Matta 8:27 - Ṯarifiṯ 2020

²⁷ Qqimen iryazen nni tƹejjben ḏayes nnan: "Min iƹna wanitan? Uȓa ḏ arriḥ ḏ ȓebḥar tṭaƹan-as!"

Matta 8:27 Referans Kwoze

Marqus 7:37

Tƹejjben aṭṭas nnan: "Marra min itegg ḏ aṣebḥan. Itarra ḥetta ḏ iḏehcuren tesȓan, ḥetta ḏ izeynunen ssawaȓen."

Marqus 6:51

Inya akiḏsen ḏi ṯɣarrabut, irsa arriḥ. Tƹejjben aṭṭas ḏi nnefs nsen

Marqus 1:27

Ḏehcen marra iwḏan nni nnan i wayawya: "Min iƹna manaya? Aseȓmeḏ-a ḏ jḏiḏ, ḏayes ssulṭa! Itʼamar uȓa ḏ jnun iƹeffanen, teggen-as array."

Matta 15:31

Tƹejjben yiwḏan nni wami ẓrin izeynunen ssawaȓen, inecrufen genfan, izeḥḥafen gguren, iḍarɣaȓen twaȓan. Kkaren ḥemḏen Arebbi n Ayṯ-Israʼil.

Matta 14:33

Uca sejjḏen-as yinni iǧan ḏi ṯɣarrabut nnan: "Ḏ ṣṣaḥ, cek ḏ Mmis n Arebbi!"

Matta 8:10

Wami isȓa Ƹisa i manayenni itƹejjeb aṭṭas. Inna-asen i yinni ṯ iḏfaren: "Aqa tesȓam ȓḥaqq: Yinni iǧan zi Ayṯ-Israʼil war ḏaysen ufiɣ bu lʼiman imɣar aṭṭas am wanita!

Matta 8:26

Inna-asen Ƹisa: "Mayemmi teggwḏem qaƹ ammu? Lʼiman nwem ḏ uqlil." Ȓexddenni ikkar isbedd arriḥ ḏ ȓemwaj, yarsa ȓḥaȓ.

Matta 8:28

Wami yuweḍ Ƹisa ɣar ujemmaḍ-in n ȓebḥar ɣar ṯmurṯ n ijariṯiyen, ȓqan-ṯ-iḏ ṯnayen n yiwḏan ḏaysen jnun ffɣen-d zeg imeḍȓan mani zeddɣen. Qesḥen, ccaṯen, war izemmar ḥadd axasen ikk x ubriḏ nni.