Ȓexḏayem 17:28 - Ṯarifiṯ 2020

²⁸ Zzayes netta iy neddar, zzayes netta iy ntenhezza, zzayes netta iy neǧa. Mammec nnan uȓa ḏ ȓebƹaḍ n ccuƹaraʼ nwem qa neccin ḏ ṯarwa nnes.

Ȓexḏayem 17:28 Referans Kwoze

Ayṯ-Kulus 1:17

Ḏ netta ig iǧan qbeȓ x ṯmesȓayin qaƹ u x dsas nnes iy tmunent qaƹ ṯimesȓayin.

Iƹibraniyen 1:3

Netta ḏ nnur n lƹaḍama n Arebbi ḏ ṣṣifeṯ n ṭṭabiƹa nnes bȓa axeṭṭi. S jjheḏ n wawaȓ nnes iy zi irebbu marra ṯimesȓayin. Wami iḥell ȓmuƹṣiyaṯ n bnaḏem issiṣfa-ṯent, ssenni iqqim x ufusi n Arebbi Subḥana wa Tƹala.

Luqa 20:38

Netta ḏ Arebbi n yinni iddaren maci n yinni immuṯen, ȓaḥeqqac netta marra iwḏan aɣares iȓin ddaren."

Yuḥanna 5:26

Am Babas ɣares ṯuḏarṯ ḏeg yixef nnes, ammu iy ḏas yuca i Mmis aɣares ṯiȓi ṯuḏarṯ ḏeg yixef nnes.

Yuḥanna 11:25

Inna-as Ƹisa: "Nec ḏ lqiyama nec ḏ ṯuḏarṯ, wenni itamnen zzayi ataf aḏ iddar waxxa immuṯ.

Iƹibraniyen 12:9

U ƹaweḏ neccin marra tuɣa ɣarneɣ lwalidin ḏi ddunect-a iy ḏaneɣ itrebban netseḏḥa zzaysen. Iwa neccin meȓa a neddar, ataf a nseḏḥa zi Babaṯneɣ n ujenna ktar niɣ lla?

Luqa 3:38

n Anuc, n Cuṯ, n Adam mmis n Arebbi.

Titus 1:12

Ijjen zzaysen ḥessben-ṯ ḏ nnabi netta s yixef nnes inna: "Niṯni Ayṯ-Krit ȓebda ḏ ayṯ-buyixarriqen ḏ ȓuḥuc iwƹaren ḏ imaƹgazen ḏaysen aƹeddis waha."

Iƹibraniyen 2:11

Aqa wenni issiṣfan iwḏan zi ȓmuƹṣiyaṯ nsen u ḏ yiwḏan nni itwassiṣfan, Babaṯsen ḏ ijjen. X manaya war xasen itƹeffar ca aḏasen yini ay ayṯma.