Ȓexḏayem 18:21 - Ṯarifiṯ 2020

²¹ Wami xasen imsafaḍ inna-asen qa meȓa ixes Arebbi, ƹaḏ aḏ d ƹeqbeɣ. Ssenni inya ḏeg uɣarrabu iffeɣ zi ṯendint nni n Ufasus.

Ȓexḏayem 18:21 Referans Kwoze

1 Ayṯ-Kurinṯ 4:19

Lla, qa ƹȓayen aɣarwem d aseɣ meȓa ixes Arebbi. Yinni iy ḏi iǧan ttakebbur aṯen ssneɣ nec. Maci aṯen ssneɣ min qqaren; Lla, aṯen ssneɣ ma ḏaysen can jjheḏ ma lla.

Yaƹqub 4:15

Itxeṣṣa-yawem aḏ tinim ammu:

Iƹibraniyen 6:3

Iwa, a nuyureṯ ɣar zzaṯ iƹni meȓa ixes Arebbi.

Ayṯ-Ruma 15:32

Ȓexddenni, meȓa ixes Arebbi aɣarwem d aseɣ s ȓefraḥeṯ a nreyyeḥ ag wayawya.

Ȓexḏayem 20:16

Zi ṯendint nni n Militus issekk Bulus ɣar ṯendint n Ufasus iȓaɣa-d x imeqqranen n jmaƹeṯ n ȓmuminin bac aɣares d asen. Tuɣa igga Bulus aḏ ikk x ȓebḥar x uɣezḏis n ṯendint n Ufasus ig iǧan ḏi lʼiqlim n Asya bac war itƹeṭṭaȓ ca ḏinni. Itqeǧiq bac aḏ yaweḍ ḏeɣya ɣar ṯendint n Lquds imken qbeȓ i Ȓƹiḏ n nhar wis xemsin.

1 Buṭrus 3:17

Cuf, meȓa ixes Arebbi ataf ḥsen aḏ twaƹeddbem ƹlaḥsab ȓxir iy teggem maci ƹlaḥsab ccarr.

2 Ayṯ-Kurinṯ 13:11

Ṣafi ay ayṯma, farrḥeṯ. Ṣeȓḥeṯ ibriḏen nwem nican. Tṣennaṭeṯ ɣari min ḏawem qqareɣ. Iȓiṯ ḏ ijjen ḏi array nwem. Tƹiceṯ ḏi ȓehna. Arebbi nneɣ n ȓemḥibbeṯ ḏ ȓehna aḏ yiȓi akiḏwem.

1 Ayṯ-Kurinṯ 16:7

Ȓexxu war xseɣ ca akenniw ẓreɣ minzi axawem d kkeɣ waha; Lla, tmenniɣ ƹaḏ akiḏwem qqimeɣ ijjen n lmudda iƹni meȓa ixes Arebbi.

Ȓexḏayem 21:14

Wami nufa neccin war ṯ nseqniƹ ca, nesqar nenna: Min ixes Siḏi Arebbi aṯ igg ḏ wenni netta!

Ȓexḏayem 19:21

Menbaƹd i manaya, iƹewweȓ Bulus aḏ isafer ɣar Lquds, aḏ ikk x lʼiqlim n Masidunya ḏ lʼiqlim n Uxaya. Inna: Xmi ɣa awḍeɣ ḏinni, itxeṣṣa-ayi ƹaweḏ aḏ raḥeɣ ɣar ṯendint n Ruma!

Ȓexḏayem 15:29

Iƹni aḏ tbeƹƹḏem x lmakla itwaqeddmen i lʼaṣnam, ḏ iḏammen, ḏ min itwajeyyfen, ḏ lfasad. Meȓa ṯbeƹƹḏem x ṯmesȓayin-a wa ataf ṯeggim mliḥ. Akenniw iƹawen Arebbi."

Luqa 9:61

Yusa-d ijjen nneɣni inna-as i Ƹisa: "Acek ḏfareɣ a Siḏi, walakin ḏ amezwaru ejj-ayi aḏ msafaḍeɣ x familya inu."

Matta 26:39

Ibeƹƹeḏ xasen cwayt, isejjeḏ ɣar ṯmurṯ ibḏa itettar i Arebbi inna: "A Baba, meȓa mumkin sbeƹƹeḏ-iṯ xafi ȓkas-a n ȓaƹḏab. Maci mamc xseɣ nec; Lla, mamc ixes ȓxaḍar nnec cek."

Marqus 6:46

Wami xasen imsafaḍ, netta iruḥ ɣar uḏrar aḏ iẓẓaǧ.

Ȓexḏayem 18:19

Uwḍen ɣar ṯendint n Ufasus, ijja Bulus ḏinni Priskila ḏ Wakilas, ssenni yuḏef ɣar ṯemziḏa bac aḏ imnaqac ak israʼiliyen.

Ȓexḏayem 18:20

Ttaren zzayes israʼiliyen-a aḏ iqqim ƹaḏ ktar walakin netta yugi.

Ȓexḏayem 18:24

Ijjen n uʼisraʼili qqaren-as Apulus netta ixȓeq ḏi ṯendint n Iskandariya, yusa-d ɣar ṯendint n Ufasus. Netta ifsus ḏeg wawaȓ iɣra aṭṭas ḏi Lkutub.

Ȓexḏayem 19:1

Apulus wami iǧa ḏi ṯendint n Kurinṯ ḏi lʼiqlim n Uxaya, ikkar arrasul Bulus ikka x ubriḏ n iḏurar yuweḍ ɣar ṯendint n Ufasus. Yufa ḏinni can imeḥḍaren

Ȓexḏayem 19:17

Arrin-asen-d ȓexbar marra imezḏaɣ n Ufasus, iƹni Ayṯ-Israʼil ḏ iyunaniyen s ṯnayen iḏsen. Ṯeȓqef-iṯen ṯiggwḏi uca itwasemɣar isem n Siḏiṯneɣ Ƹisa aṭṭas.

Ȓexḏayem 21:29

Nnan manayenni minzi tuɣa ẓrin akiḏes ḏi ṯendint ijjen n bnaḏem qqaren-as Trifumu zi Ayṯ-Ufasus, itɣiȓ-asen Bulus isiḏef-iṯ ɣar ṯemziḏa ṯameqqrant.

1 Ayṯ-Kurinṯ 15:32

Nec meȓa ƹlaḥsab ṯimesȓayin n ddunect-a waha, mayemmi menɣeɣ ak ȓuḥuc ḏi ṯendint n Ufasus? Min ɣa rebḥeɣ? Imettinen, meȓa war d tnekkaren ca zi ȓmewṯ, i mayemmi? "Yallah a necceṯ a nesweṯ, qa ṯiwecca a nemmeṯ."

1 Ayṯ-Kurinṯ 16:8

Nec aḏ qqimeɣ ḏi ṯendint n Ufasus aȓ ɣa d yaweḍ Ȓƹiḏ n nhar wis xemsin.

Ayṯ-Ufasus 1:1

Nec ḏ Bulus, nec ḏ ijjen n arrasul n Ƹisa Lmasiḥ s ȓxaḍar n Arebbi. Uriɣ ṯabrat-a i ṣṣaliḥin iy iǧan ḏi jwayeh n Ufasus iy yumnen s Ƹisa.

Lwaḥi 1:11

Ṯeqqar-ayi: "Min twaȓiḏ cek ari-ṯ ḏeg yijjen n lkitab, sekk-iṯ ɣar sebƹa n ṯjumaƹ n ȓmuminin ḏi ṯendint n Ufasus, ḏ Smirna, ḏ Barɣamus, ḏ Ṯiyatra, ḏ Sardis, ḏ Filadalfya, ḏ Lawdukya."

Lwaḥi 2:1

"Ari-yas i lmalaʼika n jmaƹṯ n ȓmuminin iy iǧan ḏi ṯendint n Ufasus, ini-yas qa wenni iy iṭṭfen sebƹa n yiṯran ḏeg ufus nnes afusi, iggur ḏi ȓwesṭ n sebƹa n ȓeqnaḏeȓ n ddheb, iqqar-ac: