Ȓexḏayem 24:25 - Ṯarifiṯ 2020

²⁵ Wami issiweȓ Bulus x min iǧan nican, ḏ mammec ɣa iḥkem bnaḏem x yixef nnes, ḏ Yum Lḥisab ḏ Lƹiqab iy d ɣa yasen uca inexȓeƹ Filikes inna-as: "Ṣafi ȓexxu, ƹqeb. Xmi ɣari ɣa ṯiȓi lfurṣa axak d ȓaɣiɣ."

Ȓexḏayem 24:25 Referans Kwoze

Yuḥanna 16:8

Xmi d ɣa yas, aḏ d isbeyyen i yiwḏan n ddunect ɣalṭen x ȓmuƹṣiyeṯ ḏ min iṣeȓḥan ḏ lḥisab.

1 Buṭrus 3:15

Lla, semɣareṯ Lmasiḥ ḏeg wuȓawen nwem arrem-ṯ ḏ Siḏiṯwem. Iȓiṯ ȓebda ṯwejḏem bac aḏ tdafƹem x yixef nwem aḏ tjawbem wenni irezzun x ssabab n lʼamal iy ḏaywem. Walakin jawbem-ṯ s yijjen n ttawaḍuƹ ḏ lʼiḥtiram

2 Buṭrus 1:6

u ƹaweḏ arnim ȓeḥkam x yixef nwem ak ṯusna-ya nwem; u ƹaweḏ arnim ṭṭaƹa i Arebbi ak ȓeḥkam-a x yixef nwem;

Ayṯ-Galaṭya 5:23

ḏ ttawaḍuƹ ḏ bnaḏem iḥekkmen x ccehweṯ nnes. War ṯeǧi bu can n ccariƹa ig isbeddan ṯimesȓayin-a.

Ȓexḏayem 10:42

Neccin iweṣṣa-yaneɣ Ƹisa a nbeccar ccaƹb, a necheḏ belli Arebbi ixḍar-iṯ aḏ iḥaseb yinni iddaren ḏ yinni immuṯen.

1 Yuḥanna 3:7

A iḥenjiren, war tejjam ḥadd akenniw ixḏeƹ. Wenni ig iqqimen isxeddam min iǧan nican qa netta aqaṯ nican mammec ig iǧa Siḏiṯneɣ.

Yaƹqub 2:19

Cek tamneḏ belli Arebbi netta ḏ ijjen? Iwa mliḥ, walakin uȓa ḏ ccayaṭin tamnen s manayenni terjijin.

Iƹibraniyen 9:27

Ȓmewṯ itmetta-t bnaḏem ijjen n ṯwaȓa, ṯumma iḏeffar-it Lḥisab ḏ Lƹiqab.

Iƹibraniyen 4:1

Iḏen fa ƹaḏ nzemmar a naḏef ḏi arraḥeṯ n Siḏi Arebbi minzi ḏaneɣ iwƹeḏ. Wa labud a neggweḏ bac war itɣimi uȓa ḏ ijjen zzaywem war ḏinni d ixeṭṭeȓ.

Iƹibraniyen 3:13

Lla, meȓa nzemmar a nini , ataf aḏ tcejjƹem ayawya kuȓ nhar bac war ḏinni itiȓi ḥadd zzaywem aḏ iḏweȓ iqseḥ wuȓ nnes aṯ texḏeƹ ȓmuƹṣiyeṯ nnes.

Ayṯ-Galaṭya 3:22

Walakin lla, Lkitab iqqar belli marra min iǧan netta amecnaw ameḥbus n ȓmuƹṣiyeṯ. Mayemmi? Bac min iwƹeḏ aḏ immuc s lʼiman zi Ƹisa Lmasiḥ i yinni iy ɣa yamnen.

2 Ayṯ-Kurinṯ 5:10

Liʼanna labud a nbedd marra iḏneɣ zzaṯ i lƹarc n Lmasiḥ mani iy ɣa netwaḥkem. Kuȓ ijjen aṯ ijaza x min isḏaheǧ ƹlaḥsab ṯimesȓayin nni ig igga wami izḏeɣ ḏi ddat, ḏ ṯiṣebḥanin niɣ ḏ ṯiƹeffanin.

1 Yuḥanna 3:10

Mammec ɣa negg a nesfreq ṯarwa n Arebbi ḏ ṯarwa n Ibȓis? Qa yinni war iqqimen ca sxeddamen min iǧan nican war ǧin ca zi Arebbi. Ƹaweḏ wenni war itexsen ca umas war iǧi ca zi Arebbi.

2 Timutawus 4:1

Acek weṣṣiɣ zzaṯ i Arebbi ḏ Ƹisa Lmasiḥ wenni iy ɣa iḥekmen x yinni iddaren ḏ yinni immuṯen, acek weṣṣiɣ ƹaweḏ ḏi ȓmulk nnes ḏ Nhar nni iy ḏi d ɣa imeḍhar:

2 Ayṯ-Kurinṯ 6:2

Aqa netta iqqar: Haqac, ȓexxu ḏ ȓweqṯ ig yarḍan x Arebbi. Haqac, ȓexxu ḏ nhar ig isenjamen.

1 Ayṯ-Kurinṯ 4:5

X manaya war qqarem walu x ȓḥukem qbeȓ ȓweqṯ, iƹni qbeȓ iy d ɣa yas Siḏiṯneɣ. Ḏ netta iy ɣa isbeyynen ṯimesȓayin nni ɣar nnur ȓexxu nuffarent ḏi ṯaǧest, aḏ d ismeḍhar kuȓ lɣaraḍ n yiwḏan iy ɣarsen ḏeg wuȓawen nsen. Ȓexddenni kuȓ ijjen aɣares yiȓi usemɣar nnes zi Arebbi.

Ȓexḏayem 24:15

Ɣari lʼamal zi Arebbi mamc ɣarsen iǧa ɣar iryazen-a, iƹni aḏ d kkaren zi ȓmewṯ ṣṣaliḥin ḏ ḍḍalimin.

Ȓexḏayem 17:32

Yina wami tesȓan x yiwḏan aḏ d kkaren zi ȓmewṯ ḏi Lqiyama ḍeḥcen ȓebƹaḍ xasen, walakin ȓebƹaḍ nneɣni nnan-as qa neccin nexs aḏac nṣenneṭ ṯwaȓa nneɣni x manaya.

Ȓexḏayem 17:2

Yuḏef Bulus ɣar ṯemziḏa nni mammec itegg ȓebda. Ṯȓaṯa n simanaṯ kuȓ nhar n ssebṯ n lƹibada itemnaqac akiḏsen iqqar-asen min yurin ḏi Lkutub.

Ȓexḏayem 2:37

Iwḏan nni wami sȓin i wawaȓ-a, uȓawen nsen cemḍen. Kkaren nnan-as i Buṭrus ḏ arrusul nneɣni: "Ay ayṯma, min ɣa negg?"

Iƹibraniyen 6:2

niɣ x ibriḏen bac aḏ twaṭehharen yiwḏan s waman, niɣ x mammec ɣa negg a nsers ifassen nneɣ x yiwḏan, niɣ x lqiyama n imettinen, niɣ x Lḥisab nni war ifennin ca.

Iƹibraniyen 12:21

Min twaȓan ḏinni isaggwaḏ aṭṭas, ḥetta uȓa ḏ nnabi Musa inna aqayi terjijiɣ s ṯiggwḏi.

Ayṯ-Ruma 14:12

Falihaḏa, mkuȓ ijjen zzayneɣ aḏ itwaḥaseb zzaṯ i Arebbi.

Ayṯ-Ruma 12:1

Iḏen fa ay ayṯma, s arraḥmeṯ n Arebbi tcejjaƹeɣ-kenniw aḏ tqeddmem ixef nwem i Arebbi amecnaw ijjen n dbiḥeṯ ṯeddar, ḏ ṯamqeddest, axas yarḍa netta. Manaya ḏ lwajib n lƹibada xawem.

Ayṯ-Ruma 2:16

Iqqar Lʼinjil iy zi tḥeddaṯeɣ: Manaya aḏ yiȓi ḏi Nhar nni xmi ɣa iḥaseb Arebbi x ufus n Ƹisa Lmasiḥ marra min inuffaren ḏeg wuȓawen n yiwḏan.

Ȓexḏayem 26:28

Inna-as uzeǧiḏ Aɣribas: "Ma s cwayt n ȓweqṯ ṯa cek ṯenwiḏ aḏayi ṯarreḏ ḏ amasiḥi?"

Ȓexḏayem 17:13

Israʼiliyen nni ḏi ṯendint n Salunik arrin-d ȓexbar Bulus itbeccar s wawaȓ n Arebbi ḏi ṯendint n Birya. Usin-d ɣar Birya bḏan teggen ixarwiḍen shajen xas ȓɣaci.

Ȓexḏayem 9:6

Inna-as: "Kkar aḏef ɣar ṯendint, aḏac itwanna ḏinni min itxeṣṣa aḏ teggeḏ."

Matta 22:5

Walakin yinni itwaƹarḍen war ḏayes t uwin ca: ijjen iruḥ ɣar umarjeƹ nnes, ijjen ɣar ttijara nnes.

Ȓexḏayem 24:26

Netta ƹaweḏ Filikes irezzu zi Bulus arrecweṯ. S manaya itȓaɣa-d xas aṭṭas n ṯwaȓaṯin issawaȓ akiḏes.

Titus 1:8

Wah, itxeṣṣa aḏ itreḥḥab zeg inewjiwen, aḏas iteƹjib min iǧan ḏ aṣebḥan, aḏ iḥkem x ṯnefsiyṯ nnes, aḏayes yiȓi lmaƹqul, aḏ yiȓi iṣfa, aḏ irebba ixef nnes.