Ȓexḏayem 22:18 - Ṯarifiṯ 2020

¹⁸ Ẓriɣ Siḏiṯneɣ inna-ayi: Kkar ffeɣ ḏeɣya zi Lquds minzi chaḏeṯ nnec xafi war t qebbȓen ca.

Ȓexḏayem 22:18 Referans Kwoze

Luqa 21:21

Ȓexddenni yinni iǧan ḏi ṯmurṯ n Yahuḏiya itxeṣṣa aḏ arewȓen ɣar iḏurar; ḏ yinni iǧan ḏi Lquds itxeṣṣa aḏ arewȓen ɣar barra; ḏ yinni iǧan ḏeg imarjeƹiwen itxeṣṣa war tiḏfen ca ɣar Lquds.

Matta 10:23

Meȓa ƹeddben-kenniw ḏi can ṯendint, arewȓem ɣar ṯenneɣni. Aqa tesȓam ȓḥaqq: Aḏ d yas Mmis n bnaḏem, ataf kenniw ƹaḏ war ṯkemmȓem x min kenniw weṣṣiɣ ḏi ṯneddam n Ayṯ-Israʼil.

Matta 10:14

Meȓa war kenniw qbiȓen ca ḏi can ṯeddarṯ niɣ ḏi can ṯendint niɣ meȓa war xsen aɣarwem ṣennṭen, ffɣeṯ ssenni mesḥeṯ ṯaƹejjact zeg iḍaren nwem.

Ȓexḏayem 9:29

Issawaȓ ak israʼiliyen yinni issawaȓen s lluɣa ṯayunaniṯ itemnaqar akiḏsen, ssenni niṯni rezzun aṯ nɣen.

Ȓexḏayem 3:19

S manaya tubeṯ, ḏewȓeṯ ɣar Arebbi ḥima aḏ twakksent ȓmuƹṣiyaṯ nwem. Ḥima aḏ d tas ṯsaƹƹat n lfaraj zi Siḏi Arebbi, aḏ d issekk Lmasiḥ iy tuɣa ḏawem itwaxḍaren zi qbeȓ iƹni Ƹisa.

1 Ayṯ-Kurinṯ 9:1

Ɣari lḥurriya iƹni nec maci ḏ ismeɣ. Nec ḏ arrasul, ẓriɣ Siḏiṯneɣ Ƹisa. Yac ḏ kenniw iy iǧan ḏ nnatija n ȓxeḏmeṯ inu ḏi Siḏiṯneɣ, niɣ lla?