Ȓexḏayem 18:24 - Ṯarifiṯ 2020

²⁴ Ijjen n uʼisraʼili qqaren-as Apulus netta ixȓeq ḏi ṯendint n Iskandariya, yusa-d ɣar ṯendint n Ufasus. Netta ifsus ḏeg wawaȓ iɣra aṭṭas ḏi Lkutub.

Ȓexḏayem 18:24 Referans Kwoze

Titus 3:13

Ƹlaḥsab ayṯmaṯneɣ Apullus ḏ Zinnas wenni iy iǧan ḏ awkiȓ, egg lmejhud nnec bac aṯen ṯƹawneḏ ḏeg ubriḏ nsen; Xzar ma ɣarsen marra min teḥḏajan.

1 Ayṯ-Kurinṯ 4:6

Ay ayṯma qqareɣ manaya x Apullus ḏ nec, meṯṯleɣ manaya ḥima azzayes ṯawim nnfaƹ. Kenniw aḏ tȓemḏem zzayneɣ min iƹna lmiṯal nni iqqaren "War tbeƹƹaḏeṯ ca zi min yurin ḏi Lkitab." Amenni war ḏinni ḥadd aḏ isecneƹ can uryaz x unneɣni.

1 Ayṯ-Kurinṯ 16:12

U ƹlaḥsab umaṯneɣ Apullus, ttareɣ zzayes aṭṭas ḥima aɣarwem d yas ak ayṯmaṯneɣ nneɣni walakin netta yugi aɣarwem d yas ȓexxu. Aɣarwem d yas axmi aɣares ṯiȓi ijjen n lfurṣa.

1 Ayṯ-Kurinṯ 1:12

Iƹni, ijjen iqqar nec ḏeffareɣ Bulus. Ijjen iqqar nec ḏeffareɣ Apullus. Ijjen iqqar nec ḏeffareɣ Buṭrus. Ijjen iqqar nec ḏeffareɣ Lmasiḥ.

Ȓexḏayem 6:9

Kkaren ȓebƹaḍ zi temziḏa umi qqaren Niṯni ḏ israʼiliyen n ṯendint n Lqurina ḏ ṯendint n Iskandariya ḏ inneɣni zi lʼiqlim n Kilikya ḏ lʼiqlim n Asya. Bḏan temnaqaren ak Stifan,

Ayṯ-Kulus 3:16

Jjem awaȓen n Lmasiḥ aḏaywem zeḏɣen s marra lbaraka nsen. S marra ȓefhameṯ itxeṣṣa ijjen aḏ isefhem unneɣni, ijjen aḏ inha unneɣni. Ɣennjem s wawaȓen n Zzabur ḏ lʼamdaḥ ḏ yizȓan ruḥiya akiḏes ṯeggem ijjen n ccuker ḏeg wuȓawen nwem i Arebbi.

2 Ayṯ-Kurinṯ 10:10

Liʼanna qqaren xafi ȓebƹaḍ zzaywem qa ṯibraṯin n Bulus jehḏent qesḥent. U qqaren ƹaweḏ walakin xmi akiḏneɣ itiȓi netta s yixef nnes iteḍƹif awaȓen nnes xwan.

Ȓexḏayem 27:6

Yufa ḏinni uƹaskari nni ameqqran ijjen n uɣarrabu yusa-d zi ṯendint n Iskandariya itraḥ ḏi ȓweqṯ nni ɣar ṯmurṯ n Iṭalya, isney-aneɣ ḏayes.

Ȓexḏayem 7:22

Uca sȓemḏen-as i Musa marra min ssnen imiṣriyen, iḏweȓ ɣares jjheḏ ḏi min iqqar ḏ min itegg.

Luqa 24:19

Inna-asen Ƹisa: "Min iweqƹen ḏinni?" Nnan-as: "Qa Ƹisa naṣiri tuɣa iǧa ḏ ijjen n nnabi ɣares jjheḏ ḏi min itegg ḏ min iqqar zzaṯ i Arebbi ḏ marra iwḏan.

Matta 13:52

Inna-asen: "Kuȓ amseȓmaḏ n Ccariƹa n Musa ig ifehmen ȓmulk ujenna netta am yijjen n bab n ṯeddarṯ ig isufuɣen ṯimesȓayin ṯiqḏimin niɣ ḏ jḏiḏ zi mani ixzen ȓkenz nnes."

Ȓexḏayem 18:28

Liʼanna netta itemnaqac s jjheḏ ak israʼiliyen zzaṯ i yiwḏan, niṯni war zemmaren ca aṯ jawben nican minzi isbeyyen-asen-d awaȓen zi Lkutub belli netta Ƹisa ḏ Lmasiḥ.

Ȓexḏayem 18:19

Uwḍen ɣar ṯendint n Ufasus, ijja Bulus ḏinni Priskila ḏ Wakilas, ssenni yuḏef ɣar ṯemziḏa bac aḏ imnaqac ak israʼiliyen.

Ȓexḏayem 18:21

Wami xasen imsafaḍ inna-asen qa meȓa ixes Arebbi, ƹaḏ aḏ d ƹeqbeɣ. Ssenni inya ḏeg uɣarrabu iffeɣ zi ṯendint nni n Ufasus.

Ȓexḏayem 19:1

Apulus wami iǧa ḏi ṯendint n Kurinṯ ḏi lʼiqlim n Uxaya, ikkar arrasul Bulus ikka x ubriḏ n iḏurar yuweḍ ɣar ṯendint n Ufasus. Yufa ḏinni can imeḥḍaren