Ȓexḏayem 22:20 - Ṯarifiṯ 2020

²⁰ Ḥḍareɣ nec wami sizzȓen iḏammen n Stifan wenni xak icehhḏen. Wafqeɣ x ȓmewṯ nnes, ḥḍiɣ-asen uȓa ḏ arruḍ n yinni iy ṯ inɣin.

Ȓexḏayem 22:20 Referans Kwoze

Ȓexḏayem 8:1

Wami nɣin Stifan, ijjen qqaren-as Cawul aqaṯ ḏinni iḥḍar itafeq akiḏsen. Nhar nni bḏan tƹeddaben jmaƹeṯ n ȓmuminin ḏi ṯendint n Lquds. Mesfraqen marra ȓmuminin ruḥen ɣar jwayeh n Yahuḏiya ḏ Samarya kuȓ ijjen mani iruḥ, war iqqim ḥadd ḏi Lquds illa arrusul.

Ȓexḏayem 7:58

Sufɣen-ṯ barra i ṯendint bḏan rejjmen-ṯ s uzru. Sersen izeǧuba nsen ɣar iḍaren n yijjen n ccab qqaren-as Cawul.

Lwaḥi 2:13

Nec ssneɣ mani ṯzeddɣeḏ, ḏinni lƹarc n Cciṭan. Cek teṭṭfeḏ ḏeg yisem inu. War ṯenkareḏ ca l'iman iy zzayi ṯeggiḏ, waxxa ḏeg wussan nni iy ḏi nɣin ijjen n ccahiḏ inu ḏayes ȓaman qqaren-as Antipas. Nɣin-ṯ zzaṯwem mani izeddeɣ Cciṭan.

Ayṯ-Ruma 1:32

Waxxa ssnen Arebbi iḥekkem xasen s ȓmewṯ x yinni iteggen ṯimesȓayin-a, niṯni kkaren teggen-ṯent. Ktar zi manaya, reṭṭan x yinni iy ṯent iteggen.

Lwaḥi 17:6

Ẓriɣ ṯamɣarṯ nni ṯsekkar s iḏammen n ȓmuminin ṣṣaliḥin ḏ iḏammen n yinni icehhḏen x Ƹisa. Wami t ẓriɣ ḏehceɣ aṭṭas.

Ȓexḏayem 26:10

Amenni iy ggiɣ ḏi ṯendint n Lquds. S arruxṣa n arruyas n ȓfuqaha tḥebbaseɣ aṭṭas n ȓmuminin ṣṣaliḥin. Xmi xasen taḥkamen s ȓmewṯ, nec tafaqeɣ x manayenni.

Luqa 11:48

Tafaqem ak ȓejḏuḏ nwem, kenniw ḏ ȓechuḏ x min xeḏmen minzi d niṯni ig inɣin lʼanbiya u kenniw ṯbennam imrabḏen nsen.

Ȓexḏayem 6:5

Iƹjeb-asen ȓḥaȓ i marra jmaƹeṯ. Kkaren ixḍaren ijjen n uryaz qqaren-as Stifan, netta iccur s lʼiman ḏ Arruḥ iqeddsen. Ixḍaren Filippas ḏ Brukurus ḏ Nikanur ḏ Timun ḏ Parminas ḏ Nikulas zeg Wanṭakya, tuɣa isȓem netta ḏi ddin n Ayṯ-Israʼil.