Ȓexḏayem 8:37 - Ṯarifiṯ 2020

³⁷ {Inna-as Filippas: "Cek, meȓa ṯumneḏ s marra uȓ nnec qa ṯzemmareḏ aḏ twaṭehhareḏ s waman-a." Yarra xas inna-as: "Wah, nec tamneɣ belli Ƹisa Lmasiḥ netta ḏ Mmis n Arebbi."}

Ȓexḏayem 8:37 Referans Kwoze

Ȓexḏayem 8:36

Gguren ḏeg ubriḏ uwḍen ɣar can waman. Inna-as uḥabaci nni: "Aqac aman mujud, min ḏayi yuɣen nec war twaṭehhareɣ ca s waman-a?"

Ȓexḏayem 8:38

Yumar uḥabaci aḏ sbedden akarru nni. Hwan s ṯnayen iḏsen ɣar waman, Filippas iṭehhar-as i uḥabaci nni s waman.

Matta 16:16

Indeq-d Simƹan Buṭrus inna-as: "Cek ḏ Lmasiḥ, Mmis n Arebbi iddaren."

Matta 28:19

Iwa ruḥeṯ ɣar yiwḏan n marra ȓegnus, arrem-ṯen ḏ imeḥḍaren inu. Ṭehharem-ṯen s waman s yisem n Baba ḏ Mmis ḏ Arruḥ iqeddsen.

Marqus 16:16

Wenni yumnen aḏ itwaṭehhar s waman ataf aḏ injem. Wenni war yuminen ca ataf aḏ itwaḥkem.

Yuḥanna 6:68

Inna-as Simƹan Buṭrus: "A Siḏi, min iƹna wenni mani ɣa nraḥ? Cek ɣarek awaȓen n ṯuḏarṯ n ȓebda.

Yuḥanna 9:35

Isȓa Ƹisa belli wenni ṭerden-ṯ zi ṯemziḏa. Wami ṯ yufa inna-as: "Ma tamneḏ zi Mmis n bnaḏem?"

Yuḥanna 11:27

Ṯenna-as: "Wah a Siḏi. Nec umneɣ qa cek ḏ Lmasiḥ, cek ḏ Mmis n Arebbi, cek ḏ wenni iy d itasen ɣar ddunect."

Yuḥanna 20:31

Ṯimesȓayin-a urint ḥima aḏ tamnem belli Ƹisa netta ḏ Lmasiḥ Mmis n Arebbi bac meȓa ṯumnem aɣarwem ṯiȓi ṯuḏarṯ ḏeg yisem nnes.

Ȓexḏayem 2:38

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Ȓexḏayem 8:12

Walakin wami ṯen ibeccar Filippas s ȓmulk n Arebbi ḏ yisem n Ƹisa Lmasiḥ ȓexddenni umnen tetwaṭehharen s waman s iryazen ḏ ṯemɣarin.

Ȓexḏayem 8:21

War ɣarek itiȓi bu umcan uȓa ḏ ȓḥaqq ḏi ȓxeḏmeṯ-a ȓaḥeqqac uȓ nnec war iǧi ca nican ak Arebbi.

Ȓexḏayem 9:20

Ȓexddenni ibḏa itḥeddaṯ ḏi ṯemziḏawin n Ayṯ-Israʼil iqqar-asen qa Ƹisa ḏ Mmis n Arebbi.

Ayṯ-Ruma 10:10

Liʼanna s wuȓ nnec cek tamneḏ, ac isemṣȓaḥ Arebbi akiḏes. U s uqemmum nnec cek ṯcehhḏeḏ, cek ṯnejmeḏ.

1 Ayṯ-Kurinṯ 12:3

S manayenni xseɣ aḏ tfehhmem mliḥ belli war ḏinni ḥadd aḏ yini s Arruḥ n Arebbi ! Ƹaweḏ war ḏinni ḥadd aḏ yini illa s Arruḥ iqeddsen.

1 Buṭrus 3:21

Aman-a niṯni ḏ ijjen n lmiṯal x ṭṭahareṯ nneɣ n waman iy kenniw isenjamen ȓexxu. Maci aḏ itwakkes ȓewsex zi ddat nneɣ; Lla, ṭṭahareṯ-a nettaṯ ḏ ijjen n uȓaɣi nwem i Arebbi bac aḏawem d yuc ijjen n ḍḍamir mertaḥ. Manaya x ssabab n Ƹisa Lmasiḥ wami d ikkar zi ȓmewṯ.

1 Yuḥanna 4:15

Wenni ɣa icehḏen Ƹisa ḏ Mmis n Arebbi, ataf Arebbi iqqim ḏayes ataf netta iqqim ḏi Arebbi.

1 Yuḥanna 5:1

Marra wenni ɣa yamnen Ƹisa netta ḏ Lmasiḥ ataf ixȓeq-d zi Arebbi. U marra wenni itexsen Babaṯneɣ ataf netta ƹaweḏ itexs ṯarwa nnes iy zzayes d ixeȓqen.

1 Yuḥanna 5:5

Min iƹna wenni iɣellben x ddunect-a? Wenni iɣellben ḏ wenni yumnen illa Ƹisa ḏ Mmis n Arebbi.

1 Yuḥanna 5:10

Wenni ɣa yamnen zi Mmis n Arebbi ataf aɣares ṯiȓi chaḏeṯ-a ḏeg wuȓ nnes. Wenni war yuminen ca zi chaḏeṯ-a n Arebbi ataf aṯ yarr ḏ bu-ixarriqen waha ȓaḥeqqac netta war yumin ca zi chaḏeṯ-a ig icheḏ ƹlaḥsab Mmis.