Matta 6:23 - Ṯarifiṯ 2020

²³ Walakin meȓa ṯiṭṭawin nnec war ǧint ca mliḥ, ataf marra ṯuḏarṯ nnec aḏayes ṯiȓi ṯaǧest. Meȓa ṯfawṯ iy ḏayec ṯeḏwer ḏ ṯaǧest, cḥaȓ ḏ ṯubbarcent iy tiȓi ḏ ṯaǧest nni iy ḏayec.

Matta 6:23 Referans Kwoze

1 Yuḥanna 2:11

Wenni itƹiffan umas ataf netta ƹaḏ aqaṯ ḏi ṯaǧest ataf iggur ḏi ṯaǧest. War issin ca mani iggur ȓaḥeqqac ṯaǧest nni ṯesḍaɣeȓ-iṯ zi ṯiṭṭawin nnes.

Matta 6:22

Ṯiṭṭawin am ṯfawṯ i ṯuḏarṯ nnec. Meȓa ɣarek ṯiṭṭawin ṣeḥḥant, ataf aɣarek ṯiȓi ṯfawṯ marra ḏi ṯuḏarṯ nnec.

Ayṯ-Ufasus 4:18

Niṯni ṯṭemmeṣ-iṯen ȓefhameṯ zaƹma iy ḏaysen. Niṯni ggwjen zi ṯuḏarṯ n Arebbi ƹlaḥsab ȓeqfaȓeṯ nni iy ḏaysen s ṯɣennant n wuȓawen nsen.

1 Ayṯ-Kurinṯ 2:14

Bnaḏem ƹadi itagi aḏ iqbeȓ ṯimesȓayin n Arruḥ n Arebbi, ɣares manaya ḏ ṯubbuhȓiya waha. War izemmar ca aṯent ifhem, liʼanna s Arruḥ n Arebbi waḥḏes iy ṯent ɣa imeyyez.

Ayṯ-Ruma 1:22

Ḥessben x yixef nsen ḏ imiɣisen, niṯni ḏewȓen ḏ ibuhaȓiyen.

Ayṯ-Ufasus 5:8

Cuf, ḏeg yijjen n ȓweqṯ kenniw tuɣa ḏ ṯaǧest, ȓexxu kenniw ṯḏewȓem ḏ ijjen n nnur ḏi Siḏi Arebbi. Iwa ƹiceṯ am ṯarwa n nnur.

Luqa 8:10

Inna-asen: "Itwasmeḥ i kenniw aḏ tessnem min inuffaren ḏi ȓmulk n Arebbi, walakin i yiwḏan nneɣni lla. Ssawaȓeɣ akiḏsen s ȓemƹani ḥima aḏ xzaren walakin war twiȓin ca, ḥima aḏ sȓen walakin war fehhmen i ca.

Matta 20:15

Ma war ɣari ȓḥaqq aḏ ggeɣ min xseɣ zi ṯmesȓayin inu? Niɣ ṯḥesḏeḏ-ayi wami ǧiɣ ṣaxiy?

Marqus 7:22

ḏ zzna ḏ ṭṭmaƹ ḏ ccarr ḏ ȓbaṭeȓ ḏ ixarwiḍen ḏ ȓeqbaḥeṯ ḏ ṯiṭṭawin n yiwḏan ḏ ttakebbur ḏ ṯubuhȓiya.

Luqa 11:34

Ṯiṭṭ nnec nettaṯ ḏ ṯfawṯ i ṯuḏarṯ nnec. Meȓa ɣarek ṯiṭṭawin ṣeḥḥant, ataf aɣarek ṯiȓi ṯfawṯ marra ḏi ṯuḏarṯ nnec. Meȓa ṯiṭṭawin nnec war ǧint ca mliḥ, ataf aḏ tiȓi marra ṯuḏarṯ nnec ḏ ṯaǧest.