Ȓexḏayem 2:38 - Ṯarifiṯ 2020

³⁸ Inna-asen Buṭrus: "Tubeṯ, twaṭehhareṯ s waman kuȓ ijjen zzaywem ƹlaḥsab isem n Ƹisa Lmasiḥ ḥima aḏ twaɣfarent ȓmuƹṣiyaṯ nwem, ataf aḏawem immuc Arruḥ iqeddsen ḏ lhadiya.

Ȓexḏayem 2:38 Referans Kwoze

Ȓexḏayem 22:16

Y ȓexxu min trajiḏ? Kkar aḏ twaṭehhareḏ s waman, sireḏ zi ȓmuƹṣiyaṯ nnec xmi ɣa ṯȓaɣiḏ x yisem nnes.

Marqus 16:16

Wenni yumnen aḏ itwaṭehhar s waman ataf aḏ injem. Wenni war yuminen ca ataf aḏ itwaḥkem.

Ȓexḏayem 8:12

Walakin wami ṯen ibeccar Filippas s ȓmulk n Arebbi ḏ yisem n Ƹisa Lmasiḥ ȓexddenni umnen tetwaṭehharen s waman s iryazen ḏ ṯemɣarin.

Luqa 24:47

Aḏ beccaren marra ȓegnus ḥima aḏ tuben aḏ twaɣfarent ȓmuƹṣiyaṯ nsen s yisem n Lmasiḥ. Aḏ ibḏa manaya ḏi Lquds.

1 Buṭrus 3:21

Aman-a niṯni ḏ ijjen n lmiṯal x ṭṭahareṯ nneɣ n waman iy kenniw isenjamen ȓexxu. Maci aḏ itwakkes ȓewsex zi ddat nneɣ; Lla, ṭṭahareṯ-a nettaṯ ḏ ijjen n uȓaɣi nwem i Arebbi bac aḏawem d yuc ijjen n ḍḍamir mertaḥ. Manaya x ssabab n Ƹisa Lmasiḥ wami d ikkar zi ȓmewṯ.

Ȓexḏayem 10:48

S manaya iweṣṣa-ṯen Buṭrus aḏ twaṭehharen s waman ƹlaḥsab isem n Ƹisa Lmasiḥ. Ssenni ttaren zzayes akiḏsen iqqim can wussan.

Ȓexḏayem 3:19

S manaya tubeṯ, ḏewȓeṯ ɣar Arebbi ḥima aḏ twakksent ȓmuƹṣiyaṯ nwem. Ḥima aḏ d tas ṯsaƹƹat n lfaraj zi Siḏi Arebbi, aḏ d issekk Lmasiḥ iy tuɣa ḏawem itwaxḍaren zi qbeȓ iƹni Ƹisa.

Ayṯ-Ruma 6:3

Ma war ṯessinem ca kenniw? Neccin, wami netwaṭehhar s waman ḥima a niȓi ḏ ijjen ak Lmasiḥ, netwaṭehhar akiḏes ḥima a ncarec ḏi ȓmewṯ nnes.

Matta 4:17

Zi ssenni ibḏa Ƹisa itbeccar iqqar-asen: "Tubeṯ, aqa yuḏes-d ȓmulk n ujenna."

Matta 3:2

Iqqar-asen: "Tubem, aqa yuḏes-d ȓmulk n ujenna."

Ȓexḏayem 17:30

Manaya Arebbi war t yuwi ca ḏi zman n ȓeqfaȓeṯ, walakin ȓexxu yumar marra iwḏan ḏi mkuȓ amcan bac aḏ tuben.

Ȓexḏayem 20:21

Ƹeǧmeɣ i israʼiliyen ḏ iyunaniyen bac aḏ tuben ɣar Arebbi aḏ amnen s Siḏiṯneɣ Ƹisa.

Ȓexḏayem 26:20

Lla, tbeccareɣ ḏ amezwaru imezḏaɣ n tendint n Dimaceq, ƹaḏ ḏ imezḏaɣ n ṯendint n Lquds ḏ marra jwayeh n ṯmurṯ n Yahuḏiya, ḏ aneggaru marra yinni war iǧin ca zi Ayṯ-Israʼil. Tbeccareɣ-ṯen aḏ tuben aḏ ḏewȓen ɣar Arebbi, aḏ xeḏmen ȓexḏayem n ttuba iy iǧan n ṣṣaḥ.

Matta 28:19

Iwa ruḥeṯ ɣar yiwḏan n marra ȓegnus, arrem-ṯen ḏ imeḥḍaren inu. Ṭehharem-ṯen s waman s yisem n Baba ḏ Mmis ḏ Arruḥ iqeddsen.

Ȓexḏayem 26:18

bac aḏasen ṯrezmeḏ ṯiṭṭawin nsen, aṯen ṯesbeƹƹḏeḏ zi ṯaǧest ɣar nnur, aṯen ṯesbeƹƹḏeḏ zi ssulṭa n Cciṭan ɣar Arebbi. Ammu aḏasen twaɣfarent ȓmuƹṣiyaṯ nsen aɣarsen yiȓi umcan ak ṣṣaliḥin iƹni s lʼiman iy ḏayi iy ggin.

Titus 3:5

ȓexddenni isenjem-aneɣ maci ƹlaḥsab lḥasanaṯ nni iy negga; Lla, tuɣa ƹlaḥsab arraḥmeṯ nnes netta. Issireḏ-aneɣ s waman n uxȓaq ḏ jḏiḏ, yarra-aneɣ ḏ jḏiḏ s ufus n Arruḥ iqeddsen.

Marqus 1:15

Iqqar-asen: Aqa ȓweqṯ ṯuweḍ-d, ȓmulk n Arebbi yuḏes-d. Tubeṯ, amneṯ s Lʼinjil.

Ȓexḏayem 16:15

Wami ṯetwaṭehhar s waman nettaṯ ḏ ȓeḥbab nnes, ṯettar zzayneɣ ṯenna-aneɣ: "Araḥem-d ɣar ṯeddarṯ inu qqimem akiḏi iƹni meȓa ṯteyyqem belli nec umneɣ zi Siḏi Arebbi." Ṯḥeccem-aneɣ nettaṯ aȓ wami neqbeȓ.

Ȓexḏayem 8:20

Ikkar Buṭrus inna-as: "Lla, jmeƹ nnuqarṯ nnec qa aḏ tiȓi ḏ ṯimessi akiḏec ḏi ȓefna minzi ṯenwiḏ aḏ tesɣeḏ lhadiya n Arebbi s tmenyaṯ!

Ȓexḏayem 5:31

Irfeƹ-iṯ Arebbi aɣares iggi-ṯ x ufusi nnes bac aḏ iḥkem aḏ isenjem, aḏ yuc ttuba i Ayṯ-Israʼil aḏ iɣfar ȓmuƹṣiyaṯ nsen.

Matta 3:6

Teƹtarafen s ȓmuƹṣiyaṯ nsen, Yaḥya itṭehhar-iṯen s waman ḏeg yiɣzar n Lʼurdun.

Luqa 3:10

Nnan-as ȓɣaci: "Y neccin min ɣa negg?"

Ȓexḏayem 10:43

Marra lʼanbiya cehhḏen xas nnan qa marra yinni zzayes ɣa yamnen aḏ twaɣfarent ȓmuƹṣiyaṯ nsen s yisem nnes."

Ȓexḏayem 13:38

Iḏen ay ayṯma, rezzuɣ aḏ tessnem s wawaȓ-a belli s Ƹisa-ya iy zi ɣa twaɣfarent ȓmuƹṣiyaṯ. Marra wenni zzayes ɣa yamnen as twaɣfarent marra ȓmuƹṣiyaṯ nnes; Lɣufran-a wanita war izemmar ca aḏ yiȓi s Ccariƹa n Musa.

Ayṯ-Ufasus 1:7

Ifekk-aneɣ-d Siḏi Arebbi s lfidya nni n Mmis iƹni s iḏammen nnes bac aḏ twaɣfarent ȓmuƹṣiyaṯ nneɣ ƹlaḥsab agȓa n arḍa nnes.