Matta 6:10 - Ṯarifiṯ 2020

¹⁰ Aḏ d yas ȓmulk nnec, aḏ ggen ȓxaḍar nnec ḏi ṯmurṯ, mamc teggen ḏeg ujenna.

Matta 6:10 Referans Kwoze

Iƹibraniyen 10:36

Aqa itxeṣṣa aḏ teṣbarem, mayemmi? Bac xmi ɣa ṯeggem ȓxaḍar n Arebbi, ataf aɣarwem yiȓi minzi iy kenniw iwƹeḏ.

Yuḥanna 4:34

Inna-asen Ƹisa: "Ȓmakla inu aḏ xeḏmeɣ min ixes wenni ḏayi d issekken aḏ kemmȓeɣ ȓxeḏmeṯ nnes.

Matta 26:42

Ibeƹƹeḏ xasen ṯwaȓa wis ṯnayen, ittar i Arebbi inna: "A Baba, meȓa ȓkas-a n ȓaƹḏab war xafi ṯesbeƹƹḏeḏ ca swiɣ-ṯ, ataf aḏ yiȓi min ixes ȓxaḍar nnec."

Matta 12:50

Inna-as: "Wenni iteggen s min ixes Baba iy iǧan ḏeg ujenna, ataf netta ḏ uma ḏ učma ḏ yemma."

1 Ayṯ-Salunik 5:18

cekkarem-ṯ ḏi marra ṯimesȓayin. Liʼanna ḏ manaya ig itraja Arebbi zzaywem ḏi Ƹisa Lmasiḥ.

Ayṯ-Ruma 12:2

War teggem ca min teggen yiwḏan ḏi ȓweqṯ-a ṯanita. Itxeṣṣa aɣarwem yiȓi ijjen n ȓaƹqeȓ ḏ jḏiḏ ḥima aḏ twabeddȓem, ssenni aḏ tessnem kenniw min ixes Arebbi, iƹni min iṣebḥan ḏ min ḏas iteƹjiben war ḏayes bu uxeṭṭi.

Yuḥanna 6:40

Min ixes Baba? Ixes belli kuȓ wenni iẓrin Mmis yumen zzayes, aɣares ṯiȓi ṯuḏarṯ n ȓebda nec aṯiḏ sekkareɣ ḏi Nhar Aneggaru."

Ayṯ-Kulus 1:9

X manaya zi nhar nni wami tuɣa nesȓa neccin xawem, netɣima ntettar-as i Arebbi xawem bac aḏ tƹemmarem s ṯusna x ȓxaḍar n Arebbi s marra ȓƹaqeȓ ḏ ȓefhameṯ ig iticcen Arruḥ iqeddsen.

Ayṯ-Ufasus 6:6

Ṭaƹem-asen maci ɣir xmi ḏawem tbeddan ɣar uzeǧif waha aḏasen ṯƹejbem; Lla, aḏ tiȓim am isemɣan n Lmasiḥ aḏ teggem s ȓxaḍar nwem min ixes Arebbi.

Matta 7:21

Maci marra yinni iy ḏayi iqqaren a Siḏi a Siḏi aḏ aḏfen ɣar ȓmulk ujenna; Lla, war ṯ tiḏfen ca illa yinni iteggen min ixes Baba ig iǧan ḏeg ujenna.

1 Buṭrus 2:15

Liʼanna manaya ḏ ȓxaḍar n Arebbi iƹni meȓa ṯeggim min iǧan ḏ aṣebḥan ataf aḏ teqḍam x wawaȓen ijahȓen n iryazen nni iy ḏi ṯeǧa ṯubbuhȓiya u ṣafi.

Iƹibraniyen 13:21

Aḏawem iḏebbar Arebbi marra ṯimesȓayin ṯiṣebḥanin bac aḏ teggem ȓxaḍar nnes. Aḏayneɣ ixḏem min ḏas iteƹjiben zzaṯes, s Siḏiṯneɣ Ƹisa Lmasiḥ iy ɣar ɣa ṯiȓi lƹaḍama i ȓebda n ȓebdaṯ. Amin.

Matta 3:2

Iqqar-asen: "Tubem, aqa yuḏes-d ȓmulk n ujenna."

Luqa 22:42

Inna: "A Baba, meȓa ṯexseḏ sbeƹƹeḏ-iṯ xafi ȓkas-a n ȓaƹḏab. Maci mamc xseɣ nec; Lla, mamc ixes ȓxaḍar nnec cek."

Yuḥanna 7:17

Wenni ixsen aḏ igg zi min ixes Arebbi ataf aḏ issen aseȓmeḏ-a inu ma zzayi niɣ zi Arebbi.

Lwaḥi 19:6

Sȓiɣ i yijjen n ṣṣut am ṣṣut n waṭṭas n ȓɣaci niɣ am ṣṣut n waṭṭas n waman niɣ am ṣṣut n wajjaj ijehḏen, iqqar: "Ḥemḏeṯ Arebbi! Siḏi Arebbi nneɣ ig izemmaren i kuȓci qa iḥekkem.

1 Ayṯ-Salunik 4:3

Aqa ȓxaḍar n Arebbi itxeṣṣa-kenniw aḏ tiȓim ṯeṣfam aḏ tbeƹƹḏem zi lfasad.

Ȓexḏayem 21:14

Wami nufa neccin war ṯ nseqniƹ ca, nesqar nenna: Min ixes Siḏi Arebbi aṯ igg ḏ wenni netta!

Ȓexḏayem 13:22

Ṯumma ikkes-iṯ Arebbi, yarra Dawed ḏ azeǧiḏ xasen. Icheḏ xas inna qa ufiɣ Dawed mmis n Yassa netta ḏ ijjen n uryaz iqbeȓ ȓxaḍar inu aḏ igg marra min xseɣ.

Matta 4:17

Zi ssenni ibḏa Ƹisa itbeccar iqqar-asen: "Tubeṯ, aqa yuḏes-d ȓmulk n ujenna."

Lwaḥi 12:10

Sȓiɣ i yijjen n ṯmijja ḏeg ujenna ṯeqqar s jjheḏ: "Ȓexxu Arebbi nneɣ isenjam, imeḍhar-d jjheḏ ḏ ȓmulk nnes, ḏ ssulṭa n Lmasiḥ nnes. Ȓaḥeqqac wenni iceṯcan zeg ayṯmaṯneɣ imenḍar-d ɣar ṯmurṯ, ḏ netta ig iceṯcan zzaysen ǧiȓeṯ ḏ nhar ɣar Arebbi nneɣ.

1 Buṭrus 4:2

X manaya nhuraṯ nni iy ḏawem itɣiman ḏi ddat nwem maci aṯen ṯseƹḏum ƹlaḥsab ccehawaṯ n bnaḏem; Lla, seƹḏum-ṯen ƹlaḥsab ȓxaḍar n Arebbi.

Iƹibraniyen 10:7

Uca nniɣ, Ay Arebbi aqayi usiɣ-d aḏ ggeɣ ȓxaḍar nnec, mamc xafi yura ḏi Lkitab.>

Luqa 19:38

Qqaren: "Ssaƹḏ n uzeǧiḏ iy d yusin ƹlaḥsab isem n Siḏi Arebbi. Ȓehna ḏeg ujenna, lḥamdu i Arebbi yuƹȓan!"

Marqus 3:35

Inna-asen: "Wenni iteggen s min ixes Arebbi, ataf netta ḏ uma ḏ učma ḏ yemma."

Matta 16:28

Aqa tesȓam ȓḥaqq: Ȓebƹaḍ zeg yinni iǧan ḏa akiḏi war tmettin ca aȓ ɣa ẓren Mmis n bnaḏem yusa-d ḏi ȓmulk nnes."

Marqus 11:10

Ssaƹḏ n ȓmulk nni iy d itasen n jeddiṯneɣ Dawed. Lḥamdu i Arebbi yuƹȓan."

Lwaḥi 11:15

Ṯekkar lmalaʼika wis sebƹa ṯṣuḍ ḏi zzammar nnes, uca ṯimijjawin ḏeg ujenna qqarent s jjheḏ: "Iḏweȓ ȓeḥkam n ddunect-a ḏeg ifassen n Siḏi Arebbi nneɣ ḏ Lmasiḥ nnes, aḏ iḥkem i ȓebda n ȓebdaṯ."

Lwaḥi 20:4

Ẓriɣ lƹarcaṯ ḏ yinni xasen iqqimen ṯemmuc-asen ssulṭa aḏ ḥekmen. Ẓriɣ buḥbeȓ n yinni umi itwaqessen izeǧifen liʼanna ḏeffaren minxef icheḏ Ƹisa ḏ wawaȓ n Arebbi. Niṯni tuɣaṯen war sejjḏen ca i ȓwaḥc niɣ i lʼaṣnam nnes, tuɣa war qbiȓen ca ṭṭabaƹ nnes x ṯenyarṯ nsen niɣ x ufus nsen. Kkaren-d zi ȓmewṯ ḥekmen ak Ƹisa aȓaf n iseggwusa.

Iƹibraniyen 1:14

Lmalaʼikaṯ, niṯenti min ƹnant? Niṯenti ḏ arruḥaṯ twassekkent-id aḏ sexxarent i yinni iy ɣa iwarṯen asenjem.

Ayṯ-Kulus 1:13

Isefȓeṯ-aneɣ zi ȓeḥkam n ṯaǧest issiweḍ-aneɣ ɣar ȓmulk n Mmis iƹizzen.

Luqa 19:11

Wami tesȓan i manaya, issiweȓ akiḏsen Ƹisa s yijjen n ȓmaƹna nneɣni ȓaḥeqqac tuɣaṯ yuḏes ɣar ṯendint n Lquds. Ƹaweḏ tɣir-asen ȓmulk n Arebbi aḏ d imeḍhar ȓexddenni.

Ȓexḏayem 22:14

Inna-ayi: Arebbi n ȓejḏuḏ nneɣ ixḍar-icek netta bac aḏ tessneḏ min ixes, aḏ twaȓiḏ s ṯiṭṭawin nnec axeddam nnes ṣṣaliḥ aḏ tṣennṭeḏ i yijjen n wawaȓ zeg uqemmum nnes.