-d nhara ḏeg ubilaj n Dawed wenni iy kenniw ɣa isnejmen, netta ḏ Siḏiṯneɣ Lmasiḥ.

Luqa 1:76

Y cek ay aḥenjir, aḏac tȓaɣan nnabi n Wenni Yuƹȓan, minzi aḏ tuyureḏ ɣar zzaṯ ḥima aḏ teswejḏeḏ abriḏ i Siḏi Arebbi.

Marqus 6:5

War izemmar ca aḏ igg ḏinni lmuƹjiza, ɣir iḥaḏa ḏrus n imehȓac s ifassen nnes isgenfa-ṯen.

Matta 19:13

Uwin-d yiwḏan can iḥenjiren ḏ imezyanen ɣar Ƹisa ḥima axasen isers ifassen axasen iẓẓaǧ, walakin ƹarrḍen-asen imeḥḍaren nnes.

Marqus 5:23

iḥeccem-iṯ aṭṭas inna-as qa yeǧi ṯamezyant aqa tmetta. Araḥ-d sers xas ifassen nnec ḥima aḏ tgenfa aḏ teddar.

Luqa 1:41

Wami ṯesȓa Ilizabet i sȓam n Maryam, inhezz useymi nni ḏeg uƹeddis nnes, nettaṯ ṯeccur s Arruḥ iqeddsen.

Luqa 1:67

Zakariya babas n Yaḥya, iccur s Arruḥ iqeddsen, issiweȓ s min iƹȓem zi Arebbi inna:

Ȓexḏayem 9:18

Ȓexddenni ṯewḍa-yas-d ijjen n ȓḥajeṯ zi ṯiṭṭawin nnes am ṯeqcurṯ, iḏweȓ itwaȓa. Ikkar itwaṭehhar s waman.

1 Ayṯ-Kurinṯ 9:1

Ɣari lḥurriya iƹni nec maci ḏ ismeɣ. Nec ḏ arrasul, ẓriɣ Siḏiṯneɣ Ƹisa. Yac ḏ kenniw iy iǧan ḏ nnatija n ȓxeḏmeṯ inu ḏi Siḏiṯneɣ, niɣ lla?

2 Buṭrus 3:15

Ḥesbem ṣṣbar n Siḏiṯneɣ netta am yijjen n ȓḥajeṯ iy kenniw isenjamen. Ḏ manaya iy ḏawem d yura umaṯneɣ iƹizzen Bulus s ȓefhameṯ iy ḏas d immucen.