Matta 6:5 - Ṯarifiṯ 2020

⁵ Xmi ɣa ṯeẓẓaǧem, war tiȓim ca am lmunafiqin iy texsen aḏ ẓẓaǧen amen bedden ḏi ṯemziḏawin ḏ ṯɣemmura n znaqi ḥima aṯen ẓren yiwḏan. Aqa tesȓam ȓḥaqq: War ɣarsen itiȓi bu lʼajar.

Matta 6:5 Referans Kwoze

Matta 6:2

Ƹlaḥsab manaya, xmi ɣa ṯṣeddqeḏ i can n yijjen, war zzayes tberraḥ ca ḏi ȓbuq amecnaw mammec teggen lmunafiqin ḏi ṯemziḏawin ḏ znaqi bac azzaysen semɣaren yiwḏan. Aqa tesȓam ȓḥaqq: War ɣarsen itiȓi bu lʼajar.

Luqa 18:13

Walakin wenni ijemmƹen ḍḍariba ibedd ɣar ȓeggwaj. War izƹim ḥetta aḏ iysi ṯiṭṭawin nnes ɣar ujenna, iccaṯ ḏeg wuȓ nnes inna: Ya Arebbi, rḥem-ayi nec ḏ lƹaṣi!

Marqus 11:25

Kenniw xmi ɣa ṯbeddem aḏ teẓẓaǧem, meȓa ɣarwem ca n lƹadawa ak can yijjen semḥem-as ḥima Babaṯwem iǧan ḏeg ujenna aḏawem iɣfar ddnub nwem.

Luqa 20:47

Tetten ṯajjaȓin, smeḍharen-d ixef nsen tẓaǧan aṭṭas ḥima aḏ beyynen i yiwḏan belli niṯni ṣebḥen aṭṭas zaƹma. Yina, lḥisab nsen aḏ yiȓi iqṣeḥ aṭṭas!"

Yaƹqub 4:6

Walakin netta yarni-yaneɣ-d arḍa zzayes. S manaya iqqar Lkitab:

Luqa 18:1

Issiweȓ akiḏsen Ƹisa s yijjen n ȓmaƹna bac aḏ ssnen belli itxeṣṣa-yasen aḏ tẓaǧen ȓebda war tiḥȓen ca.

Ayṯ-Ufasus 6:18

Marra ḍḍuruf iy ḏi ṯeǧam ttarem i Arebbi xasen s Arruḥ iqeddsen s marra lʼanwaƹ n ṯẓaǧiṯ ḏ dduƹaʼ. Sxeḏmem ȓaƹqeȓ nwem ḏi manaya, arrem-d ȓbaȓ nwem s yijjen n ṣṣbar, ttarem x marra ṣṣaliḥin.

Luqa 11:43

Ya ȓefḍiḥeṯ nwem a ȓḥizeb n ifarrisiyen! Minzi texsem imucan imezwura ḏi ṯemziḏawin, iteƹjib-awem axawem seǧmen yiwḏan ḏi ȓeswaq.

Matta 21:22

Inna-asen: Meȓa ṯumnem, aɣarwem yiȓi marra min ɣa ṯettarem i Arebbi ḏi ṯẓaǧiṯ nwem."

1 Ayṯ-Salunik 5:17

tettarem i Arebbi bȓa ma aḏ tbeddem,

Yuḥanna 16:24

Ḥetta aȓ ȓexxu war ṯettarem walu ƹlaḥsab isem inu. Ttareṯ aḏ tafem, ataf ȓefraḥeṯ nwem aḏ tiȓi ṯekmaȓ.

Marqus 12:38

Iseȓmaḏ-iṯen Ƹisa inna-asen: "Ḥḍam ixef nwem zeg imseȓmaḏen n ccariƹa. Niṯni texsen aḏ uyuren s iseȓhamen nni nsen, texsen axasen seǧmen ḏi ȓeswaq,

Matta 9:38

Ttareṯ zi Bab n ṯfeǧaḥṯ aḏ yarni icewwaren ḏeg umarjeƹ nnes."

Matta 23:13

Ya ȓefḍiḥeṯ nwem ay imseȓmaḏen n ccariƹa ḏ ȓḥizeb n ifarrisiyen, a lmunafiqin! Teqqnem ṯawwarṯ n ȓmulk ujenna x yiwḏan. Kenniw war tiḏfem, war tejjim wi ɣa yaḏfen.

Matta 23:6

Texsen imucan imezwura ḏi ȓefruḥ ḏ ṯemziḏawin.

Matta 6:16

Xmi ɣa ṯẓummem, war teggem ca amecnaw mammec teggen lmunafiqin. Txeyyaqen ḥima marra iwḏan aṯen ssnen belli ẓummen. Aqa tesȓam ȓḥaqq: Ataf war ɣarsen itiȓi bu lʼajar.

Matta 6:1

Ɣarwem aḏ teggem ȓxir zzaṯ i yiwḏan ḥima akenniw ẓren, ataf war ɣarwem itiȓi bu lʼajar zi Babaṯwem iǧan ḏeg ujenna.

Matta 23:5

Marra min teggen ḥima aɣarsen xzaren yiwḏan. Teggen ȓeḥruz ḏ imeqqranen, arennin ṯicȓuȓin i izeǧaben nsen.

Luqa 6:24

Walakin, ya ȓefḍiḥeṯ nwem a twajar, minzi ṯƹicem min ṯƹicem.