Matta 7:16 - Ṯarifiṯ 2020

¹⁶ Aṯen ṯessnem s ȓefƹayeȓ nsen. Ma zemmaren yiwḏan aḏ ȓeqḏen ṯazarṯ zeg isennanen, niɣ aḏ kksen aḍiȓ zi ṯzeggwarṯ?

Matta 7:16 Referans Kwoze

Yaƹqub 3:12

Lla ay ayṯma. Ma ṯzemmar ṯcejjarṯ n ṯazarṯ aḏ tarew zzitun, niɣ ṯzayarṯ uḍiȓ aḏ tarew ṯazarṯ? Lla. Uȓa ḏ ȓƹunṣar ameǧaḥ war izemmar aḏ d isufeɣ aman ḏ imiziḍen.

Matta 12:33

Meȓa ṯacejjarṯ ḏ ṯaṣebḥant, ataf aḏ tarew min iǧan ḏ aṣebḥan. Meȓa ṯacejjarṯ ḏ ṯaƹeffant, ataf aḏ tarew min iǧan ḏ aƹeffan. Ṯacejjarṯ ṯḍehhar-d s min tarew.

Matta 7:20

Ammu s ȓefƹayeȓ nsen iy ɣa ṯessnem yinni itarran ixef nsen ḏ l'anbiya.

Ayṯ-Galaṭya 5:22

Fa min d itarew Arruḥ iqeddsen? Itarew-d ȓemḥibbeṯ ḏ ȓefraḥeṯ ḏ ȓehna ḏ ttasiƹ n ȓxaḍar ḏ ȓxir ḏ wuȓ acemȓaȓ ḏ bnaḏem ḏi iǧa ttiqeṯ

Yaƹqub 2:18

Imken can yijjen aḏ yini: "Iwa cek ḏayec lʼiman nnec, nec ɣari ȓexḏayem inu." Nec qqareɣ: "Cek sbeyyen-ayi-d mammec igga lʼiman nnec bȓa ȓexḏayem nnec, nec aḏac sbeyyneɣ mammec igga lʼiman inu s ȓexḏayem inu."