Matta 7:15 - Ṯarifiṯ 2020

¹⁵ Ḥḍam ixef nwem zeg yinni itarran ixef nsen ḏ lʼanbiya. Tasen-d ɣarwem am can n iḥuȓiyen walakin ḏeg wuȓawen nsen ḏ uccanen iwƹaren.

Matta 7:15 Referans Kwoze

1 Yuḥanna 4:1

Ay imƹizzen inu, war tiqqim ca ḏi marra arruḥaṯ, jarrbem-ṯen bac aḏ tessnem ma zi Arebbi ma lla. Qa ffɣen-d aṭṭas n iṯarrasen ɣar ddunect-a tarran ixef nsen ḏ lʼanbiya.

Matta 24:11

Aḏ d meḍharen aṭṭas n yiwḏan aḏ arren ixef nsen ḏ lʼanbiya, aḏ xeḏƹen aṭṭas n yiwḏan.

Ayṯ-Kulus 2:8

Arrem-d ȓbaȓ nwem uȓa ḏ ijjen ma izemmar akenniw isxarweḍ s lfelsafa niɣ s uɣeddaȓ nni ixwan ƹlaḥsab ttaqalid n bnaḏem niɣ ƹlaḥsab lqawanin iqḏimen n ddunect-a qa maci ƹlaḥsab Lmasiḥ.

Lwaḥi 19:20

Itwaṭṭef ȓwaḥc ḏ ameḥbus, akiḏes wenni itarran ixef nnes ḏ nnabi iy tuɣa iteggen lmuƹjizaṯ zzaṯ i ȓwaḥc. S lmuƹjizaṯ nni ixḏeƹ yinni iy ḏi iǧa ṭṭabaƹ n ȓwaḥc tsejjaḏen-as i lʼaṣnam nnes. Ȓwaḥc ḏ wenni itarran ixef nnes ḏ nnabi menḍaren s ṯnayen iḏsen ḏi ȓebḥar n ṯmessi ireqqen s ȓekbriyeṯ u niṯni aqaṯen ƹaḏ s buḥbeȓ nsen.

Yahuḏa 1:4

Aqa ca iṯarrasen uḏfen-d jarawem war ḏasen d ṯarrim bu ȓexbar, qa lƹiqab nsen yura xas mecḥaȓ zeg wami. Yina ƹeṣṣan Arebbi, sƹewwajen arḍa nnes bac aɣarsen yiȓi am can n ttesriḥ n ccehweṯ. Nekkaren Ƹisa Lmasiḥ iy iǧan ḏ Mawlana nneɣ qa netta ḏ Siḏiṯneɣ waḥḏes.

2 Buṭrus 3:17

Iḏen ay imƹizzen inu, kenniw ṯessnem manaya, ḥḍaṯ ixef nwem bac war kenniw itawi ca lɣalaṭ n lmufsidin aḏ d tewḍam zi dsas nwem.

Luqa 6:26

Ya ȓefḍiḥeṯ nwem meȓa tcekkaren-kenniw yiwḏan minzi ammu iy iggin ȓejḏuḏ nsen i yinni itarran ixef nsen ḏ lʼanbiya.

2 Timutawus 3:13

Amma iryazen iƹeffanen ḏ iryazen icemmaṯen niṯni aḏ arnin ḏi ṯuƹuffna waha, niṯni aḏ cemmṯen aḏ twacemmṯen.

2 Timutawus 4:3

Aqa aḏ d tas ȓweqṯ nni niṯni war tṣenniṭen ca ɣar ttaƹlim nican; aɣarsen d smunen ijjen n lƹadad n imseȓmaḏen ssawaȓen ɣir min ḏasen iƹejben i imejjan nsen waha.

Ayṯ-Filippas 3:2

Ḥḍam ixef nwem zeg iqzinen nni, iƹni iryazen nni iteggen ccarr itḥejjamen i bnaḏem.

Ayṯ-Ufasus 4:14

Amenni war netɣimi ca ḏ iḥenjiren tawint-aneɣ ȓemwaj tarrant-aneɣ. Niɣ ḏ arriḥ itṣuḍ xaneɣ ikessi-yaneɣ ssa ḏ ssa s kuȓ arriḥ zaƹma n useȓmeḏ u s ṯeḥraymiṯ ḏ ixarwiḍen n iryazen ḏ min tciṭṭinen.

Ayṯ-Galaṭya 2:4

Rezzun xas x manayenni can n wawmaṯen zaƹma tbuṣaren waha, uḏfen-d jaraneɣ s ṯnufra ḥima aḏ jesssen x lḥurriya iy ɣarneɣ ḏi Lmasiḥ bac aḏaneɣ arren am isemɣan i ccariƹa nsen.

Luqa 12:15

Inna-asen: "Ḥḍam ixef nwem, beƹƹḏeṯ x ṭṭmaƹ minzi ṯuḏarṯ n bnaḏem war tiȓi ca s waṭṭas n wagȓa."

Lwaḥi 16:13

Ẓriɣ ṯȓaṯa n jnun iƹeffanen ggin am ijerwan: ijjen iteffeɣ-d zeg uqemmum n wenni am ddaynaṣur; ijjen iteffeɣ-d zeg uqemmum n ȓwaḥc; ijjen iteffeɣ-d zeg uqemmum n wenni itarran ixef nnes ḏ nnabi.

Ayṯ-Ufasus 5:6

War tejjaṯ can ḥadd akenniw icmeṯ s wawaȓen nnes ixwan. Liʼanna x ssabab n ṯmesȓayin-a iy d ihewwa uɣḍab n Arebbi x yinni iy ṯ iƹeṣṣan.

Ȓexḏayem 13:40

Iwa ḥḍaṯ ixef nwem bac war ḏawem itewqiƹ ca min urin lʼanbiya:

Yuḥanna 10:12

Axeddam maci am wenni yarewwsen iḥuȓiyen nnes nniṯ. Axeddam, meȓa iẓra uccan yusa-d aḏ ismeḥ ḏeg iḥuȓiyen nni aḏ yarweȓ. Uccan aḏ ihjem x iḥuȓiyen aṯen iƹzeȓ x wayawya.

Matta 16:11

Mammec ṯeggim war ṯefhimem? Nec war ssiwiȓeɣ ca x uɣrum. Ḥḍam ixef nwem zeg untun n lʼaḥzab n iṣadduqiyen ḏ ifarrisiyen."

Matta 16:6

Inna-asen Ƹisa: "Ɣarwem! Ḥḍam ixef nwem zeg untun n lʼaḥzab n ifarrisiyen ḏ iṣadduqiyen."

Matta 10:17

Ḥḍam ixef nwem zeg yiwḏan. Akenniw sellmen i lmaḥkamaṯ; akenniw uwṯen ḏi ṯemziḏawin nsen.

Lwaḥi 17:6

Ẓriɣ ṯamɣarṯ nni ṯsekkar s iḏammen n ȓmuminin ṣṣaliḥin ḏ iḏammen n yinni icehhḏen x Ƹisa. Wami t ẓriɣ ḏehceɣ aṭṭas.

Ȓexḏayem 13:6

Uyuren ḏi ṯeyzirṯ nni amen-ṯekmaȓ aȓ wami uwḍen ɣar ṯendint n Pafus. Ufin ḏinni ijjen n useḥḥar netta ḏ aʼisraʼili yarra ixef nnes ḏ nnabi qqaren-as Benyacuƹ.

Matta 7:14

Walakin ṯawwarṯ iḥṣaren ḏ ubriḏ iqesḥen niṯni tawin ɣar ṯuḏarṯ. Ḏrus iy ɣa iƹḏun ssenni.

Lwaḥi 20:10

Ibȓis nni iy ṯen ixeḏƹen imenḍar-d ḏi ȓebḥar nni n ṯmessi ḏ ȓekbriyeṯ mani iǧa ȓwaḥc nni ḏ wenni itarran ixef nnes ḏ nnabi. Aḏ twaƹeddben ḏinni nhar ḏ ǧiȓeṯ i ȓebda n ȓebdaṯ.