Ȓexḏayem 12:7 - Ṯarifiṯ 2020

⁷ Ȓexddenni ṯmeḍhar-d ḏinni ijjen n lmalaʼika n Siḏi Arebbi, itceƹciƹ-d ijjen n nnur ḏi ȓeḥbes. Lmalaʼika nni ṯuwṯa Buṭrus ɣar uɣezḏis nnes ṯesfaq-iṯ-iḏ ṯenna-as: "Kkar ḏeɣya!" Uca snaseȓ nni fesyent zeg ifassen nnes.

Ȓexḏayem 12:7 Referans Kwoze

Ȓexḏayem 5:19

Walakin s ǧiȓeṯ ijjen n lmalaʼika n Siḏi Arebbi ṯerzem-asen ṯiwwura n ȓeḥbes, ṯsufeɣ-iṯen ṯenna-asen:

Ȓexḏayem 16:26

Ƹlaɣafla iwqeƹ ijjen n zzinzal ḏ ameqqran aȓ wami nhezzen uȓa ḏ dsasaṯ n ȓeḥbes. Nurzment ṯewwura nnes marra, ƹaweḏ nufsȓent-asen snaseȓ i imeḥbas marra.

Ȓexḏayem 10:30

Indeq-d Kurninyus inna-as: "Qa nec arbeƹiyyam zeg wami ɣar ṯȓaṯa uƹecci am ȓweqṯ-a, tuɣa tẓaǧiɣ ḏi ṯeddarṯ inu. Ƹlaɣafla ibedd-d zzaṯi ijjen n uṯarras ɣares arruḍ itceƹciƹ.

Ayṯ-Ufasus 5:14

minzi ḏ nnur iy d ismeḍharen marra. X manaya iqqar Lkitab:

Ȓexḏayem 2:24

Walakin Arebbi netta isekkar-iṯ-iḏ iḍȓeq-as zi ȓeḥriq nni n ȓmewṯ xmi tarew, aqa ȓmewṯ war ḏas ṯzemmar.

Luqa 24:4

Niṯenti wami qqiment ḏehhcent ḏi manayenni, bedden-d ɣarsent ṯnayen n iṯarrasen ggin arruḍ itceƹciƹ.

Luqa 2:9

Ṯusa-d ijjen n lmalaʼika n Siḏ Arebbi ṯbedd-d ɣarsen, itceƹciƹ nnur n lƹaḍama n Siḏ Arebbi inneḍ-d xasen ggwḏen aṭṭas.

Ȓexḏayem 12:23

Ȓexddenni ijjen n lmalaʼika n Siḏi Arebbi ṯsehȓec Hirudus wami war iḥmiḏ ca Arebbi. Ɣeẓẓen-ṯ imiɣziwen immuṯ netta.

Ȓexḏayem 9:3

Wami iggur ɣar Dimaceq iqqim-as cwayt aḏ yaweḍ, ƹlaɣafla inneḍ-as-d ijjen n nnur itceƹciƹ-d xas zeg ujenna.

Lwaḥi 18:1

Menbaƹd i manaya ẓriɣ ijjen n lmalak nneɣni ihwa-d zeg ujenna ɣares ssulṭa ḏ ṯameqqrant. Ṯceƹceƹ ṯmurṯ s nnur n lƹaḍama n lmalak nni.

Iƹibraniyen 1:14

Lmalaʼikaṯ, niṯenti min ƹnant? Niṯenti ḏ arruḥaṯ twassekkent-id aḏ sexxarent i yinni iy ɣa iwarṯen asenjem.

Ȓexḏayem 12:6

Ǧiȓeṯ nni iy ḏi d ɣa iṣebbeḥ Hirudus aḏ iḥkem x Buṭrus zzaṯ i ccaƹb, tuɣa Buṭrus iṭṭeṣ jar ṯnayen n ȓƹaskar icedd s ṯnayen n snaseȓ. Ȓƹaskar nneɣni ɣar ṯewwarṯ tƹessasen x ȓeḥbes.

Matta 2:13

Wami uyuren yiwḏan nni iqqaren lƹilem n yiṯran, ṯbedd-d ijjen n lmalaʼika n Siḏi Arebbi ḏi ṯirjiṯ ɣar Yusef ṯenna-as: "Kkar ysi aḥenjir ḏ yemmas arweȓ ɣar Miṣra, zeḏɣem ḏinni aȓ ḏac ɣa iniɣ ḏweȓ-d. Aqa azeǧiḏ Hirudus irezzu x uḥenjir-a bac aṯ ineɣ."

Ȓexḏayem 12:8

Ṯenna-as lmalaʼika nni: "Kkar ḥezzem, qqen ṯisiȓa nnec." Igga Buṭrus min ḏas ṯenna. Ṯenna-as ƹaweḏ: "Egg azeǧab nnec, ḏfar-ayi-d."