Ȓexḏayem 2:23 - Ṯarifiṯ 2020

²³ Y kenniw min ḏas ṯeggim? Wami itwasellem ƹlaḥsab mammec ixes Arebbi ḏ mammec tuɣa issen netta, kenniw tṣellbem-ṯ ṯenɣim-ṯ s ifassen n lkuffar.

Ȓexḏayem 2:23 Referans Kwoze

Luqa 22:22

Mmis n bnaḏem aḏas iwqeƹ ƹlaḥsab mamc xas iqqar Lkitab, walakin ya ȓefḍiḥeṯ n bnaḏem nni iy ṯ ɣa izzenzen."

Ȓexḏayem 4:28

Ggin qaƹ min tuɣa ṯzemmmeḏ aḏ iwqeƹ s ufus ḏ ȓxaḍar nnec.

Ȓexḏayem 3:18

Ammu ikemmeȓ wawaȓ nnes iy inna Arebbi i marra lʼanbiya zi qbeȓ, iƹni itxeṣṣa Lmasiḥ nnes aḏ itwaƹeddeb.

1 Buṭrus 1:20

U netta itwaxḍar qbeȓ ma d twaxȓeq ddunect-a, walakin ismeḍhar-iṯ-iḏ Arebbi ḏi zman-a aneggaru x ssabab nwem.

Ȓexḏayem 13:27

Qa imezḏaɣ n Lquds ḏ arruyas nsen war ƹqiȓen ca Ƹisa-ya, war fhimen ca awaȓen n lʼanbiya ḏi Lkutub iy qqaren ḏi ṯemziḏawin zi ssebṯ ɣar ssebṯ. Wami ḥekmen x Ƹisa s ȓmewṯ ffɣen-d wawaȓen nni iy nnan lʼanbiya.

Matta 26:24

Mmis n bnaḏem aḏas iwqeƹ ƹlaḥsab mamc xas iqqar Lkitab, walakin ya ȓefḍiḥeṯ n bnaḏem nni iy ṯ ɣa izzenzen! Ḥsen i netta mȓi war d ixȓiq ca."

Ayṯ-Ruma 4:17

Mammec iqqar Lkitab: Ḏinni Brahim zzaṯ i Arebbi iy zi itamen, iƹni wenni d isnekkaren yinni immuṯen, iƹni wenni d ixeȓqen min ƹemmarṣ war iǧin.

Ȓexḏayem 5:30

Arebbi n ȓejḏuḏ nneɣ isekkar-d Ƹisa wenni iy ṯenɣim kenniw ṯrefƹem-ṯ x ṯeḥnact.

Lwaḥi 13:8

Marra imezḏaɣ n ṯmurṯ aḏas sejjḏen i ȓwaḥc-a, iƹni kuȓ ijjen zzaysen isem nnes war izemmem ca ḏi Lkitab n Ṯuḏarṯ zeg wami ṯeǧa ddunect-a, iƹni ḏi Lkitab n Yizmar itwanɣen.

Yahuḏa 1:4

Aqa ca iṯarrasen uḏfen-d jarawem war ḏasen d ṯarrim bu ȓexbar, qa lƹiqab nsen yura xas mecḥaȓ zeg wami. Yina ƹeṣṣan Arebbi, sƹewwajen arḍa nnes bac aɣarsen yiȓi am can n ttesriḥ n ccehweṯ. Nekkaren Ƹisa Lmasiḥ iy iǧan ḏ Mawlana nneɣ qa netta ḏ Siḏiṯneɣ waḥḏes.

1 Buṭrus 1:2

Arebbi Babaṯneɣ ixḍar-ikenniw ƹlaḥsab mammec tuɣa issen netta zi qbeȓ, issiṣfa-kenniw s yijjen n ȓxeḏmeṯ n Arruḥ iqeddsen ḥima aḏ tṭaƹem i Ƹisa Lmasiḥ aḏ twaruccem s iḏammen nnes iy yuzzȓen. Aḏaywem imarni arḍa ḏ ȓehna s waṭṭas.

Luqa 24:20

Ṭṭfen-ṯ arruyas n ȓfuqaha ḏ lḥukkam nneɣ sellmen-ṯ aṯ nɣen, ṣellben-ṯ.

Luqa 22:37

Aḏawem iniɣ: U labud aḏayi iwqeƹ min yurin ḏi Lkitab ƹlaḥsab mamc iqqar: <Ḥesben-ṯ ak lmujrimin.> Iwa min xafi yurin ṣafi aḏ iwqeƹ."

Ȓexḏayem 7:52

Ma injem can n nnabi war ṯ ƹeddben ca ȓejḏuḏ nwem? Niṯni nɣin uȓa ḏ lʼanbiya nni n zman iy innan qa aḏ d yas wenni iǧan ṣṣaliḥ, iƹni wenni ȓexxu ṯxeḏƹem kenniw ṯenɣim-ṯ.

Yuḥanna 19:24

Nnan i wayawya, War ṯ netcarrig ca, axas negg lqurƹa bac a nessen wi ṯ ɣa iysin. Ammu ikemmeȓ wawaȓ n Lkitab: U ḏ manaya iy ggin ȓƹaskar.

1 Buṭrus 2:8

U ƹaweḏ iqqar: Qa tenqȓaḍen ḏayes minzi ƹeṣṣan awaȓ nnes, amenni iy xasen yura.

Matta 20:19

aṯ sellmen i yinni war iǧin ca zi Ayṯ-Israʼil. Axas ḍeḥcen, aṯ uwṯen s usɣun, aṯ ṣellben. Nhar wis ṯeȓtiyyam aḏ d itwasnekkar zi ȓmewṯ."

Matta 27:35

Wami ṯ ṣellben, ggin lqurƹa x warruḍ nnes ferqen-ṯ jarasen.

Marqus 15:24

Ṣellben-ṯ, ferqen arruḍ nnes jarasen. Ggin lqurƹa ḥima kuȓ ijjen min ɣa iysi.

Luqa 23:33

Wami uwḍen ɣar umcan nni umi qqaren Jumjuma, ṣellben-ṯ ḏinni ak ṯnayen nni n lmujrimin, ijjen x ufusi ijjen x uẓeȓmaḍ.

Yuḥanna 19:18

Mani ṯ ṣellben, ṣellben akiḏes ṯnayen nneɣni, ssa ḏ ssa, Ƹisa ḏi ȓwesṭ.

Ȓexḏayem 2:36

Iwa kenniw itxeṣṣa aḏ tessnem marra Ayṯ-Israʼil mebȓa ccekk, qa Ƹisa-ya wanita iy ṯṣellbem iggi-ṯ Arebbi ḏ Siḏiṯneɣ ḏ Lmasiḥ."

Ȓexḏayem 5:28

"Neccin numar-ikenniw war ṯseȓmaḏem ca ƹlaḥsab isem nni n Ƹisa. Walakin kenniw ṯƹemmarem Lquds s ttaƹlim nwem. Ṯexsem aḏ teggem ȓmewṯ n uryaz-a x yiri nneɣ."

Ayṯ-Ruma 2:12

Cuf, marra yinni iƹeṣṣan niṯni war ɣarsen tiȓi bu ccariƹa, ataf aḏ fnan bȓa ccariƹa. Walakin yinni iƹeṣṣan ataf ɣarsen ccariƹa, aḏ twaḥakmen ƹlaḥsab ccariƹa nni.

1 Ayṯ-Salunik 2:15

Niṯni nɣin Siḏiṯneɣ Ƹisa ḏ lʼanbiya, uȓa ḏ neccin sufɣen-aneɣ ssenni. War xasen yarḍi ca Arebbi niṯni tƹarraḍen i marra iwḏan, ȓaḥeqqac war ḏaneɣ tejjin ca a nessiweȓ ak ȓegnus bac aḏ nejmen. Amenni ȓmuƹṣiyaṯ nsen arennint tƹemmarent, lƹiqab n Arebbi iwḍa xasen qaƹ.