Ȓexḏayem 10:35 - Ṯarifiṯ 2020

³⁵ Arebbi iqebbeȓ iwḏan zi mkuȓ ȓgens yinni iy ṯ iteggwḏen teggen min iǧan nican.

Ȓexḏayem 10:35 Referans Kwoze

1 Yuḥanna 2:29

Xmi ɣa ṯessnem belli netta nican ig iǧa, ataf aḏaywem ṯiȓi ttiqeṯ belli bnaḏem ig isxeddamen min iǧan nican netta ixȓeq-d zzayes.

Ȓexḏayem 10:2

Ḏayes ddin iteggweḏ Arebbi, netta ḏ marra ayṯbab n ṯeddarṯ nnes. Itegg ȓxir aṭṭas ḏeg yinni iḥḏajen, war ixeṭṭi ca ṯẓaǧiṯ nnes.

Ayṯ-Kulus 3:11

War itɣimi bu uyunani niɣ ḏ aʼisraʼili, niɣ ḏ wenni iṭehharen niɣ ḏ wenni war iṭehhiren ca, niɣ ḏ abarbari niɣ ḏ aweḥciw, niɣ ḏ ismeɣ niɣ ḏ wenni iǧan ḥurr. Lla, Lmasiḥ netta ḏ marra, aqaṯ ḏi marra.

Ȓexḏayem 15:9

War iggi bu s wuḏemawen jaraneɣ, isireḏ-asen uȓawen nsen wami umnen.

2 Ayṯ-Kurinṯ 7:1

Iḏen ay imƹizzen inu, wami ḏaneɣ iƹaheḏ Arebbi x ṯmesȓayin-a labud a nessiṣfa ixef nneɣ zi marra min ḏaneɣ isexnizen ḏi ddat ḏ arruḥ ḥima a niȓi ḏ ṣṣaliḥin bȓa axeṭṭi s ṯiggwḏi n Arebbi.

Ȓexḏayem 9:31

Ḏi ȓweqṯ nni jmaƹeṯ n ȓmuminin ḏi marra jwayeh n Yahuḏiya ḏ Ljalil ḏ Samarya hnan. Twajehḏen, teggwḏen zi Siḏi Arebbi, twacejjaƹen s Arruḥ iqeddsen, tmarnin ḏi lƹadad.

Ayṯ-Ufasus 5:21

Ṯaƹem i wayawya ƹlaḥsab ȓuweqqar nwem i Lmasiḥ.

Ayṯ-Ufasus 1:6

Aḏ itwabarek arḍa nnes imɣaren, ifareɣ-iṯ-iḏ xaneɣ Arebbi s Mmis iƹizzen.

Ayṯ-Galaṭya 3:28

War ḏinni lla aʼisraʼili niɣ ḏ ayunani. War ḏinni lla ismeɣ niɣ ḏ wenni iǧan ḥurr. War ḏinni lla aryaz lla ṯamɣarṯ. Aqa kenniw marra iḏwem ṯmunem ḏ ijjen ḏi Ƹisa Lmasiḥ.

1 Ayṯ-Kurinṯ 12:13

Liʼanna neccin marra netwaṭehhar s waman s yijjen n Arruḥ bac a niȓi ḏ ijjen n jmaƹeṯ, iƹni Ayṯ-Israʼil niɣ ḏ iyunaniyen, ḏ yinni ɣar iǧa bab nsen niɣ ḏ yinni ɣar ṯeǧa lḥurriya nsen. Neccin marra iḏneɣ yuca-aneɣ a nsew iƹni a ncarec ḏeg yijjen n Arruḥ.

Ayṯ-Ruma 3:22

Iƹni, Arebbi isemṣȓaḥ akiḏes marra wenni itamnen zi Ƹisa Lmasiḥ, war itferraq jar yiwḏan. Aqa marra ƹṣan Arebbi, twaḥarramen zi lƹaḍama nnes.

Ayṯ-Ruma 2:13

Liʼanna iwḏan war tmeṣȓiḥen ca ag Arebbi meȓa tṣennaṭen waha i wawaȓ n ccariƹa; Lla, yinni iteggen array s min ḏayes ḏi ccariƹa, ataf ḏ yinni iy itmeṣȓaḥen ag Arebbi.

Luqa 1:28

Yuḏef ɣares lmalak nni inna-as: "Azul ya ṯenni iy xef irḍa Arebbi, aqa Siḏi Arebbi aqaṯ akiḏem."

Ayṯ-Filippas 3:3

Cuf, ḏ neccin ig iǧan ḏ ṭṭahareṯ nni n ṣṣaḥ. Iƹni nƹebbeḏ s Arruḥ n Arebbi, ɣir nteftaxar s Ƹisa Lmasiḥ, war netriji ca aȓ lḥasanat nneɣ.

Ȓexḏayem 10:28

Inna-asen: "Qa ṯessnem belli israʼiliyen ɣarsen ḥram aḏ xellṭen ak ȓbarrani niɣ aḏ aḏfen ṯaddarṯ nsen. Walakin Arebbi isfahem-ayi-d qbeȓ war qqareɣ i ḥadd qa cek ḥram niɣ mekruh.

Ayṯ-Ruma 2:14

U ḏ ṣṣaḥ, yinni war iǧin ca zi Ayṯ-Israʼil war ɣarsen ca ccariƹa, maƹlik teggen array s nniyyeṯ nsen min ḏayes ḏi ccariƹa n Musa, ataf niṯni aḏ iȓin ḏ ccariƹa s yixef nsen waxxa war ɣarsen ca ccariƹa n Musa.