Ȓexḏayem 7:38 - Ṯarifiṯ 2020

³⁸ Ḏ netta Musa iy igguren ak jmaƹeṯ n Ayṯ-Israʼil ig imunen ḏi ṣṣaḥra. Ḏ netta mikeḏ ṯessiweȓ lmalaʼika x uḏrar n Sina ḏ ȓejḏuḏ nneɣ. Ḏ netta iy xef d hwan wawaȓen iddaren ḥima aḏaneɣ ṯen yuc.

Ȓexḏayem 7:38 Referans Kwoze

Ayṯ-Ruma 3:2

Wah, aṭṭas n nnfaƹ! Ḏ amezwaru, ijja-asen-d Arebbi awaȓ nnes ḏ lʼamana.

Iƹibraniyen 5:12

Cuf, wa labud kenniw ȓexxu aḏ tiȓim ḏ imseȓmaḏen walakin ƹaḏ itxeṣṣa-yawem ijjen akenniw isɣar s ṯɣuri nni ṯamezwarut zeg wawaȓ n Arebbi. Kenniw teḥḏajam aɣi waha, maci lmakla ḏ ṣṣaḥ.

1 Buṭrus 4:11

Wenni umi immuc aḏ issiweȓ itxeṣṣa-yas aḏ issiweȓ am wenni issawaȓen awaȓen n Arebbi. Wenni umi immuc aḏ ixḏem itxeṣṣa-yas aḏ ixḏem am wenni ixeddmen s jjheḏ ig iticc Arebbi. Ḥima s marra ṯimesȓayin-a aḏ itwaḥmeḏ Arebbi s ufus n Ƹisa Lmasiḥ. Aɣares ṯiȓi lƹaḍama ḏ ȓeḥkam i ȓebda n ȓebdaṯ. Amin.

Ȓexḏayem 7:53

Ṯeṭṭfem ccariƹa x ufus n lmalaʼikaṯ, kenniw war zzayes ṯeggim ca."

Yuḥanna 1:17

Ccariƹa n Ayṯ-Israʼil ṯemmuc x ufus n Musa. Arḍa ḏ lḥaqiqa niṯenti usint-id x ufus n Ƹisa Lmasiḥ.

Iƹibraniyen 4:12

Aqa awaȓ n Arebbi iddar netta ifsus, iqḍeƹ aṭṭas ktar zi ssif n ṯnayen n jjihaṯ. Itaḏef aȓ ḏaxeȓ iferreq buḥbeȓ ḏ arruḥ ḏ mani tmunen ȓemfaseȓ, itaḏef ɣar waḏuf. Itmeyyaz jar lʼafkar ḏ lʼaɣraḍ n wuȓ.

Iƹibraniyen 2:2

Cuf, Ccariƹa nni n Musa tuɣa uwint-tid lmalaʼikaṯ, tseyṭar xaneɣ tƹaqab-aneɣ iƹni meȓa neƹṣa niɣ meȓa war nṭiƹ ca.

Ayṯ-Galaṭya 3:19

Iwa, mayemmi teǧa Ccariƹa n Musa baƹḏa? Ccariƹa ṯemmuc nettaṯ bac aḏ issen bnaḏem ȓmuƹṣiyaṯ. Tuɣa ṯṣeǧaḥ qbeȓ ma aḏ d yas wayyaw n Brahim iy zi ṯ iwƹeḏ Arebbi. Ccariƹa nni uwint-it lmalaʼikaṯ, ṯumma ijjen n lwasiṭ iƹni Musa issiweḍ-it-id.

Ayṯ-Ruma 9:4

Niṯni ḏ Ayṯ-Israʼil, itbenna-ṯen Siḏi Arebbi. Ismeḍhar-asen-d lƹaḍama nnes, iƹaheḏ-iṯen, yuca-asen ccariƹa n Musa ḏ lƹibada, iwƹeḏ-iṯen.

Ȓexḏayem 7:35

Musa-ya nkaren-ṯ nnan-as: Uw c iggin cek ḏ arrayes niɣ ḏ ȓqaḍi xaneɣ? Walakin netta issekk-iṯ Arebbi aḏ yiȓi ḏ arrayes ḏ wenni iy ṯen ɣa isnejmen. Issekk-iṯ Arebbi x ufus n lmalaʼika nni iy ḏas d imeḍharen ḏeg uxcab nni.

Ȓexḏayem 7:30

Ṯumma wami ƹḏun arbeƹin iseggwusa, ṯbedd-d ɣares ijjen n lmalaʼika zeg uḥaḏuq n ṯmessi ṯreqq ḏeg uxcab ḏi ṣṣaḥra zzaṯ i uḏrar n Sina.

Yuḥanna 6:63

Arruḥ n Arebbi ḏ netta iseddaren. Min iǧan ḏ bnaḏem war ineffeƹ i walu. Awaȓen iy ḏawem nniɣ, ḏaysen arruḥ ḏ ṯuḏarṯ.