Ȓexḏayem 26:18 - Ṯarifiṯ 2020

¹⁸ bac aḏasen ṯrezmeḏ ṯiṭṭawin nsen, aṯen ṯesbeƹƹḏeḏ zi ṯaǧest ɣar nnur, aṯen ṯesbeƹƹḏeḏ zi ssulṭa n Cciṭan ɣar Arebbi. Ammu aḏasen twaɣfarent ȓmuƹṣiyaṯ nsen aɣarsen yiȓi umcan ak ṣṣaliḥin iƹni s lʼiman iy ḏayi iy ggin.

Ȓexḏayem 26:18 Referans Kwoze

1 Buṭrus 2:9

Fa kenniw ḏ ijjen n ccaƹb itwaxḍaren ḏ ijjen n jmaƹeṯ n ȓfuqaha n Uzeǧiḏ ḏ ijjen n ȓgens ḏ amqeddes ḏ yiwḏan niṯni Bab nsen ḏ Arebbi bac aḏ tbeccarem s ṯmesȓayin ṯiṣebḥanin n wenni iy kenniw issufɣen zeg yijjen n ṯaǧest yarri-kenniw-d ɣar nnur nnes ƹajib.

Ayṯ-Ufasus 1:18

Aḏawem d yuc ijjen n nnur i wuȓawen nwem bac aḏ tessnem min iƹna lʼamal-a iy zi ḏawem d iȓaɣa, ḏ min iƹna wagȓa-ya n lwareṯ ƹaḍim n ṣṣaliḥin,

Ayṯ-Ufasus 5:8

Cuf, ḏeg yijjen n ȓweqṯ kenniw tuɣa ḏ ṯaǧest, ȓexxu kenniw ṯḏewȓem ḏ ijjen n nnur ḏi Siḏi Arebbi. Iwa ƹiceṯ am ṯarwa n nnur.

Ȓexḏayem 20:32

Ay ayṯma, ȓexxu axawem weddiɣ, iȓiṯ ag Arebbi ḏ wawaȓen n arḍa nnes. Awaȓen-a ḏaysen ṯizemmar aḏawem ucen jjheḏ aḏawem ucen ȓwarṯ ak marra ȓmuminin ṣṣaliḥin.

2 Ayṯ-Kurinṯ 4:6

Ḏ Arebbi ig innan: "Nnur aḏ iceƹceƹ zi ṯaǧest." Ḏ Arebbi-ya ig iceƹcƹen ḏeg wuȓawen nneɣ bac a nessen lƹaḍama n Arebbi ig itceƹciƹen ḏeg wuḏem n Ƹisa Lmasiḥ.

Yuḥanna 8:12

Issiweȓ ɣarsen ƹaweḏ Ƹisa inna-asen: "Nec ḏ nnur n ddunect. Wenni ḏayi ɣa iḏfaren ƹemmarṣ aḏ yuyur ḏi ṯaǧest, aɣares yiȓi nnur n ṯuḏarṯ."

Luqa 1:79

Ḥima aḏ yuc ṯfawṯ i yinni itƹicen ḏi ṯaǧesṯ ḏi ṯiȓi n ȓmewṯ, ḥima aḏaneɣ isuyur iḍaren nneɣ ɣar ubriḏ n ȓehna."

Ayṯ-Ufasus 4:18

Niṯni ṯṭemmeṣ-iṯen ȓefhameṯ zaƹma iy ḏaysen. Niṯni ggwjen zi ṯuḏarṯ n Arebbi ƹlaḥsab ȓeqfaȓeṯ nni iy ḏaysen s ṯɣennant n wuȓawen nsen.

2 Ayṯ-Kurinṯ 6:14

War teggeṯ xawem ṯzayȓut ak yinni war yuminen ca, war tiȓiṯ ca ḏ ṯiyuya akiḏsen. Ma ḏinni ca n ȓḥajeṯ ig icarrec ȓḥaqq ak ȓbaṭeȓ? Lla. Min icarrec nnur ak ṯaǧest? Walu.

2 Ayṯ-Kurinṯ 4:4

Yinni war yuminen ca ȓaƹquȓaṯ nsen isṭemmeṣ-iṯen Ibȓis wenni iǧan am arebbi n ddunect-a zaƹma. Niṯni war zemmaren aḏ ẓren nnur n Lʼinjil iƹni lƹaḍama n Lmasiḥ, netta iǧan ḏ ṣṣifeṯ n Arebbi.

1 Yuḥanna 3:8

Wenni ig iqqimen isxeddam ȓmuƹṣiyaṯ netta zeg Ibȓis ȓaḥeqqac Ibȓis iqqim iƹeṣṣa zeg umezwaru. Mayemmi d imeḍhar Mmis n Arebbi? Imeḍhar-d bac aḏ irez ȓefƹayeȓ n Ibȓis.

Ȓexḏayem 2:38

Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

1 Yuḥanna 5:19

Nessen illa neccin zi Arebbi, nessen ƹaweḏ marra ddunect-a aqat swadday i ṯzemmar n Lmufsid.

1 Yuḥanna 1:9

Walakin meȓa neƹtaref s ȓmuƹṣiyaṯ nneɣ i Arebbi, netta aqaṯ nican ḏayes ttiqeṯ, aḏaneɣ iɣfar ȓmuƹṣiyaṯ nneɣ aḏaneɣ issiṣfa zi marra ccarr.

Ȓexḏayem 20:21

Ƹeǧmeɣ i israʼiliyen ḏ iyunaniyen bac aḏ tuben ɣar Arebbi aḏ amnen s Siḏiṯneɣ Ƹisa.

Luqa 24:47

Aḏ beccaren marra ȓegnus ḥima aḏ tuben aḏ twaɣfarent ȓmuƹṣiyaṯ nsen s yisem n Lmasiḥ. Aḏ ibḏa manaya ḏi Lquds.

Lwaḥi 21:27

War ḏinni taḏef uȓa ḏ ijjen n ṯmesȓayṯ ṯwessex niɣ ḏ ikrucaren niɣ ḏ yinni iqqaren ixerriqen. Aḏ aḏfen ḏinni ɣir yinni ɣar ǧan isemawen nsen zemmmen ḏi Lkitab n Ṯuḏarṯ n Yizmar.

1 Buṭrus 2:25

Tuɣa kenniw am iḥuȓiyen itweddaren, ȓexxu ṯḏewȓem-d ɣar wenni iy kenniw irassen itkellafen zi ȓaƹmar nwem.

Iƹibraniyen 11:6

Iwa uȓa ḏ ijjen war izemmar axas yareṭṭa Arebbi bȓa lʼiman. Minzi wenni iy ɣa qarrben ɣar Arebbi labud aḏ yamen belli netta iǧa u ḏ netta ig itjazan yinni iy xas irezzun s wuȓawen nsen.

Ȓexḏayem 13:47

Liʼanna Siḏi Arebbi iweṣṣa-yaneɣ inna-aneɣ: "

Ȓexḏayem 15:9

War iggi bu s wuḏemawen jaraneɣ, isireḏ-asen uȓawen nsen wami umnen.

Ȓexḏayem 5:31

Irfeƹ-iṯ Arebbi aɣares iggi-ṯ x ufusi nnes bac aḏ iḥkem aḏ isenjem, aḏ yuc ttuba i Ayṯ-Israʼil aḏ iɣfar ȓmuƹṣiyaṯ nsen.

Yuḥanna 9:5

Madama ƹaḏ ǧiɣ ḏi ddunect, nec ḏ nnur n ddunect."

Yuḥanna 3:19

Ḏ wa ḏ lḥukem iy xas ɣa yiȓin: Nnur yusa-d ɣar yiwḏan, yiwḏan xsen ṯaǧest ḥsen zi nnur minzi teggen ccarr.

1 Yuḥanna 2:12

A iḥenjiren, nec uriɣ-awem-d ȓaḥeqqac ȓmuƹṣiyaṯ nwem twaɣfarent-awem s yisem nnes.

1 Buṭrus 1:4

Ḥima a nwareṯ ijjen n wagȓa ƹemmarṣ aḏ ifna ƹemmarṣ aḏ ixsar ƹemmarṣ aḏ ikcef wenni iy ḏawem itwaxemmȓen ḏeg ujenna.

Yuḥanna 17:17

Ṣeffa-ṯen s lḥaqiqa, awaȓ nnec netta iy iǧan ḏ lḥaqiqa.

Luqa 1:77

Ƹaweḏ aḏ tesȓemḏeḏ i ccaƹb nnes x usenjem, iƹni mamc iy ɣa twaɣfarent ȓmuƹṣiyaṯ nsen.

Yahuḏa 1:1

Nec ḏ Yahuḏa ḏ axeddam n Ƹisa Lmasiḥ, nec ḏ umas n Yaƹqub. Tariɣ ṯabrat-a i yinni iy d itwaȓaɣan, itḥibba-ṯen Arebbi Babaṯneɣ, iḥeṭṭa-ṯen Ƹisa Lmasiḥ.

Yaƹqub 2:5

Cuf ay ayṯma imƹizzen inu, ma war ṯessinem ca Arebbi ixḍar ȓmusakin n ddunect-a ḥima aḏ iȓin ḏ twajar s lʼiman nsen aḏ warṯen ḏi ȓmulk iy zi iwƹeḏ Arebbi yinni iy ṯ itḥibban?

Iƹibraniyen 10:14

Liʼanna yinni itḏewwaȓen ḏ ṣṣaliḥin issiṣfa-ṯen ḏeg yijjen n ṯwaȓa i ȓebda s yijjen n dbiḥeṯ u ṣafi bac aḏ iȓin bȓa ȓƹib.

Ayṯ-Galaṭya 3:14

S Ƹisa Lmasiḥ ṯehwa-d lbaraka nni iy zi tuɣa ṯ iwƹeḏ Arebbi i Brahim ṯuweḍ ɣar ȓegnus, ḥima s lʼiman aḏaneɣ immuc Arruh iqeddsen iy zi ḏaneɣ iwƹeḏ.

Luqa 24:45

Ȓexddenni irzem Ƹisa ȓaƹquȓaṯ nsen ḥima aḏ fehmen Lkutub.

2 Timutawus 2:26

Uca aḏ d arren ȓbaȓ nsen aḏ arewȓen zi ṯexcebṯ n Ibȓis wenni iy ṯen iḥebbsen ḥima aḏ ggen ȓxaḍar nnes.

Ayṯ-Ufasus 2:8

Aqa s arḍa n Siḏi Arebbi iy zi ṯnejmem wami ṯumnem. Manaya war zzaywem d itekk ca zi kenniw; Lla, manaya itekk-d zi lhadiya n Arebbi.

Ayṯ-Ufasus 1:11

Marra ṯimesȓayin itegg-iṯent Arebbi ƹlaḥsab min ixeṭṭeṭ ḏ min ixḍar netta. Neccin ḏi Ƹisa yarra-aneɣ Arebbi a nwareṯ ƹlaḥsab min izemmem netta s lɣaraḍ nnes.

1 Ayṯ-Kurinṯ 1:30

U netta ḏ ssabab iy zi ṯeǧam kenniw ḏi Ƹisa Lmasiḥ. Iggi-ṯ Arebbi netta ḏ ȓefhameṯ nneɣ, iƹni netta ḏayes ṣṣulḥ nneɣ ḏ uṣeffi nneɣ ḏ ufekki nneɣ.

Luqa 4:18

Luqa 2:32

Netta ḏ ijjen n nnur iy ṯesmeḍhareḏ i ȓegnus, netta ḏ ijjen n lƹaḍama n ccaƹb nnec n Ayṯ-Israʼil."

Matta 4:16

Ccaƹb-a iy izeddɣen ḏi ṯaǧest, aḏ iẓer ṯfawṯ ḏ ṯameqqrant. Yina izeddɣen ḏi ṯaǧest n ȓmewṯ aḏasen d imeḍhar nnur.>

Iƹibraniyen 10:10

U s ȓxaḍar nni neccin netwassiṣfa s dbiḥeṯ n ddat n Ƹisa Lmasiḥ, ijjen n ṯwaȓa i ȓebda.

Iƹibraniyen 9:15

Falihaḏa netta Lmasiḥ itcafaƹ jaraneɣ ḏ Arebbi s yijjen n ȓƹaheḏ ḏ jḏiḏ bac yinni umi d iȓaɣa Arebbi ataf aḏ awin lwareṯ iy zi ṯen iwƹeḏ itduman i ȓebda. Liʼanna Lmasiḥ immuṯ ḏ lfidya ḥima aḏasen iḍȓeq aḏ iȓin ḥurr zi ȓmuƹṣiyaṯ iy ggin swadday i ȓƹaheḏ nni amezwaru.

Ayṯ-Ufasus 5:14

minzi ḏ nnur iy d ismeḍharen marra. X manaya iqqar Lkitab:

Ayṯ-Ufasus 1:14

Arruḥ-a netta ḏ ijjen n ȓƹarbun iḍemmen lwareṯ nneɣ aȓ ɣa ṯ neṭṭef ṯumma a neḥmeḏ Arebbi x lƹaḍama nnes.

Ayṯ-Ufasus 1:7

Ifekk-aneɣ-d Siḏi Arebbi s lfidya nni n Mmis iƹni s iḏammen nnes bac aḏ twaɣfarent ȓmuƹṣiyaṯ nneɣ ƹlaḥsab agȓa n arḍa nnes.

Ayṯ-Galaṭya 3:2

Akenniw sseqsiɣ x yijjen n ṯmesȓayṯ waha. Ma ihwa-d xawem Arruḥ iqeddsen wami ṯṭaƹem i Ccariƹa n Musa? Lla, ihwa-d wami ṯesȓim i Lʼinjil ṯumnem zzayes.

Ayṯ-Galaṭya 2:20

Twaṣellbeɣ ak Lmasiḥ. Ssa aȓ ṯsawent maci ḏ nec iy ɣa iddaren; Lla, ḏ Lmasiḥ iy ɣa iddaren ḏayi. Ṯuḏarṯ-a iy ddareɣ ȓexxu ḏi ddat inu, aqa ddareɣ-t s lʼiman inu zi Mmis n Arebbi iy ḏayi iḥibben iṣeddeq xafi ixef nnes.

1 Ayṯ-Kurinṯ 1:2

Netseǧam xawem kenniw iy iǧan ḏ jmaƹeṯ n ȓmuminin n Arebbi ḏi ṯendint n Kurinṯ. Twassiṣfam ḏi Ƹisa Lmasiḥ, twaxḍarem bac aḏ tiȓim ḏ ṣṣaliḥin ak marra yinni itȓaɣan x yisem n Siḏiṯneɣ Ƹisa Lmasiḥ ḏi marra imucan. Netta ḏ Siḏiṯneɣ ḏ Siḏiṯsen.

Ayṯ-Ruma 8:17

U neccin meȓa aqaneɣ ḏ ṯarwa n Arebbi, ataf a nwareṯ. Iƹni a nwareṯ zi Arebbi, a nwareṯ ak Lmasiḥ. Walakin ixeṣṣa-yaneɣ a ncarec akiḏes ḏeg uƹeddeb nnes ḥima a ncarec akiḏes ƹaweḏ ḏi lƹaḍama nnes.

Ȓexḏayem 26:23

Iƹni, Lmasiḥ wa labud aḏ itwaƹeddeb aḏ ibeccar lʼumma nneɣ s nnur ḏ marra yinni war iǧin ca zi Ayṯ-Israʼil liʼanna ḏ netta iy d ɣa ikkaren ḏ amezwaru zi ȓmewṯ."

Ȓexḏayem 10:43

Marra lʼanbiya cehhḏen xas nnan qa marra yinni zzayes ɣa yamnen aḏ twaɣfarent ȓmuƹṣiyaṯ nsen s yisem nnes."

Ȓexḏayem 3:19

S manaya tubeṯ, ḏewȓeṯ ɣar Arebbi ḥima aḏ twakksent ȓmuƹṣiyaṯ nwem. Ḥima aḏ d tas ṯsaƹƹat n lfaraj zi Siḏi Arebbi, aḏ d issekk Lmasiḥ iy tuɣa ḏawem itwaxḍaren zi qbeȓ iƹni Ƹisa.

Yuḥanna 9:39

Inna Ƹisa: "Usiɣ-d ɣar ddunect-a aḏ ḥasbeɣ ḥima yinni iǧan ḏ iḍarɣaȓen aḏ twaȓan, yinni itwaȓan aḏ ḍerɣȓen."

Yuḥanna 4:14

Walakin wenni ɣa iswen aman iy ḏas ɣa uceɣ nec ataf war itfiḏi ca ƹemmarṣ. Aman iy ḏas ɣa uceɣ nec aḏ ḏewȓen ḏayes amecnaw ijjen n ȓƹunṣar azzayes ṯesfiy ṯuḏarṯ n ȓebda."

Yuḥanna 4:10

Inna-as Ƹisa: "Maƹlik cem ṯessneḏ lhadiya n Arebbi ṯessneḏ min ƹniɣ nec iy ḏam iqqaren uc-ayi aḏ sweɣ, ataf ṯettareḏ-ayi cem aman aḏam uceɣ aman n ṯuḏarṯ."

Matta 4:10

Indeq-d Ƹisa inna-as: "Ruḥ, beƹƹeḏ-ayi a Cciṭan. Aqa Lkitab iqqar: "

Ȓexḏayem 26:19

Nec a si azeǧiḏ Aɣribas, war ƹṣiɣ ca lwaḥi nni iy xafi d ihwan zeg ujenna.

Ayṯ-Ufasus 5:11

War carrcem ca ḏi ȓexḏayem n ṯaǧest war tarwent ca, feḍḥem-ṯent.

Ayṯ-Ufasus 6:12

Liʼanna neccin war netmenɣi ca ḍed i yiwḏan n uysum ḏ iḏammen. Lla, netmenɣa ḍed n ṯzemmar n ṯaǧest-a ṯanita n zman-a ḏ yinni ig iḥekkmen ḏ yinni ig ijehḏen ḏi ṯaǧest-a. Neccin netmenɣa ḍed n ccayaṭin iƹeffanen ig iǧan ḏeg imucan n ijennaṯen.