Ȓexḏayem 13:10 - Ṯarifiṯ 2020

¹⁰ Inna-as: "Cek ḏ mmis n Ibȓis. Cek ḏ ȓaƹḏu n qaƹ min iǧan nican, ṯeccureḏ s lḥila ḏ ṯeḥraymect! Ma ƹaḏ ṯrezzuḏ aḏ tƹewwjeḏ ibriḏen iy iǧan nican n Siḏi Arebbi?

Ȓexḏayem 13:10 Referans Kwoze

Yuḥanna 8:44

Babaṯwem ḏ Ibȓis, ṯrezzum aḏ teḏfarem min ixes netta. Zeg umezwaru netta ineqq iwḏan. War ɣares ca lƹalaqa ak lḥaqiqa minzi netta war ḏayes bu lḥaqiqa. Meȓmi ma isxerraq, ataf issawaȓ zi min ḏayes minzi netta ḏ bu-ixerriqen, ḏ babaṯsen n ixerriqen.

Ayṯ-Galaṭya 1:7

Walakin war ḏinni bu can n Lʼinjil nneɣni. Ɣir ḏinni can yiwḏan iy kenniw isxerwaḍen rezzun aḏ sƹewwjen Lʼinjil n Lmasiḥ.

2 Ayṯ-Kurinṯ 11:3

Walakin nec ggwḏeɣ mammec ḏas iwqeƹ i Ḥawwa icmeṯ-it ufiɣar s ṯeḥraymiṯ nnes uȓa ḏ kenniw ȓaƹquȓaṯ nwem aḏ ffɣen abriḏ, war ḏas tṭiƹim ca i Lmasiḥ s wuȓawen nwem bȓa nnifaq u bȓa ȓƹib.

Matta 13:38

Amarjeƹ netta ḏ ddunect. Zzarriƹeṯ ṯaṣebḥant nettaṯ ḏ ṯarwa n ȓmulk ujenna. Isennanen niṯni ḏ ṯarwa n Uƹeffan nni n Ibȓis.

1 Yuḥanna 3:8

Wenni ig iqqimen isxeddam ȓmuƹṣiyaṯ netta zeg Ibȓis ȓaḥeqqac Ibȓis iqqim iƹeṣṣa zeg umezwaru. Mayemmi d imeḍhar Mmis n Arebbi? Imeḍhar-d bac aḏ irez ȓefƹayeȓ n Ibȓis.

Luqa 11:52

Ya ȓefḍiḥeṯ nwem a yinni itcerraḥen ccariƹa! Ṯeṭṭfem ȓmeftaḥ n ȓefhameṯ, kenniw war tiḏfem ca ḏayes war tejjim wi ɣa yaḏfen."

2 Buṭrus 2:15

Ffɣen abriḏ nican weddaren, ṭṭfen abriḏ n nnabi Balƹam mmis n Biƹur netta tuɣa iteƹjib-as txaȓus n ccarr.

Ȓexḏayem 20:30

Ƹaweḏ zzaywem aḏ d meḍharen can iṯarrasen aḏ sƹewwjen lḥaqiqa ḥima aḏ jarren ɣarsen imeḥḍaren.

Matta 23:13

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Teqqnem ṯawwarṯ n ȓmulk ujenna x yiwḏan. Kenniw war tiḏfem, war tejjim wi ɣa yaḏfen.

Matta 15:19

Ȓaḥeqqac zeg wuȓ iy zi d tekkant lʼafkar ṯiƹeffanin ḏ ṯmenɣiwṯ ḏ zzna ḏ lfasad ḏ ṯukkarḏa ḏ ẓẓur ḏ ȓbaṭeȓ.

Matta 3:7

Walakin wami iẓra Yaḥya belli aṭṭas n ȓfuqaha ḏ ifarrisiyen ḏ iṣadduqiyen tasen-d ɣares ḥima aṯen iṭehhar s waman inna-asen: "Ya ṯarwa n ifiɣeran, wi ḏawem iƹeȓmen aḏ tarewȓem zi lɣaḍab n Siḏi Arebbi iy d ɣa yasen?

Yuḥanna 1:23

Yarra xasen s wawaȓ n nnabi umi qqaren Icaƹya inna qbeȓ: "Nec ḏ ṯmijja itȓaɣan ḏi ȓexȓa ṯeqqar: Swejḏeṯ abriḏ nican i Siḏi Arebbi."

Luqa 11:39

Inna-as Siḏiṯneɣ: "Kenniw ifarrisiyen ṯsiriḏem ȓkas nwem ḏ ṭṭebsi nwem ɣar barra mliḥ, walakin ɣar ḏaxeȓ nwem ṯeccurem s ṭṭmaƹ ḏ ccarr.

Ayṯ-Ufasus 4:14

Amenni war netɣimi ca ḏ iḥenjiren tawint-aneɣ ȓemwaj tarrant-aneɣ. Niɣ ḏ arriḥ itṣuḍ xaneɣ ikessi-yaneɣ ssa ḏ ssa s kuȓ arriḥ zaƹma n useȓmeḏ u s ṯeḥraymiṯ ḏ ixarwiḍen n iryazen ḏ min tciṭṭinen.