Ȓexḏayem 8:5 - Ṯarifiṯ 2020

⁵ Filippas iruḥ ɣar ṯendint n Samarya, itḥeddaṯ i imezḏaɣ nnes s Lmasiḥ.

Ȓexḏayem 8:5 Referans Kwoze

Ȓexḏayem 6:5

Iƹjeb-asen ȓḥaȓ i marra jmaƹeṯ. Kkaren ixḍaren ijjen n uryaz qqaren-as Stifan, netta iccur s lʼiman ḏ Arruḥ iqeddsen. Ixḍaren Filippas ḏ Brukurus ḏ Nikanur ḏ Timun ḏ Parminas ḏ Nikulas zeg Wanṭakya, tuɣa isȓem netta ḏi ddin n Ayṯ-Israʼil.

Ȓexḏayem 21:8

Ṯiwecca nnes nruḥ ɣar ṯendint n Qayṣariya nuḏef neqqim ḏi ṯeddarṯ n lmubcir Filippas. Netta ḏ ijjen zi sebƹa n ṣṣaḥaba n arrusul n Lquds.

Ȓexḏayem 8:40

Filippas yufa ixef nnes ḏi ṯendint n Wacdud, itraḥ zeg umcan ɣar umcan itbeccar s Lʼinjil ḏi marra ibilajen ḥetta aȓ wami yuweḍ ɣar ṯendint n Qayṣariya.

1 Ayṯ-Kurinṯ 3:11

War ḏinni ḥadd izemmar aḏ igg ijjen n dsas nneɣni x wenni ḏinni itwaggen, u ḏsas-a wanita ḏ Ƹisa Lmasiḥ.

1 Ayṯ-Kurinṯ 1:23

walakin neccin netbeccar s Lmasiḥ itwaṣellben. Israʼiliyen tneqȓaḍen ḏi manaya, ḏ yinni war iǧin ca zi Ayṯ-Israʼil qqaren qa manaya ḏ ṯubbuhȓiya waha.

Ȓexḏayem 5:42

Qqimen mkuȓ nhar traḥen ɣar ṯemziḏa ṯameqqrant, traḥen zi ṯeddarṯ aȓ ṯeddarṯ seȓmaḏen tbeccaren s Ƹisa belli netta ḏ Lmasiḥ.

1 Ayṯ-Kurinṯ 2:2

Wami tuɣa ǧiɣ akiḏwem, ggiɣ aḏ scenƹeɣ ɣir Ƹisa Lmasiḥ u ḏ netta itwaṣellben ḏi ṣṣalib.

Ȓexḏayem 9:20

Ȓexddenni ibḏa itḥeddaṯ ḏi ṯemziḏawin n Ayṯ-Israʼil iqqar-asen qa Ƹisa ḏ Mmis n Arebbi.

Ȓexḏayem 8:1

Wami nɣin Stifan, ijjen qqaren-as Cawul aqaṯ ḏinni iḥḍar itafeq akiḏsen. Nhar nni bḏan tƹeddaben jmaƹeṯ n ȓmuminin ḏi ṯendint n Lquds. Mesfraqen marra ȓmuminin ruḥen ɣar jwayeh n Yahuḏiya ḏ Samarya kuȓ ijjen mani iruḥ, war iqqim ḥadd ḏi Lquds illa arrusul.

Ȓexḏayem 1:8

Walakin axmi xawem d ɣa ihwa Arruḥ iqeddsen, aɣarwem yiȓi jjheḏ. Axafi ṯcehḏem ḏi ṯendint n Lquds ḏ marra ṯimura n Yahuḏiya ḏ Samarya aȓ ṭṭarf uneggaru n ddunect-a."

Ȓexḏayem 8:6

Ssenni marra ȓɣaci nni wami sȓin i wawaȓ nnes wami ẓrin lmuƹjizaṯ nni igga, qqimen tṣennaṭen-as mliḥ ɣar min iqqar.

Ȓexḏayem 8:26

Ijjen lmalaʼika n Siḏi Arebbi ṯessiweȓ-d ɣar Filippas ṯenna-as: "Kkar, ruḥ ɣar ljanub ekk x ubriḏ nni n ȓexȓa itawin zi Lquds ɣar Ɣazza."

Ȓexḏayem 8:30

Yuzzeȓ Filippas ɣar uḥabaci nni itsȓa-yas iqqar ḏi Lkitab n nnabi Icaƹya. Inna-as: "Ma ṯfehmeḏ min ṯeqqareḏ?"