Ȓexḏayem 14:23 - Ṯarifiṯ 2020

²³ Bulus ḏ Barnaba ixḍaren imeqqranen ḏi mkuȓ jmaƹeṯ n ȓmuminin ȓexddenni ẓẓuǧen, ẓummen, jjin-ṯen ḏeg ufus n Siḏi Arebbi iy zi umnen.

Ȓexḏayem 14:23 Referans Kwoze

Titus 1:5

X manayenni jjiɣ-cek ḏi ṯeyzirṯ n Krit, aḏ tƹeḏȓeḏ min tuɣa rezzuɣ nec aḏ ƹeḏȓeɣ war uwiḍeɣ ca u ƹaweḏ bac aḏ tixḍareḏ imeqqranen n jmaƹeṯ n ȓmuminin ḏi mkuȓ abilaj am mammec iy c weṣṣiɣ.

Ȓexḏayem 11:30

Amenni iy ggin jarasen, ucin lmuƹawana nni i Barnaba ḏ Cawul at ssiwḍen i imeqqranen n jmaƹeṯ n ȓmuminin iy iǧan ḏinni.

Yaƹqub 5:14

Meȓa ḏin can yijjen jarawem itnezbar, itxeṣṣa-yas aḏ d iȓaɣa x imeqqranen n jmaƹṯ n ȓmuminin axas ẓẓaǧen aṯ dehnen s zzect s yisem n Siḏiṯneɣ.

2 Timutawus 2:2

Ṯimesȓayin nni iy ṯesȓiḏ zzayi zzaṯ i waṭṭas n ȓechuḏ, ejj-iṯent am yijjen n lʼamana ak iryazen ataf ḏaysen ttiqeṯ, ƹaweḏ iryazen nni zemmaren aḏ sȓemḏen iwḏan nneɣni.

Ȓexḏayem 20:32

Ay ayṯma, ȓexxu axawem weddiɣ, iȓiṯ ag Arebbi ḏ wawaȓen n arḍa nnes. Awaȓen-a ḏaysen ṯizemmar aḏawem ucen jjheḏ aḏawem ucen ȓwarṯ ak marra ȓmuminin ṣṣaliḥin.

1 Timutawus 5:22

Ifassen nnec war tqeǧiq ca aṯen tserseḏ x can ḥadd, war carrec ca ḏi ȓmuƹṣiyaṯ n midden. Qqim cek ṯeṣfiḏ.

3 Yuḥanna 1:1

Nec ḏ amɣar, tariɣ ṯabrat-a i Ɣayus wenni iy xafi iƹizzen ḏi lḥaqiqa.

2 Yuḥanna 1:1

Nec ḏ amɣar, tariɣ ṯabrat-a i ṯemɣarṯ itwaxḍaren ḏ ṯarwa nnes iy texseɣ ḏi lḥaqiqa. Maci ḏ nec waha iy ṯen itexsen; Lla, texsen-ṯen qaƹ yinni issnen lḥaqiqa.

1 Buṭrus 5:1

Fa nec tȓaɣiɣ-d x imeqqranen iǧan jar n ṯjumaƹ, nec iy iǧan ḏ ijjen n umeqqran am kenniw ḏ yijjen n ccaheḏ x min xef itwaƹeddeb Lmasiḥ, nec ḏ ijjen ƹaweḏ iy ɣa icarcen ḏi lƹaḍama iy d ɣa imeḍharen.

1 Timutawus 5:1

War nehha ca ijjen n uwessar s ȓeqsaḥeṯ; Lla, siweȓ akiḏes am babac. Iḥenjiren egg-iṯen am ayṯmac.

Ȓexḏayem 15:6

Munen arrusul ḏ imeqqranen n jmaƹeṯ n ȓmuminin ḥima aḏ xzaren ḏi lxilaf-a.

Ȓexḏayem 15:4

Wami uwḍen ɣar Lquds, reḥḥben zzaysen jmaƹeṯ n ȓmuminin ḏ imeqqranen n jmaƹeṯ-a ḏ arrusul. Ḏinni Bulus ḏ Barnaba ƹawḏen-asen i niṯni marra min igga Arebbi x ufus nsen.

1 Buṭrus 5:10

Ataf aḏ twaƹeddbem cwayt n ȓweqṯ ȓexddenni akenniw isreyyeḥ Arebbi nneɣ iy ḏi iǧa marra arḍa ḏ netta iy ḏawem d iȓaɣan ɣar lƹaḍama nnes war ifennin ca ḏi Lmasiḥ. Akenniw isbedd, akenniw isejheḏ, akenniw igg x dsas.

2 Timutawus 1:12

X ssabab-a nec qa tƹeddabeɣ x marra ṯimesȓayin-a ṯina walakin war tseḏḥiɣ ca, nec ssneɣ wenni iy zi umneɣ. Teyyqeɣ netta izemmar aḏ iḥḍa lʼamana nni iy kiḏes jjiɣ ḥetta aȓ Nhar nni aneggaru.

Ȓexḏayem 15:23

Ssekken akiḏsen ṯabrat-a nnan-asen: "Ay ayṯmaṯneɣ war iǧin ca zi Ayṯ-Israʼil ig izeddɣen ḏi Wanṭakya ḏ Surya ḏ lʼiqlim n Kilikya, netseǧam xawem neccin iy iǧan ḏ arrusul ḏ imeqqranen n jmaƹeṯ n ȓmuminin.

Ȓexḏayem 14:26

Wami kemmȓen ȓxeḏmeṯ nni ḏinni, ƹeqben ssenni ḏeg uɣarrabu ɣar ṯendint n Wanṭakya manis d usin qbeȓ, zi manis twakellfen s ȓxeḏmeṯ nni s arḍa n Arebbi.

Ȓexḏayem 1:22

Iƹni zeg wami iy ṯ iṭehhar Yaḥya s waman aȓ wami iy itwarfeƹ xaneɣ ɣar ujenna. Aryaz-a itxeṣṣa akiḏneɣ icheḏ qa Ƹisa ikkar-d zi ȓmewṯ."

Luqa 23:46

Iȓaɣa Ƹisa s yijjen n ṯmijja ṯejheḏ inna: "A Baba, nec buḥbeȓ inu sellmeɣ-ac-ṯ ḏeg ifassen nnec." Wami inna manaya yarra nnefs ṣafi immuṯ.

Marqus 3:14

Ixḍar zzaysen ṯenƹac, iggi-ṯen ḏ arrusul ḥima akiḏes iȓin aṯen issekk aḏ ḥeddṯen,

Luqa 2:37

Ȓexddenni immuṯ netta, ṯeqqim nettaṯ ḏ ṯajjaȓṯ ḥetta wami ṯemmuṯ x arbeƹa u ṯmanin iseggwusa. Tɣima ȓebda ḏi ṯemziḏa ṯameqqrant, ṯƹebbeḏ Arebbi tẓumma tẓaǧa ǧiȓeṯ ḏ wass.

Ȓexḏayem 1:24

Ttaren-as i Arebbi nnan-as: "A Siḏi Arebbi qa cek ṯessneḏ min iǧan ḏeg wuȓawen n yiwḏan marra. Seḍhar-aneɣ-d wenni iy ṯixḍareḏ zi ṯnayen-a.

2 Ayṯ-Kurinṯ 8:19

Maci manayenni waha, qa xḍarent-ṯ-iḏ ṯjumaƹ n ȓmuminin bac akiḏneɣ isafar xmi ɣa neksi ȓxir n ṣṣaḏaqa-ya. Nkellef x ṣṣaḏaqa-ya i lƹaḍama n Siḏiṯneɣ s yixef nnes u bac aḏ d imeḍhar mammec ntegg ṯizemmar a nƹawen.

Matta 17:21

{Nnuƹa-ya n jjenn aṯ tsufɣem ɣir s ṯẓaǧiṯ ḏ uẓummi.}"