Ȓexḏayem 16:15 - Ṯarifiṯ 2020

¹⁵ Wami ṯetwaṭehhar s waman nettaṯ ḏ ȓeḥbab nnes, ṯettar zzayneɣ ṯenna-aneɣ: "Araḥem-d ɣar ṯeddarṯ inu qqimem akiḏi iƹni meȓa ṯteyyqem belli nec umneɣ zi Siḏi Arebbi." Ṯḥeccem-aneɣ nettaṯ aȓ wami neqbeȓ.

Ȓexḏayem 16:15 Referans Kwoze

Ȓexḏayem 11:14

Aḏac yini awaȓen iy zi ɣa ṯnejmeḏ cek ḏ marra ayṯbab n ṯeddarṯ nnec.

Iƹibraniyen 13:2

War tettuṯ ca aḏ treḥḥbem zi midden minzi ȓebƹaḍ iy ggin manayenni treḥḥaben zi lmalaʼikaṯ bȓa ma ṯent ssnen.

Ȓexḏayem 16:33

Ḏi ṯsaƹƹat nni s ǧiȓeṯ, yuwi-ṯen lḥaris n ȓeḥbes imseḥ-asen ijarriḥen. Ȓexddenni itwaṭehhar s waman netta ḏ marra ȓeḥbab nnes.

Luqa 24:29

Walakin bḏan niṯni teḥcamen-ṯ nnan-as: "Qqim akiḏneɣ minzi ƹȓayen ḏ ṯameddiṯ qa iruḥ ȓḥaȓ." Ssenni yuḏef ɣarsen ḥima akiḏsen isens.

3 Yuḥanna 1:8

S manaya itxeṣṣa u labud a nƹawen awmaṯen-a am yina bac a nexḏem ak wayawya ƹlaḥsab lḥaqiqa.

3 Yuḥanna 1:5

Ay uma inu iƹizzen, cek ḏayec ttiqeṯ wami teggeḏ lmejhud nnec ƹlaḥsab awmaṯen-a waxxa niṯni tasen-d ɣarek ḏ ibarraniyen.

1 Buṭrus 5:12

Uriɣ-awem-d ṯabrat-a ṯamezyant x ufus n Silwan ḥessbeɣ-ṯ nec am umaṯneɣ ḏayes ttiqeṯ. Tcejjaƹeɣ-kenniw, cehhḏeɣ min qqareɣ manaya ḏ arḍa n Arebbi ḏ ṣṣaḥ. Beddem ḏayes nican.

Filimun 1:17

Falihaḏa, meȓa ṯḥesbeḏ-ayi ḏ amƹacar nnec, qbeȓ-iṯ axmi ḏayi ṯqebȓeḏ nec.

Ayṯ-Filippas 1:7

Ɣari ȓḥaqq aḏaywem fekkareɣ amenni ȓaḥeqqac aqa kenniw ɣari ḏeg wuȓ inu. Aqa marra ṯcarrcem akiḏi ḏi arḍa n ȓxeḏmeṯ-a waxxa aqayi ḏi ȓeḥbes niɣ tḏafaƹeɣ x Lʼinjil ḏ ȓḥaqq iy ḏayes.

Ayṯ-Ufasus 1:1

Nec ḏ Bulus, nec ḏ ijjen n arrasul n Ƹisa Lmasiḥ s ȓxaḍar n Arebbi. Uriɣ ṯabrat-a i ṣṣaliḥin iy iǧan ḏi jwayeh n Ufasus iy yumnen s Ƹisa.

Ayṯ-Galaṭya 6:10

Iḏen meȓmi ma nufa lfurṣa, labud a negg ȓxir ḏi marra iwḏan xaṣṣatan ak ayṯmaṯneɣ ḏi lʼiman.

2 Ayṯ-Kurinṯ 12:11

Ƹaḏ ssawaȓeɣ s ṯubbuhȓiya-ya zaƹma, ḏ kenniw iy xafi ibezzen ammu. Cuf, tuɣa itxeṣṣa-kenniw aḏayi ṯcekarem, mayemmi? Liʼanna nec waxxa ḏ walu iy ǧiɣ, war ǧiɣ bu ḏ aneqṣi zi arrusul nni imezwura.

2 Ayṯ-Kurinṯ 5:14

Liʼanna ȓemḥibbeṯ n Lmasiḥ tsayṭar xaneɣ wami nessen ijjen immuṯ ƹlaḥsab marra iwḏan. Falihaḏa ȓmewṯ nnes ḏ ȓmewṯ n marra iwḏan.

Ayṯ-Ruma 16:23

Issiweḍ-awem-d sȓam Ɣayus, ḏ netta iy zzayi ireḥḥben ɣar ṯeddarṯ nnes irzem-it i marra jmaƹṯ n ȓmuminin. Issiweḍ-awem-d sȓam Arisṭus lʼamin n ṣṣenduq n ṯendint, ḏ umaṯneɣ Qartus.

2 Yuḥanna 1:10

Wenni iy ɣarwem d itasen war d itiwi akiḏes ttaƹlim-a, itxeṣṣa-kenniw war ṯ ṯsiḏifem ca ɣar ṯuḏrin nwem war ḏas ṯeqqarem ca ḥetta uȓa ḏ azul.

Ȓexḏayem 18:8

Ȓefqih n ṯemziḏa nni qqaren-as Krispus, yumen s Siḏiṯneɣ netta ḏ marra ȓeḥbab nnes. Xarebbi n yiwḏan zi ṯendint n Kurinṯ wami sȓin i wawaȓ n Bulus, umnen twaṭehharen s waman.

Ȓexḏayem 8:38

Yumar uḥabaci aḏ sbedden akarru nni. Hwan s ṯnayen iḏsen ɣar waman, Filippas iṭehhar-as i uḥabaci nni s waman.

Ȓexḏayem 8:12

Walakin wami ṯen ibeccar Filippas s ȓmulk n Arebbi ḏ yisem n Ƹisa Lmasiḥ ȓexddenni umnen tetwaṭehharen s waman s iryazen ḏ ṯemɣarin.

Luqa 14:23

Inna-as siḏes: Ffeɣ ɣar ibriḏen ḏ imesruqen, siḏef-d iwḏan s bezzez bac aḏ aḏfen bac aḏ tƹemmar ṯeddarṯ inu.

Matta 10:41

Wenni iqebbȓen can n nnabi ȓaḥeqqac issekk-iṯ-iḏ Arebbi, ataf aɣares yiȓi lʼajar amecnaw can n nnabi. Wenni iqebbȓen can n ȓmumen ȓaḥeqqac ḏ ȓmumen, ataf aɣares yiȓi lʼajar amecnaw can n ȓmumen.

Matta 3:6

Teƹtarafen s ȓmuƹṣiyaṯ nsen, Yaḥya itṭehhar-iṯen s waman ḏeg yiɣzar n Lʼurdun.

Ȓexḏayem 16:31

Nnan-as: "Amen zi Siḏiṯneɣ Ƹisa aḏ tnejmeḏ cek ḏ ȓeḥbab nnec."

Ȓexḏayem 16:34

Yuwi-ṯen ɣar ṯeddarṯ nnes yuca-asen aḏ ccen. Ifareḥ netta ḏ marra ȓeḥbab nnes minzi umnen zi Arebbi.