Ȓexḏayem 26:13 - Ṯarifiṯ 2020

¹³ A si azeǧiḏ, wami ggureɣ ɣar uzyen n nhar ẓriɣ ijjen n nnur ḏeg ujenna ṯfawṯ nnes tseqsiq ktar zi ṯfuct, inneḍ-ayi-d itceƹciƹ xafi nec ḏ yinni iy kiḏi igguren.

Ȓexḏayem 26:13 Referans Kwoze

Matta 17:2

Ḏinni zzaṯ i ṯiṭṭawin nsen iḏweȓ am yijjen n nnur, aɣembub nnes itceƹciƹ am ṯfuct. Iḏweȓ warruḍ nnes ḏ acemȓaȓ ireqq am ṯfawṯ.

Lwaḥi 21:23

Ṯandint-a war teḥḏiji ca ṯfawṯ n ṯfucṯ niɣ n ṯziri ȓaḥeqqac lƹaḍama n Arebbi nettaṯ iy iteggen ḏinni ṯfawṯ, Izmar ḏ netta ḏ ȓefnar nnes.

Lwaḥi 1:16

Ḏeg ufus nnes afusi ɣares sebƹa n yiṯran. Aqemmum nnes iteffeɣ-d zzayes ijjen n ssif iqḍeƹ x ṯnayen n jjihaṯ. Aɣembub nnes igga am nnur n ṯfuct iy itceƹciƹen aṭṭas.

Ȓexḏayem 22:6

Nec tuɣa ggureɣ ḏeg ubriḏ qarrbeɣ ɣar Dimaceq, tuɣa ƹȓayen ḏ azyen n nhar. Ƹlaɣafla inneḍ-ayi-d ijjen n nnur itceƹciƹ zeg ujenna.

Ȓexḏayem 9:3

Wami iggur ɣar Dimaceq iqqim-as cwayt aḏ yaweḍ, ƹlaɣafla inneḍ-as-d ijjen n nnur itceƹciƹ-d xas zeg ujenna.

Ȓexḏayem 22:9

Yinni kiḏi iǧan ẓrin nnur nni walakin war fhimen ca i ṯmijja n wenni iy kiḏi d issawaȓen.

Ȓexḏayem 26:12

S manaya iy ruḥeɣ ijjen n nhar ɣar ṯendint n Dimaceq, ysiɣ-d arruxṣa n arruyas n ȓfuqaha ḏ ttesriḥ nsen.

Ȓexḏayem 26:14

Newḍa marra ɣar ṯmurṯ, sȓiɣ i yijjen n ṯmijja ṯessawaȓ s lluɣa lƹibriya ṯeqqar-ayi-d: A Cawul a Cawul, mayemmi ḏayi tƹeddabeḏ? Teggeḏ am wenni iy ḏi ṯeǧa ṯɣennant isuggur-iṯ Arebbi s ṯsennant.