Ȓexḏayem 2:11 - Ṯarifiṯ 2020

¹¹ Ḏ Ayṯ-Israʼil ḏ yinni iseȓmen ḏi ddin n Ayṯ-Israʼil, ḏ Ayṯ-Krit ḏ waƹraben. Neccin marra netsȓa-yasen ssawaȓen s lluɣaṯ nneɣ x ṯmesȓayin ṯimeqqranin n Arebbi."

Ȓexḏayem 2:11 Referans Kwoze

1 Ayṯ-Kurinṯ 12:10

Ijjen immuc-as aḏ igg lmuƹjizaṯ. Ijjen immuc-as aḏ issiweȓ s min iƹȓem zi Arebbi. Ijjen mmucent-as ṯizemmar aḏ imeyyez jar n arruḥaṯ. Ijjen immuc-as aḏ issiweȓ s ȓebƹaḍ n lluɣaṯ ruḥiyaṯ. Ijjen immuc-as aḏ istarjem lluɣaṯ nni.

Iƹibraniyen 2:4

Icehheḏ xas uȓa ḏ Arebbi s lƹalamaṯ ḏ lburhanaṯ ḏ waṭṭas n lʼanwaƹ n lmuƹjizaṯ. S lʼiden nnes ƹaweḏ ifreq lqudraṯ ruḥiyaṯ n Arruḥ iqeddsen.

Titus 1:12

Ijjen zzaysen ḥessben-ṯ ḏ nnabi netta s yixef nnes inna: "Niṯni Ayṯ-Krit ȓebda ḏ ayṯ-buyixarriqen ḏ ȓuḥuc iwƹaren ḏ imaƹgazen ḏaysen aƹeddis waha."

Titus 1:5

X manayenni jjiɣ-cek ḏi ṯeyzirṯ n Krit, aḏ tƹeḏȓeḏ min tuɣa rezzuɣ nec aḏ ƹeḏȓeɣ war uwiḍeɣ ca u ƹaweḏ bac aḏ tixḍareḏ imeqqranen n jmaƹeṯ n ȓmuminin ḏi mkuȓ abilaj am mammec iy c weṣṣiɣ.

Ȓexḏayem 27:12

Lʼianna ȓmarsa nni ḏ ṯaƹeffant bac aḏayes seƹḏun ȓmecta ḏinni. X manaya azyen ameqqran ggin aḏ uyuren ssenni ḏeg uɣarrabu, tmennan aḏ awḍen ɣar ubilaj n Finikes aḏayes seƹḏun ȓmecta. Nettaṯ ḏ ijjen n ȓmarsa ḏi ṯeyzirṯ n Krit teḍhur ɣar ljanub ḏ ccamal ḏi jjiheṯ n lɣarbi.

Ȓexḏayem 27:7

Aṭṭas n wussan neccin iggur zzayneɣ uɣarrabu walakin yuyur ɣir cwayt n ubriḏ waha, menbaƹd neƹḏu ṭṭarf i ṯendint n Kanidus. Wami arriḥ war ḏaneɣ ijji ca a nkemmeȓ x ubriḏ nni, neƹḏu swadday n ṯeyzirṯ n Krit jjiheṯ n Qabu n Salmun.

Ayṯ-Galaṭya 4:25

Iwa Hajar nettaṯ amecnaw Aḏrar n Sina iy d itasen ḏi ṯmurṯ n waƹraben. Nettaṯ ṯetwaḥsab ḏ ṯandint n Lquds ḏi ȓweqṯ-a liʼanna nettaṯ ḏ ṯarwa nnes ig iǧan ḏ isemɣan.

Ayṯ-Galaṭya 1:17

War gaƹƹḏeɣ ca ɣar ṯendint n Lquds bac aḏ ẓreɣ yinni tuɣa iǧan ḏ arrusul qbeȓ i nec. Lla, nec ruḥeɣ nican ɣar ṯmurṯ n waƹraben u ssenni ḏewȓeɣ-d ƹaweḏ ɣar ṯendint n Dimacq.

1 Ayṯ-Kurinṯ 12:28

Ḏi jmaƹeṯ-a n ȓmuminin iretteb Arebbi ḏ amezwaru arrusul, wis ṯnayen lʼanbiya, wis ṯȓaṯa imseȓmaḏen, menbaƹd yinni isxeddamen lmuƹjizaṯ ḏ yinni ɣar ǧant lqudraṯ bac aḏ sgenfan iwḏan, ḏ yinni itƹawanen, ḏ yinni itkellafen s ȓxeḏmeṯ, ḏ yinni issawaȓen s ȓebƹaḍ n lluɣaṯ ruḥiyaṯ.

Ȓexḏayem 2:10

ḏ Frijya ḏ Pamfilya, ḏ Miṣra ḏ jwayeh n Lqurina ḏi Libya, ḏ yinni itzuran zi ṯendint n Ruma.

Ȓexḏayem 2:12

Ḏehcen ccekken, bḏan ssawaȓen jarasen nnan: "Min ixes aḏ yini manaya?"

Ȓexḏayem 27:13

Wami d iṣuḍ ijjen n arriḥ ifsus zi ljanub, itɣir-asen ufin min rezzun. Sgaƹƹḏen-d aȓiyzim n uɣarrabu ruḥen ḏi ȓebḥar ṭṭarf i ȓbarr n ṯeyzirṯ nni n Krit.