1 War tƹeyyabem ḥadd ḥima war kenniw itƹeyyib ca Arebbi.
War tƹeyyabem ḥadd ḥima war kenniw itƹeyyib ca Arebbi. War tzawaȓem ḥadd ḥima war kenniw itzawaȓ ca Arebbi. Semḥem i yiwḏan, aḏawem iɣfar Arebbi.
Mayemmi tseḥqareḏ cwayt n uȓum ig iǧan ḏi ṯiṭṭ n wumac, cek tettuḏ akeccuḍ ig iǧan ḏi ṯiṭṭ nnec?
A lmunafiq, kkes ḏ amezwaru akeccuḍ zi ṯiṭṭ nnec. Ƹaḏ iy ɣa ṯetwaȓiḏ mliḥ ḥima aḏ tekkseḏ ȓum zi ṯiṭṭ n wumac.
Mammec ɣa ṯƹeyybem amenni i kenniw iy ɣa iƹeyyeb Arebbi. Ȓaƹbar nni iy ṯsexḏamem ḏ wenni iy kiḏwem ɣa isexḏem Arebbi.
Ay ayṯma, itxeṣṣa war zzaywem itiȓi bu aṭṭas n imseȓmaḏen, aqa ṯessnem belli neccin imseȓmaḏen ataf axaneɣ izeyyar Arebbi ḏi lḥisab.
Wami niṯni qqimen amenni tseqsan-ṯ, ibedd inna-asen: "Wenni iǧan zzaywem ƹemmarṣ war iƹṣi at yuweṯ s uzru netta ḏ amezwaru."
