Ȓexḏayem 3:15 - Ṯarifiṯ 2020

¹⁵ Ṯenɣim wenni iǧan ḏ lʼaṣel n ṯuḏarṯ, walakin Arebbi isekkar-iṯ-iḏ zi ȓmewṯ, neccin necheḏ xas.

Ȓexḏayem 3:15 Referans Kwoze

Ȓexḏayem 2:24

Walakin Arebbi netta isekkar-iṯ-iḏ iḍȓeq-as zi ȓeḥriq nni n ȓmewṯ xmi tarew, aqa ȓmewṯ war ḏas ṯzemmar.

Lwaḥi 21:6

Inna-ayi: "Ṣafi, itwakemmeȓ. Nec ḏ lʼalif nec ḏ lyaʼ. Nec kuȓci zzayi ig ibḏa, nec kuȓci zzayi iy ɣa ikemmeȓ. Aḏ uceɣ i wenni iffuḏen zi ȓƹunṣar n waman n ṯuḏarṯ baṭeȓ.

Ȓexḏayem 2:32

Ƹisa-ya wanita isekkar-iṯ-iḏ Arebbi zi ȓmewṯ, aqa neccin marra ncehheḏ x manaya.

Iƹibraniyen 2:10

Zi Arebbi iy tiȓint marra ṯimesȓayin-a u netta umi tiȓint. Ḏ Arebbi netta iy yarrin Ƹisa war ḏayes bu ȓƹib s ȓaƹḏab nni nnes ig xas iƹḏun ḥima Arebbi aḏ d yawi aṭṭas n ṯarwa ɣar lƹaḍama nnes. Ɣares ȓmaƹna manaya ȓaḥeqqac Ƹisa netta ḏ zzaƹim n usenjem n ṯarwa-ya.

1 Ayṯ-Kurinṯ 15:45

Ammu iqqar Lkitab: "Bnaḏem amezwaru iƹni Adam iḏweȓ ḏ buḥbeȓ iddaren." Adam aneggaru netta ḏ buḥbeȓ ig iseddaren.

Yuḥanna 5:26

Am Babas ɣares ṯuḏarṯ ḏeg yixef nnes, ammu iy ḏas yuca i Mmis aɣares ṯiȓi ṯuḏarṯ ḏeg yixef nnes.

Yuḥanna 1:4

Ḏayes iy ṯeǧa ṯuḏarṯ, u ṯuḏarṯ nni nettaṯ ḏ nnur i yiwḏan.

Lwaḥi 22:17

Arruḥ ḏ ṯsȓiṯ qqaren: "Araḥ-d!" Wenni itsȓan aḏ yini: "Araḥ-d!" Wenni ifuḏen aḏ d yas, wenni irezzun aman n ṯuḏarṯ aḏ isew baṭeȓ!

1 Yuḥanna 5:20

Nessen ƹaweḏ aqa Mmis n Arebbi yusa-d yuca-aneɣ ȓefhameṯ bac a nessen wenni iǧan ḏ ṣṣaḥ. Neccin aqaneɣ ḏeg wenni iǧan ḏ ṣṣaḥ s Mmis Ƹisa Lmasiḥ. Wanita ig iǧan ḏ Arebbi n ṣṣaḥ ḏ ṯuḏarṯ n ȓebda n ȓebdaṯ.

Iƹibraniyen 5:9

Wami iƹḏu aƹeddeb nni bȓa ȓmuƹṣiyeṯ, iḏweȓ netta ḏ ȓƹunṣar n usenjem iƹni izemmar aḏ isenjem marra yinni iy ṯ itṭaƹan.

Yuḥanna 17:2

Minzi ṯuciḏ-as jjheḏ x kuȓ bnaḏem ḥima aḏ yuc ṯuḏarṯ n ȓebda i marra yinni iy ḏas ṯuciḏ.

Yuḥanna 14:6

Indeq-d Ƹisa inna-as: Nec ḏ abriḏ, nec ḏ lḥaqiqa, nec ḏ ṯuḏarṯ. War d itis uȓa ḏ ijjen ɣar Baba illa zzayi.

Yuḥanna 4:14

Walakin wenni ɣa iswen aman iy ḏas ɣa uceɣ nec ataf war itfiḏi ca ƹemmarṣ. Aman iy ḏas ɣa uceɣ nec aḏ ḏewȓen ḏayes amecnaw ijjen n ȓƹunṣar azzayes ṯesfiy ṯuḏarṯ n ȓebda."

Yuḥanna 4:10

Inna-as Ƹisa: "Maƹlik cem ṯessneḏ lhadiya n Arebbi ṯessneḏ min ƹniɣ nec iy ḏam iqqaren uc-ayi aḏ sweɣ, ataf ṯettareḏ-ayi cem aman aḏam uceɣ aman n ṯuḏarṯ."

Lwaḥi 22:1

Ismeḍhar-ayi-d lmalak nni iɣzar n waman n ṯuḏarṯ ṣfan am jjaj, iteffeɣ-d zi lƹarc n Arebbi ḏ Yizmar

Yuḥanna 10:28

Ticceɣ-asen ṯuḏarṯ n ȓebda ƹemmarṣ war fennin ca, war ṯen ixeṭṭef uȓa ḏ ijjen zeg ufus inu.

Ayṯ-Ufasus 1:20

ig igga ḏi Lmasiḥ wami ṯiḏ isekkar zi ȓmewṯ isɣim-iṯ x ufusi nnes ḏeg ijennaṯen.

Ȓexḏayem 5:31

Irfeƹ-iṯ Arebbi aɣares iggi-ṯ x ufusi nnes bac aḏ iḥkem aḏ isenjem, aḏ yuc ttuba i Ayṯ-Israʼil aḏ iɣfar ȓmuƹṣiyaṯ nsen.

Ȓexḏayem 1:22

Iƹni zeg wami iy ṯ iṭehhar Yaḥya s waman aȓ wami iy itwarfeƹ xaneɣ ɣar ujenna. Aryaz-a itxeṣṣa akiḏneɣ icheḏ qa Ƹisa ikkar-d zi ȓmewṯ."

Luqa 24:48

Kenniw aqa ṯcehhḏem x manaya.

Ȓexḏayem 4:2

War ḏasen iƹjib bu ȓḥaȓ qaƹ wami ufin Buṭrus ḏ Yuḥanna seȓmaḏen tḥeddaṯen i yiwḏan x Ƹisa qqaren belli iwḏan aḏ d kkaren zi ȓmewṯ.

Iƹibraniyen 12:2

U labud a nxezzar mliḥ ɣar Ƹisa zzaƹim nneɣ ḏ netta iy ḏaneɣ ɣa issiwḍen nican ɣar uneggaru. Ƹisa s ȓefraḥeṯ nni iy tuɣa ṯ itrajan ɣar zzaṯ, iṣbar x ṣṣalib iƹeyyeb aḥeggar n ṣṣalib nni ssenni iqqim x ufusi n ȓƹarc n Arebbi.