Ȓexḏayem 3:17 - Ṯarifiṯ 2020

¹⁷ Ȓexxu ssneɣ ay ayṯma belli ṯeggim manayenni i Ƹisa s ȓeqfaȓeṯ nwem kenniw ḏ arruyas nwem.

Ȓexḏayem 3:17 Referans Kwoze

Luqa 23:34

Inna Ƹisa: "A Baba, ɣfar iwḏan-a qa war ssinen ca min teggen." Ȓƹaskar nni ggin lqurƹa x warruḍ nnes ḥima kuȓ ijjen min ɣa iysi.

Ȓexḏayem 13:27

Qa imezḏaɣ n Lquds ḏ arruyas nsen war ƹqiȓen ca Ƹisa-ya, war fhimen ca awaȓen n lʼanbiya ḏi Lkutub iy qqaren ḏi ṯemziḏawin zi ssebṯ ɣar ssebṯ. Wami ḥekmen x Ƹisa s ȓmewṯ ffɣen-d wawaȓen nni iy nnan lʼanbiya.

1 Ayṯ-Kurinṯ 2:8

Ȓefhameṯ-a war t ifhim uȓa ḏ ijjen zi lḥukkam n ȓweqṯ-a. Lla, liʼanna maƹlik tuɣa t fehmen, iȓi war ṣelliben ca Siḏiṯneɣ ɣar ṯeǧa lƹaḍama.

Yuḥanna 16:3

Niṯni teggen manaya minzi war ssinen ca Baba, war ḏayi ssinen uȓa ḏ nec.

1 Timutawus 1:13

Nec qbeȓ tuɣa qqareɣ awaȓen war iḥȓin x Arebbi tƹeddabeɣ ȓmuminin, nec ḏ ijjen bnaḏem iḍeǧmen. Waxxa tuɣa xeḏmeɣ manayenni iseḍhar-ayi-d Arebbi arraḥmeṯ nnes liʼanna xeḏmeɣ manayenni s ȓeqfaȓeṯ inu bȓa ma aḏ ssneɣ min iǧan nican, uȓ inu war ḏayes bu lʼiman.

2 Ayṯ-Kurinṯ 3:14

Niṯni ȓaƹquȓaṯ nsen twaqesḥen war fehhmen ca. Aȓ nhara xmi ɣa ɣaren ḏi Ȓƹaheḏ nni aqḏim tafen ltam nni ƹaḏ ḏayes. Ltam nni war itwakkes ca, ɣir s Lmasiḥ iy ɣa itwakkes.

Ayṯ-Ruma 11:2

Arebbi war inkar ca ccaƹb nnes tuɣa issen-iṯen zi qbeȓ. Ma war ṯessinem ca kenniw min iqqar Lkitab x nnabi Ilyas? Wami iceṯca ɣar Arebbi zi Ayṯ-Israʼil inna-as:

Ȓexḏayem 26:9

Nec qenƹeɣ s yixef inu tuɣa ḍaruri aḏ ggeɣ marra min zemmareɣ bac aḏ ƹarrḍeɣ i yisem n Ƹisa zi Naṣira.

Ȓexḏayem 7:40

Nnan-as i Harun: Ṣneƹ-aneɣ lʼaṣnamaṯ ḥima aḏ iȓin ḏ arebbiṯen nneɣ aṯen neysi ɣar zzaṯ nneɣ. War nessin ca manis ikka Musa-ya iy ḏaneɣ d isufɣen zi Miṣra!

Yuḥanna 7:52

Nnan-as: "Ma cek ƹaweḏ zi ṣḥab n Ljalil? Rzu ḏi Lkutub xzar, uȓa ḏ ijjen n nnabi war d yusi ca zi ṯmurṯ n Ljalil."

Ayṯ-Filippas 1:22

Meȓa qqimeɣ ddareɣ s ddat-a inu, ataf aḏ arniɣ mliḥ ḏi ȓxeḏmeṯ inu. Walakin nec war ssineɣ ca min ɣa ixḍareɣ.

Luqa 23:13

Iȓaɣa-d Bilaṭus x arruyas n ȓfuqaha ḏ lḥukkam n Ayṯ-Israʼil ḏ marra ccaƹb.

Yuḥanna 15:21

Niṯni teggen-awem manaya marra x ssabab n yisem inu minzi war ssinen ca wenni iy ḏayi d issekken.

Ȓexḏayem 22:5

Arrayes n ȓfuqaha ḏ marra Jmaƹeṯ n imeqqranen n Ayṯ-Israʼil niṯni ḏ ȓechuḏ x manayenni. Ucin-ayi arruxṣaṯ aṯent ssiwḍeɣ ɣar ayṯmaṯsen ḏi ṯendint n Dimaceq. Ruḥeɣ ḏinni aḏ ṭṭfeɣ iwḏan n ubriḏ-a aṯen d awiɣ ɣar Lquds bac aḏ twaƹaqben.

Ȓexḏayem 28:21

Nnan-as: "War ḏaneɣ d ṯuwiḍ xak uȓa ḏ ijjen n ṯebrat zi jwayeh n Yahuḏiya. Zeg yinni iy d yusin zi ayṯmaṯneɣ ssenni war ḏaneɣ issiweȓ ḥadd xac, war xak inni ḥadd ȓƹib.

Ayṯ-Ufasus 4:18

Niṯni ṯṭemmeṣ-iṯen ȓefhameṯ zaƹma iy ḏaysen. Niṯni ggwjen zi ṯuḏarṯ n Arebbi ƹlaḥsab ȓeqfaȓeṯ nni iy ḏaysen s ṯɣennant n wuȓawen nsen.