Ȓexḏayem 7:60 - Ṯarifiṯ 2020

⁶⁰ Iwḍa x ifadden inna-as s jjheḏ: "A Siḏi, war xasen ḥesseb ca ȓmuƹṣiyeṯ-a!" Wami inna manaya ṣafi iffeɣ-iṯ buḥbeȓ nnes.

Ȓexḏayem 7:60 Referans Kwoze

Matta 5:44

Walakin qqareɣ-awem nec: Xseṯ ȓƹaḏyan nwem, ttareṯ i Arebbi x yinni kenniw itƹeddaben,

Luqa 23:34

Inna Ƹisa: "A Baba, ɣfar iwḏan-a qa war ssinen ca min teggen." Ȓƹaskar nni ggin lqurƹa x warruḍ nnes ḥima kuȓ ijjen min ɣa iysi.

1 Ayṯ-Kurinṯ 15:20

Fa aqa ȓexxu Lmasiḥ itwasekkar-d zi ȓmewṯ, iƹni netta ḏ ṯafeǧaḥṯ ṯamezwarut iy d ikkaren zeg yinni immuṯen.

Ȓexḏayem 20:36

Wami inna Bulus ṯimesȓayin-a, irkeƹ x ifadden ḏ yinni marra netta iẓẓuǧ.

Ȓexḏayem 9:40

Ssenni isufeɣ-iṯen Buṭrus marra zi ṯɣurfat, iwḍa x ifadden ibḏa itẓaǧa. Ixzar ɣar ddat nnes inna-as: "Ya Ṭabita, kkar!" Uca nettaṯ ṯerzem ṯiṭṭawin nnes, wami ṯeẓra Buṭrus ṯekkar ṯeqqim.

Luqa 6:28

Barkeṯ wenni iy kenniw ineƹȓen, ttareṯ i Arebbi x yinni kenniw itƹeddaben.

1 Ayṯ-Kurinṯ 15:18

Maƹlik amenni, iȓi yinni iṭṭṣen iƹni yinni immuṯen ḏi Lmasiḥ zaƹma ṣafi qa fnan.

Ȓexḏayem 21:5

Wami ḏaneɣ ṯeqḍa ḏinni ȓweqṯ nneɣ nekkar neffeɣ bac a nsiɣi x usafar nneɣ. Marra imeḥḍaren ruḥen akiḏneɣ ɣar barra n ṯendint s ṯemɣarin nsen ḏ ṯarwa nsen, nerkeƹ x ifadden nneɣ x yijḏi n ȓebḥar neẓẓuǧ.

Ȓexḏayem 13:36

Liʼanna Dawed ḏi zman nnes wami ikemmeȓ min ixes Arebbi ṣafi immuṯ, itwanḍeȓ ṭṭarf i ȓejḏuḏ nnes ṣafi ikiccew.

Luqa 22:41

Ibeƹƹeḏ xasen cwayt, isejjeḏ ɣar ṯmurṯ ibḏa itettar i Arebbi.

1 Ayṯ-Salunik 5:10

Netta immuṯ xaneɣ bac a neddar akiḏes waxxa neccin nfaq niɣ neṭṭeṣ ḏeg unḍeȓ.

1 Ayṯ-Kurinṯ 15:6

Menbaƹd imeḍhar-asen-d i ktar zi xemsmiyya n wawmaṯen ḏi twaȓa ḏ icten. Niṯni ƹaḏ ddaren ƹaȓayen marra iḏsen, ȓebƹaḍ zzaysen aqa ṭṭṣen iƹni mmuṯen.

Matta 27:52

Nurzmen imeḍȓan kkaren-d aṭṭas n ȓmuminin immuṯen

1 Ayṯ-Kurinṯ 11:30

S manayenni ḏinni aṭṭas jarawem ig iǧan ḍeƹfen heȓcen, can ȓebƹaḍ zzaywem mmuṯen.

1 Ayṯ-Kurinṯ 15:51

Aqa qqareɣ-awem ijjen n ṯmesȓayṯ ȓmaƹna nnes inuffaren: Qa war netmetti ca s marra iḏneɣ. Xmi ɣa iṣuḍ zzammar aneggaru ataf a nbeddeȓ marra iḏneɣ ḏi ṣṣifeṯ nneɣni. Manaya aḏ yiȓi ḏeɣya ḏeg yijjen n warmac n ṯiṭṭ. Aḏ iṣuḍ zzammar nni ṯumma aḏ d twasnekkaren imettinen iƹni aḏ duman i ȓebda a niȓi nbeddeȓ ḏi ṣṣifeṯ nneɣni.

Yuḥanna 11:11

Wami inna manaya, yarni inna-asen: "Ameddukeȓ nneɣ Liƹazar qa iṭṭeṣ, aḏ raḥeɣ aṯiḏ sfaqeɣ."

2 Timutawus 4:16

Wami ḏafƹeɣ x yixef inu ṯwaȓa ṯamezwarut ḏi lmaḥkama marra semḥen ḏayi uȓa ḏ ijjen ma ibedd akiḏi. War xasen t itḥisib ca Siḏi Arebbi.

2 Buṭrus 3:4

Aḏawem qqaren qa netta iwƹeḏ aḏ d iḏweȓ, hiwa mani iǧa? Qa zeg wami ṭṭṣen ȓejḏuḏ nneɣ ṣṣaliḥin ḏi ȓmewṯ qaƹ ṯimesȓayin-a ggurent mamc tuɣa ggurent wami d ṯexȓeq ddunect.