Ȓexḏayem 10:9 - Ṯarifiṯ 2020

⁹ Ṯiwecca nnes, yinni itwassekken zi Kurninyus ɣar ṯendint n Yafa wami ƹȓayen aḏ awḍen ḏinni, yuȓi Buṭrus ɣar ṯzeqqa ɣar uzyen n nhar aḏ iẓẓaǧ.

Ȓexḏayem 10:9 Referans Kwoze

Ȓexḏayem 6:4

bac neccin arrusul a nuc ȓweqṯ nneɣ i ṯẓaǧiṯ ḏ uḥeddeṯ."

Marqus 6:46

Wami xasen imsafaḍ, netta iruḥ ɣar uḏrar aḏ iẓẓaǧ.

Marqus 1:35

Ṯiwecca nnes zic wami ƹaḏ war iṣbiḥ ca ȓḥaȓ, ikkar iffeɣ iruḥ ɣar yijjen n umcan ixȓa, itẓaǧa ḏinni.

Matta 27:45

Ɣar ṯenƹac n uziȓ ṯehwa-d ṯaǧest x ṯmurṯ amen-ṯekmaȓ aȓ wami ƹȓayen ḏ ṯȓaṯa uƹecci.

Matta 24:17

Wenni ɣa yiȓin x ṯzeqqa nnes itxeṣṣa-as war ihewwi ca ɣar ṯeddarṯ ḥima aḏ iysi can ȓḥajeṯ.

Matta 20:5

Kkaren ruḥen. Iffeɣ-d ɣar jwayeh n ṯenƹac ƹaweḏ ɣar jwayeh n ṯȓaṯa uƹecci igga nnefs ȓxeḏmeṯ.

Matta 6:6

Walakin cek xmi ɣa ṯeẓẓaǧeḏ, aḏef ɣar uxxam nnec qqen xak ṯawwarṯ, ẓẓaǧ i Babac iǧan mani war ṯ itwiȓi ḥadd. Babac ig iẓerren min itwaggen s ṯnufra ataf ac ijaza.

1 Timutawus 2:8

Falihaḏa xseɣ iryazen ḏi marra imucan aḏ ẓẓaǧen aḏ ysin ifassen nsen iṣfan ɣar ujenna bȓa ma aḏ tƹeṣṣben bȓa ma aḏ tmenɣan.

Ayṯ-Ufasus 6:18

Marra ḍḍuruf iy ḏi ṯeǧam ttarem i Arebbi xasen s Arruḥ iqeddsen s marra lʼanwaƹ n ṯẓaǧiṯ ḏ dduƹaʼ. Sxeḏmem ȓaƹqeȓ nwem ḏi manaya, arrem-d ȓbaȓ nwem s yijjen n ṣṣbar, ttarem x marra ṣṣaliḥin.

Ȓexḏayem 10:3

Ijjen n nhar ɣar ṯȓaṯa uƹecci, iẓra nican ḏi lwaḥi ijjen n lmalak n Arebbi itaḏef-d xas itȓaɣa-yas-d: "A Kurninyus."