Ȓexḏayem 5:33 - Ṯarifiṯ 2020

³³ Wami sȓin i wawaȓ-a xeyyqen ɣeḍben rezzun aṯen nɣen.

Ȓexḏayem 5:33 Referans Kwoze

Ȓexḏayem 7:54

Wami sȓin Jmaƹeṯ nni n lḥukkam n Ayṯ-Israʼil awaȓ n Stifan, xeyyqen ɣeḍben, tɣeẓẓaẓen ɣares ṯiɣmas.

Ȓexḏayem 2:37

Iwḏan nni wami sȓin i wawaȓ-a, uȓawen nsen cemḍen. Kkaren nnan-as i Buṭrus ḏ arrusul nneɣni: "Ay ayṯma, min ɣa negg?"

Yuḥanna 16:2

Akenniw ṭerden zi ṯemziḏawin. Ƹaḏ aḏ d tas ȓweqṯ aḏas itɣir i wenni iy kenniw ɣa inɣen belli itegg lʼajar i Arebbi.

Matta 24:9

Ssenni akenniw sellmen yiwḏan ḥima akenniw ƹeddben, akenniw nɣen. Marra dduwal akenniw ƹiffen ƹlaḥsab isem inu.

Matta 10:25

Baraka ɣir aḏ yiȓi umeḥḍar am lmuƹallim nnes, aḏ yiȓi uxeddam am uweqqaf nnes. Meȓa ȓaɣan i bab n ṯeddarṯ , iwa mammec ɣa ȓaɣan i ȓeḥbab n ṯeddarṯ nnes?

Matta 10:21

Umas aḏ isellem umas i ȓmewṯ. Babas aḏ isellem mmis. Ṯarwa aḏ raḥen ḍed i lwalidin nsen, aṯen sellmen i yinni iy ṯen ɣa nɣen.

Ȓexḏayem 22:22

Sȓin mliḥ i Bulus ḥetta aȓ wami inna awaȓ-a aneggaru. Ȓexddenni snekkaren xas ṯɣuyyeṯ nnan: Mḥaṯ aryaz-a zi ddunect-a, war isḏiheǧ ca aḏ iqqim ƹaḏ iddar!

Ȓexḏayem 9:23

Wami ƹḏun aṭṭas n wussan, mcawaren Ayṯ-Israʼil jarasen ḥima aḏ nɣen Cawul, netta yarra-d ȓexbar. Ǧiȓeṯ ḏ nhar ḥeṭṭan ṯiwwura n ṯendint ḥima aṯ nɣen.

Yuḥanna 15:20

Fekkareṯ ḏeg wawaȓ iy ḏawem nniɣ iƹni axeddam war iǧi ca ḏ ameqqran zeg uweqqaf nnes. Meȓa ƹeddben-ayi, ataf akenniw ƹeddben. Meȓa sȓin i wawaȓ inu, ataf aḏ sȓen ƹaweḏ i wawaȓ nwem.

Luqa 20:19

Ȓexddenni imseȓmaḏen n ccariƹa ḏ arruyas n ȓfuqaha rezzun aḏ ṭṭfen Ƹisa, fehmen belli issawaȓ xasen s ȓmaƹna-ya walakin ggwḏen zi ccaƹb.

Luqa 6:11

Niṯni min ggin? Ɣeḍben aṭṭas mcawaren jarasen min ɣa ggen i Ƹisa.

Matta 1:19

Yusef anexḍab nnes, nican ig iǧa. War ixes ca axas iḍȓeq ddiƹaya, irezzu aḏas iǧef s ṯnufra.