Ȓexḏayem 20:19 - Ṯarifiṯ 2020

¹⁹ Xeddmeɣ i Siḏi Arebbi bȓa ttakebbur, s imeṭṭawen inu kkint xafi ȓemḥayen wami xayi ciṭṭnen israʼiliyen.

Ȓexḏayem 20:19 Referans Kwoze

Ayṯ-Kulus 3:24

Kenniw ṯessnem ljaʼiza nwem aḏ tiȓi ḏ ijjen n lwareṯ zi Siḏiṯneɣ. Netta umi ṯxeddmem netta ḏ Siḏiṯneɣ Lmasiḥ.

2 Ayṯ-Kurinṯ 2:4

Liʼanna uriɣ-awem-t-id s yijjen n uziyyar ḏ yijjen n uxiyyeq zeg wuȓ inu ḏ waṭṭas n imeṭṭawen. War iǧi bu nniɣ-awem-t ḥima akenniw sxeyyqeɣ; Lla, ḥima aḏ tessnem mecḥaȓ ṯemɣar ȓemḥibbeṯ inu ɣarwem.

Ayṯ-Ruma 12:11

Ḥawȓeṯ war teƹgizem ca. Xeḏmeṯ i Siḏi Arebbi s wuȓ ḏ arruḥ.

Ȓexḏayem 20:3

ikka ḏinni ṯeȓt-chur. Wami ƹȓayen aḏ iney Bulus ḏeg uɣarrabu aḏ iraḥ ɣar Surya, ciṭṭnen israʼiliyen bac aṯ nɣen. X manaya netta igga aḏ iƹqeb x ubriḏ n Masidunya.

2 Ayṯ-Kurinṯ 7:5

Cuf, neccin wami d nuḏef ɣar lʼiqlim n Masidunya ddat nneɣ war ṯriyyeḥ ca, netwazeyyar zi mkuȓ jjiheṯ amenɣi ɣar barra ḏ ṯiggwḏi ɣar ḏaxeȓ.

Yaƹqub 1:2

Ay ayṯma, farḥem aṭṭas xmi ɣa ṯiȓim ḏi lʼanwaƹ n ȓemḥayen.

Ayṯ-Filippas 3:18

Liʼanna ḏinni aṭṭas n yinni igguren ḏ ȓƹaḏyan x ṣṣalib n Lmasiḥ. Awaȓ-a nniɣ-awem-ṯ zi qbeȓ, ȓexxu tƹawaḏeɣ-awem-ṯ s imeṭṭawen inu.

Ayṯ-Ufasus 6:7

Xeḏmem s yijjen n ȓxaḍar nwem axmi ṯxeddmem i Siḏiṯneɣ maci i iryazen.

Ayṯ-Galaṭya 1:10

Cuf, nec ma rezzuɣ ȓexxu axafi arḍan yiwḏan? Lla, rezzuɣ axafi yarḍa Arebbi! Ma nec rezzuɣ aḏasen ƹejbeɣ i yiwḏan? Lla, maƹlik ƹaḏ rezzuɣ aḏasen ƹejbeɣ i yiwḏan, ataf nec war ǧiɣ ca ḏ axeddam n Lmasiḥ.

2 Ayṯ-Kurinṯ 3:5

Iƹni marra manaya war ḏas nzemmar ca neccin s yixef nneɣ. War netḥessib ca belli ṯizemmar-a tasent-id zzayneɣ; Lla, tasent-id zi Arebbi.

Ȓexḏayem 20:31

Iwa iȓiṯ ƹlabal! War tettum ca nec ṯeȓt-snin iy kiḏwem kkiɣ, qqimeɣ tweṣṣiɣ mkuȓ ijjen zzaywem ǧiȓeṯ ḏ wass s imeṭṭawen inu.

2 Buṭrus 1:1

Nec ḏ Simƹan Buṭrus ḏ ijjen n ȓƹabḏ n Ƹisa Lmasiḥ ḏ arrasul nnes. Tsekkiɣ-d ṯabrat-a i yinni iqebȓen nnefs n lʼiman am wenni iy neqbeȓ neccin s ṣṣulḥ nni n Arebbi ḏ Ƹisa Lmasiḥ wenni iy ḏaneɣ isenjamen.

1 Buṭrus 1:6

S usenjem-a kenniw ṯfarrḥem waxxa ȓebƹaḍ zzaywem twaƹeddaben ȓexxu ḏi ȓemḥayen cwayt n ȓweqṯ.

1 Ayṯ-Salunik 1:9

Iwḏan nni s yixef nsen sufuɣen xawem ȓexbar x mamc iy ḏaneɣ ṯqebȓem ḏ mamc iy ṯsemḥem ḏi lʼaṣnam bac aḏ tƹebḏem Arebbi iddaren iy iǧan ḏ ṣṣaḥ.

Ayṯ-Ruma 1:9

Liʼanna Arebbi iy ƹebbḏeɣ s marra uȓ inu tbeccareɣ s Lʼinjil n Mmis, netta qa issen tfekkareɣ ḏaywem ȓebda ḏi ṯẓaǧiṯ inu. Tettareɣ meȓa ixes Arebbi aȓ uneggaru aḏ afeɣ abriḏ aɣarwem d aseɣ.

Ayṯ-Ruma 1:1

Nec ḏ Bulus axeddam n Ƹisa Lmasiḥ, igg-ayi-d Arebbi aḏ iȓiɣ ḏ arrasul. Twaxḍareɣ ḥima aḏ xbareɣ s Lʼinjil n Arebbi,

Ȓexḏayem 27:23

Cuf, ǧiȓeṯ-a ṯanita qa ṯmeḍhar-ayi-d ijjen n lmalaʼika n Arebbi, Arebbi wenni umi xeddmeɣ netta ḏ bab inu.

Ȓexḏayem 17:13

Israʼiliyen nni ḏi ṯendint n Salunik arrin-d ȓexbar Bulus itbeccar s wawaȓ n Arebbi ḏi ṯendint n Birya. Usin-d ɣar Birya bḏan teggen ixarwiḍen shajen xas ȓɣaci.

Yuḥanna 12:26

Wenni ixsen aḏayi ixḏem, itxeṣṣa aḏayi iḏfar. Mani ɣa iȓiɣ nec, aḏ yiȓi ƹaweḏ ḏ axeddam inu. Wenni ḏayi ɣa ixeḏmen, aṯ ikarrem Baba.

Luqa 19:41

Wami ƹȓayen aḏ yaweḍ ɣar ṯendint n Lquds, iẓri-t ibḏa itru xas.

Lwaḥi 7:15

S manaya aqaṯen zzaṯ i lƹarc n Arebbi, ƹebbḏen-ṯ ǧiȓeṯ ḏ nhar ḏi ṯemziḏa ṯameqqrant nnes. Wenni iqqimen x lƹarc aṯen iḥḍa.

2 Timutawus 1:4

Xmi tfekkareɣ ḏeg imeṭṭawen nnec iteṭṭef-ayi-d ijjen n mezȓi ac ẓreɣ ḥima aḏ ƹemmareɣ s ȓefraḥeṯ.

Ȓexḏayem 17:5

Walakin israʼiliyen nneɣni ḥesḏen-ṯen, ruḥen smunen-d zi ssuq ijjen n lmejmuƹ n ikruccaren iƹeffanen bac aḏ ggen ssdaƹ, snekkaren ȓfawḍa ḏi ṯendint. Hejmen x ṯeddarṯ n yijjen qqaren-as Yasin rezzun x Bulus ḏ Silas ḥima aṯen sellmen i ȓɣaci.

Ȓexḏayem 21:27

Wami ƹȓayen aḏ kemmȓen sebƹa nni n nhuraṯ n ȓuḍu, can israʼiliyen zi lʼiqlim n Asya ẓrin Bulus ḏi ṯemziḏa ṯameqqrant samaren xas marra ȓɣaci nni temzaḥamen xas.