Ȓexḏayem 28:2 - Ṯarifiṯ 2020

² Ibarbariyen n ṯmurṯ nni ggin ḏayneɣ ȓxir aṭṭas. Reḥben zzayneɣ marra, ceƹƹȓen-aneɣ ṯimessi minzi tuɣa ṯesmeḍ ƹaweḏ iccaṯ unẓar.

Ȓexḏayem 28:2 Referans Kwoze

Iƹibraniyen 13:2

War tettuṯ ca aḏ treḥḥbem zi midden minzi ȓebƹaḍ iy ggin manayenni treḥḥaben zi lmalaʼikaṯ bȓa ma ṯent ssnen.

Ayṯ-Kulus 3:11

War itɣimi bu uyunani niɣ ḏ aʼisraʼili, niɣ ḏ wenni iṭehharen niɣ ḏ wenni war iṭehhiren ca, niɣ ḏ abarbari niɣ ḏ aweḥciw, niɣ ḏ ismeɣ niɣ ḏ wenni iǧan ḥurr. Lla, Lmasiḥ netta ḏ marra, aqaṯ ḏi marra.

Ayṯ-Ruma 1:14

Liʼanna u labud aḏ ggeɣ lwajib ak iyunaniyen ḏ yinni war iǧin ca ḏ iyunaniyen, ak yinni iɣrin ḏ yinni war iɣrin ca.

2 Ayṯ-Kurinṯ 11:27

Xeddmeɣ, ccaṯeɣ tamara, tnuseɣ aṭṭas n ǧiyaȓi bȓa iḍeṣ. Fuḏeɣ ǧuzeɣ, qqimeɣ aṭṭas n ṯwaȓaṯin bȓa lmakla. Ṯneqq-ayi ṯesmeḍ arruḍ inu ḏ uqlil.

Ȓexḏayem 28:4

Wami ẓrin ibarbariyen fiɣer iȓseq ḏeg ufus n Bulus, nnan jarasen: Nican aryaz-a wanita inɣa can yijjen. Arebbi nneɣ umi qqaren war ṯ ijji ca aḏ iddar waxxa injem zi ȓebḥar.

1 Ayṯ-Kurinṯ 14:11

Iwa meȓa nec war ssineɣ ca ȓmaƹna n lluɣa nni, ataf nec aḏ iȓiɣ am yijjen ḏ abarrani ak wenni issawaȓen ataf netta ƹaweḏ akiḏi yiȓi am yij ubarrani.

Matta 10:42

Aqa tesȓam ȓḥaqq: Wenni ɣa yucen ɣir ȓkas n waman ḏ asemmaḍ i can yijjen zeg imezyanen-a ȓaḥeqqac ḏ ameḥḍar inu, ataf aḏ yawi lʼajar nnes war ṯ itḍeyyiƹ ca."

Ȓexḏayem 27:3

Ṯiwecca nnes, wami nuweḍ ɣar ṯendint n Ṣayda igga ȓxir Yulus ḏi Bulus ijji-ṯ aḏ iraḥ ɣar imeddukaȓ nnes bac aḏayes thillan.

Ayṯ-Ruma 2:27

Iƹni wenni ixeddmen s min ḏayes ḏi ccariƹa n Musa, waxxa war iggi ca ṭṭahareṯ ḏi ddat, axac iḥkem cek iy ɣar iǧa Lkitab nni ḏ ṭṭahareṯ. Mayemmi? Liʼanna cek ṯƹeṣṣiḏ ccariƹa.

Yuḥanna 18:18

Ixeddamen ḏ iƹessasen bedden ḏinni, ggin ṯimessi s ȓefḥam zɣaren ɣares minzi ṯesmeḍ. Ibedd uȓa ḏ Buṭrus akiḏsen ḥima aḏ izɣar.

Ȓexḏayem 28:3

Bulus ijmeƹ-d ikeccuḍen, wami ṯen isers ḏi ṯmessi iffeɣ-d ijjen n ufiɣer zi ȓeḥmu, iqqes-as iȓseq-as ḏeg ufus.

Ayṯ-Ruma 14:1

Fa wenni umi iḍƹef lʼiman nnes qebȓem-ṯ jarawem bȓa ma akiḏes ṯmenɣem x lʼafkar nnes.

Ayṯ-Ruma 14:3

Wenni itwaȓan marra lmakla ḥalal itxeṣṣa-yas war iseḥqir ca wenni war itetten ca. Ƹaweḏ wenni war itetten ca itxeṣṣa-yas war itƹeyyib ca x wenni itwaȓan lmakla marra ḥalal liʼanna Arebbi iqbeȓ-iṯ.