Matta 5:18 - Ṯarifiṯ 2020

¹⁸ Aqa tesȓam ȓḥaqq: War itekkes ijjen n ȓḥarf niɣ ḏ ijjen n ṯneqqiṭ zi ccariƹa aȓ ɣa itwakkes ujenna ḏ ṯmurṯ aȓ ɣa itwakemmeȓ kuȓci.

Matta 5:18 Referans Kwoze

Luqa 16:17

Innama, isheȓ aḏ itwakkes ujenna ḏ ṯmurṯ qbeȓ iy ɣa ttwakkes ijjen n ṯneqqiṭ zi ccariƹa.

1 Buṭrus 1:25

maca awaȓ n Arebbi itɣima i ȓebda.> Awaȓ-a netta ḏ Lʼinjil iy ḏawem d itwabeccaren.

Marqus 13:30

Aqa tesȓam ȓḥaqq: Yiwḏan n ȓweqṯ-a war tmettin ca aȓ ɣa iwqeƹ marra manaya.

Lwaḥi 20:11

Ẓriɣ ijjen n lƹarc ḏ acemȓaȓ ḏ ameqqran. Wenni xas iqqimen ṯarweȓ zzayes ṯmurṯ ḏ ujenna war ḏasen iqqim bu umcan.

Yuḥanna 5:19

Inna-asen Ƹisa: "Aqa tesȓam ȓḥaqq: Mmis war izemmar aḏ igg can ṯmesȓayṯ s yixef nnes, ɣir min iẓerr zi Babas aqa itegg-iṯ. Min ma itegg Babas aqa itegg-iṯ uȓa ḏ Mmis.

Matta 17:20

Inna-asen Ƹisa: "Ȓaḥeqqac lʼiman nwem ḏ uqlil. Aqa tesȓam ȓḥaqq: Mȓi ḏaywem lʼiman ɣir anect ijjen n ṯḥebbuct n bugarḏaȓ, aḏ tinim i uḏrar-a: Neqȓeƹ-d cek ssanita ruḥ ɣar ḏiha ataf aḏ d ineqȓeƹ. War xawem iteqsiḥ walu.

Matta 16:28

Aqa tesȓam ȓḥaqq: Ȓebƹaḍ zeg yinni iǧan ḏa akiḏi war tmettin ca aȓ ɣa ẓren Mmis n bnaḏem yusa-d ḏi ȓmulk nnes."

Matta 13:17

Aqa tesȓam ȓḥaqq: Aṭṭas n lʼanbiya ḏ ȓmuminin rzun aḏ ẓren min twaȓam, walakin war ṯ ẓrin ca. Rzun aḏ sȓen min ṯesȓam, walakin war ṯ sȓin ca.

Matta 10:23

Meȓa ƹeddben-kenniw ḏi can ṯendint, arewȓem ɣar ṯenneɣni. Aqa tesȓam ȓḥaqq: Aḏ d yas Mmis n bnaḏem, ataf kenniw ƹaḏ war ṯkemmȓem x min kenniw weṣṣiɣ ḏi ṯneddam n Ayṯ-Israʼil.

Matta 6:2

Ƹlaḥsab manaya, xmi ɣa ṯṣeddqeḏ i can n yijjen, war zzayes tberraḥ ca ḏi ȓbuq amecnaw mammec teggen lmunafiqin ḏi ṯemziḏawin ḏ znaqi bac azzaysen semɣaren yiwḏan. Aqa tesȓam ȓḥaqq: War ɣarsen itiȓi bu lʼajar.

Matta 5:26

Aqa tesȓiḏ ȓḥaqq: War ssenni d teffɣeḏ ca aȓ ɣa ṯxeǧseḏ ṣuldi aneggaru.

Yuḥanna 21:18

Aqa tesȓiḏ ȓḥaqq: Ḏi ṯemẓi nnec tḥezzameḏ ixef nnec traḥeḏ mani ma ṯexseḏ. Walakin xmi ɣa ṯewsareḏ, aḏ tḍeȓqeḏ ifassen nnec ataf ḥadd nneɣni ac iḥezzem ac yawi mani war texseḏ ca."

Yuḥanna 16:23

Nhar nni iy d ɣa yasen kenniw war ḏayi tseqsim x walu. Aqa tesȓam ȓḥaqq: Baba aḏawem yuc marra min ḏas ɣa ṯettarem ƹlaḥsab isem inu.

Yuḥanna 16:20

Aqa tesȓam ȓḥaqq: Kenniw aḏ trum aḏ tḥeznem, walakin ddunect-a aḏ tfareḥ. Kenniw aḏaywem yiȓi ȓeḥȓiq, walakin ȓeḥȓiq nwem aḏ iḏweȓ ḏ ȓefraḥeṯ.

Yuḥanna 14:12

Aqa tesȓam ȓḥaqq: Wenni zzayi yumnen, ataf aḏ igg ȓexḏayem iy xeddmeɣ niɣ ktar minzi nec ggureɣ ɣar Baba.

Yuḥanna 13:38

Indeq-d Ƹisa inna-as: "Ma ḏ ṣṣaḥ axafi ṯṣeddqeḏ ṯuḏarṯ nnec? Aqa tesȓiḏ ȓḥaqq: Aḏayi ṯenkareḏ ṯȓaṯa n ṯwaȓaṯin qbeȓ ma aḏ idden uyaziḍ."

Yuḥanna 13:16

Aqa tesȓam ȓḥaqq: Axeddam war iǧi ca ḏ ameqqran zeg uweqqaf nnes. Amsexxar war iǧi ca ḏ ameqqran zeg wenni iy ṯiḏ issekken.

Yuḥanna 12:24

Aqa tesȓam ȓḥaqq: Ṯaḥebbuct n yirḏan meȓa war twaẓẓu ca ḏi ṯmurṯ iƹni meȓa war twanḍeȓ ca, ataf aḏ teqqim ḏ ṯaḥebbuct waha. Meȓa twanḍeȓ aḏ tuc aṭṭas n ȓḥabb.

Yuḥanna 10:7

Inna-asen Ƹisa ƹaweḏ: "Aqa tesȓam ȓḥaqq: Nec ḏ ṯawwarṯ n ȓkuri.

Yuḥanna 10:1

"Aqa tesȓam ȓḥaqq: Wenni war itiḏfen ca zi ṯewwarṯ n ȓkuri n iḥuȓiyen itgaƹƹaḏ manis nneɣni, netta itwaḥsab ḏ aceffar ḏ axewwan.

Yuḥanna 8:58

Indeq-d Ƹisa inna-asen: "Aqa tesȓam ȓḥaqq: Qbeȓ ma aḏ yiȓi Brahim, nec ǧiɣ."

Yuḥanna 8:51

Aqa tesȓam ȓḥaqq: Wenni iteggen array i wawaȓ inu ataf war itwiȓi ȓmewṯ ƹemmarṣ."

Yuḥanna 8:34

Inna-asen Ƹisa: "Aqa tesȓam ȓḥaqq: Marra wenni iteggen ȓmuƹṣiyeṯ netta ḏ ismeɣ, bab nnes ḏ ȓmuƹṣiyeṯ.

Yuḥanna 6:53

Inna-asen Ƹisa: "Aqa tesȓam ȓḥaqq: Meȓa war ṯeccim ca ddat n Mmis n bnaḏem war ṯsessem ca iḏammen nnes, aḏ tiȓi war ɣarwem bu ṯuḏarṯ ḏeg yixef nwem."

Yuḥanna 6:47

Aqa tesȓam ȓḥaqq: Wenni iy ɣa yamnen aɣares ṯiȓi ṯuḏarṯ n ȓebda.

Yuḥanna 6:32

Inna-asen Ƹisa: "Aqa tesȓam ȓḥaqq: War iǧi bu ḏ Musa iy ḏawem yucin aɣrum zeg ujenna; Lla, ḏ Baba iy ḏawem iticcen aɣrum n ṣṣaḥ zeg ujenna.

Yuḥanna 6:26

Indeq-d Ƹisa inna-asen: "Aqa tesȓam ȓḥaqq: Kenniw ṯrezzum xafi war iǧi bu wami ṯeẓrim lmuƹjizaṯ, kenniw ṯrezzum xafi wami ṯeccim ṯejjiwnem aɣrum.

Yuḥanna 3:11

Aqa tesȓiḏ ȓḥaqq: Neccin nessawaȓ zi min nessen, ncehheḏ s min neẓra, walakin kenniw war ṯeqbiȓem ca chaḏeṯ nneɣ.

Yuḥanna 3:5

Inna-as Ƹisa: "Aqa tesȓiḏ ȓḥaqq: Meȓa can yijjen war d ixȓiq ca s waman ḏ Arruḥ n Arebbi, war izemmar aḏ yaḏef ḏi ȓmulk n Arebbi.

Yuḥanna 3:3

Indeq-d Ƹisa inna-as: "Aqa tesȓiḏ ȓḥaqq: War izemmar uȓa ḏ ijjen aḏ iẓer ȓmulk n Arebbi illa meȓa ixȓeq-d ḏ jḏiḏ."

Yuḥanna 1:51

Aqa tesȓam ȓḥaqq: Aḏ teẓrem ajenna innurzem, lmalaʼikaṯ n Arebbi taȓint hewwant-id x Mmis n bnaḏem."

Luqa 23:43

Indeq-d Ƹisa inna-as: "Aqa tesȓiḏ ȓḥaqq: Nhara aḏ tiȓiḏ akiḏi ḏi jjenneṯ."

Luqa 18:29

Inna-asen Ƹisa: "Aqa tesȓam ȓḥaqq: Marra wenni isemḥen ḏi ṯeddarṯ nnes niɣ ḏi ṯemɣarṯ nnes niɣ ḏi ayṯmas niɣ ḏi babas niɣ ḏi yemmas niɣ ḏi ṯarwa nnes ƹlaḥsab ȓmulk n Arebbi,

Luqa 18:17

Aqa tesȓam ȓḥaqq: Labud i bnaḏem aḏ yamen s ȓmulk n Arebbi mamc zzayes itamen uḥenjir amezyan. Meȓa lla, ataf bnaḏem nni ƹemmarṣ aḏ yaḏef ḏi ȓmulk n Arebbi."

Luqa 13:35

Aqa ṯaddarṯ nwem aḏ texȓa! Aḏawem iniɣ belli war ḏayi ṯẓerrem ca ƹaweḏ ḥetta aȓ nhar nni iy ɣa ṯinim: Ssaƹḏ ya wenni iy d yusin ƹlaḥsab isem n Siḏi Arebbi."

Luqa 12:37

Ssaƹḏ n ixeddamen nni meȓa yusa-d siḏiṯsen yufi-ṯen ƹaḏ war ṭṭiṣen ca. Aqa tesȓam ȓḥaqq: Aḏ igeffeḍ siḏiṯsen aṯen isɣim, aḏ ibḏa itsexxar xasen.

Luqa 11:51

Zeg iḏammen n Habil aȓ iḏammen n Zakariya wenni inɣin jar ȓmeḏbaḥ ḏ ṯemziḏa ṯameqqrant. Wah, aḏawem iniɣ: Marra lƹiqab x manayenni ḏ iwḏan n ȓweqṯ-a iy xas ɣa itwaḥesben!

Marqus 14:30

Yarra xas Ƹisa inna-as: "Aqa tesȓiḏ ȓḥaqq: Ṯa, ǧiȓeṯ-a qbeȓ ma aḏ idden uyaziḍ marrṯayen ataf aḏayi ṯenkareḏ ṯȓaṯa n ṯwaȓaṯin."

Marqus 14:25

Aqa tesȓam ȓḥaqq: Zi ssa aȓ ṯsawent war sesseɣ ca zeg waman-a uḍiȓ ḥetta aȓ Nhar nni iy ṯen ɣa sweɣ zi jḏiḏ ḏi ȓmulk n Arebbi."

Marqus 14:18

Qqimen tetten inna-asen Ƹisa: "Aqa tesȓam ȓḥaqq: Ijjen zzaywem ittet akiḏi aḏayi izzenz."

Marqus 14:9

Aqa tesȓam ȓḥaqq: Mani ma yuweḍ Lʼinjil ḏi ddunect-a amen-ṯekmaȓ, ataf aḏ ƹawḏen x ṯemɣarṯ-a ḏ min ḏayi ṯegga am yijjen n ḏikra xas."

Marqus 12:43

Iȓaɣa-d Ƹisa x imeḥḍaren nnes inna-asen: "Aqa tesȓam ȓḥaqq: Ṯajjaȓṯ-a ḏ ȓmeskina waha ṯegga ḏi ṣṣenduq ktar zi min ggin marra inneɣni.

Marqus 11:23

Aqa tesȓam ȓḥaqq: Meȓa can yijjen inna-as i uḏrar-a: Neqȓeƹ-d cek ssanita ṯmenḍared ḏi ȓebḥar, u ḏeg wuȓ nnes war ḏayes bu ccekk yumen aḏ iwqeƹ manayenni, ataf manayenni aḏ yiȓi.

Marqus 10:29

Inna-asen Ƹisa: "Aqa tesȓam ȓḥaqq: Marra wenni isemḥen ḏi ṯeddarṯ nnes niɣ ḏi ayṯmas niɣ ḏi suyṯmas niɣ ḏi yemmas niɣ ḏi babas niɣ ḏi ṯarwa nnes niɣ ḏeg imarjeƹiwen nnes x ssabab inu nec u ƹlaḥsab Lʼinjil,

Marqus 10:15

Aqa tesȓam ȓḥaqq: Labud i bnaḏem aḏ yamen s ȓmulk n Arebbi mamc zzayes itamen uḥenjir amezyan. Meȓa lla, ataf bnaḏem nni ƹemmarṣ aḏ yaḏef ḏi ȓmulk n Arebbi."

Marqus 9:41

Aqa tesȓam ȓḥaqq: Wenni ḏawem ɣa yucen ȓkas n waman ȓaḥeqqac teḏfarem Lmasiḥ ataf aḏ yawi lʼajar nnes war ṯ itḍeyyiƹ ca."

Marqus 9:1

Inna-asen Ƹisa: "Aqa tesȓam ȓḥaqq: Ȓebƹaḍ zeg yinni iǧan ḏa akiḏi war tmettin ca aȓ ɣa ẓren ȓmulk n Arebbi yusa-d s jjheḏ."

Marqus 8:12

Iḥreq wuȓ nnes aṭṭas inna-asen: "Mayemmi iwḏan n ȓweqṯ-a tettaren lƹalama ṯameqqrant? Aqa tesȓam ȓḥaqq: Iwḏan n ȓweqṯ-a war ḏasen ticc bu lƹalama ṯameqqrant, qaƹ."

Marqus 6:11

Meȓa war kenniw qbiȓen ca ḏi can umcan niɣ war xsen ca aɣarwem ṣennṭen, ffɣem ssenni mesḥeṯ ṯaƹejjact zeg iḍaren nwem am ca n chaḏeṯ xasen."

Marqus 3:28

Aqa tesȓam ȓḥaqq: Aḏ twaɣfarent marra ȓmuƹṣiyaṯ iy teggen yiwḏan ḏ kuȓ awaȓ nni war iḥȓin iy qqaren x Arebbi.

Matta 25:45

Aḏ d yas uzeǧiḏ aḏasen yini: Aqa tesȓam ȓḥaqq: Min war ṯeggim ca i yijjen n wuma ḏ amezyan zeg ayṯma, war ḏayi t ṯeggim ca i nec.

Matta 25:40

Aḏ d yas uzeǧiḏ aḏasen yini: Aqa tesȓam ȓḥaqq: Min ṯeggim i yijjen n wuma ḏ amezyan zeg ayṯma, ṯeggim-ayi-t i nec.

Matta 25:12

Yarra xasent muȓay inna-asent: Aqa tesȓant ȓḥaqq: nec war kennint ssineɣ ca.

Matta 24:47

Aqa tesȓam ȓḥaqq: Axeddam nni aṯ ikellef siḏes x marra agȓa nnes.

Matta 24:2

Indeq-d Ƹisa inna-asen: "Ma twaȓam qaƹ manaya? Aqa tesȓam ȓḥaqq: War ḏa itɣimi ijjen n uzru x unneɣni, marra manaya aḏ inehḏem."

Matta 23:36

Aqa tesȓam ȓḥaqq: Marra lƹiqab-a aḏ d ihwa x yiwḏan n ȓweqṯ-a!

Matta 21:31

Uw iggin min ixes babaṯsen zi ṯnayen-a?" Nnan-as: "Amezwaru." Inna-asen Ƹisa: "Aqa tesȓam ȓḥaqq: Iƹeccaren ḏ ṯemɣarin iffɣen abriḏ aḏawem izwaren ɣar ȓmulk n Arebbi.

Matta 21:21

Indeq-d Ƹisa inna-asen: "Aqa tesȓam ȓḥaqq: Mȓi ḏaywem lʼiman war ṯcekkim ca, ataf aḏ teggem ktar zi min itwaggen i ṯcejjarṯ-a. Meȓa ṯennim i uḏrar-a: Neqȓeƹ-d cek ssanita ṯmenḍareḏ ḏi ȓebḥar, ataf aḏ ineqȓeƹ.

Matta 19:28

Inna-asen Ƹisa: "Aqa tesȓam ȓḥaqq: Ḏi ṯuḏarṯ nneɣni xmi ɣa iqqim Mmis n bnaḏem x lƹarc nnes n lƹaḍama, uȓa ḏ kenniw ḏayi d iḏfaren aḏ teqqimem x ṯenƹac n lƹarcaṯ ḥima aḏ tḥekmem x ṯenƹac n ṯqebbaȓ n Ayṯ-Israʼil.

Matta 19:23

Inna-asen Ƹisa i imeḥḍaren nnes: "Aqa tesȓam ȓḥaqq: Mecḥaȓ iqseḥ xas x ttajar aḏ yaḏef ȓmulk ujenna."

Matta 18:18

Aqa tesȓam ȓḥaqq: Marra min ɣa ṯceddem ḏi ṯmurṯ ataf aḏ yiȓi itwacedd ḏeg ujenna. Marra min ɣa ṯerzmem ḏi ṯmurṯ ataf aḏ yiȓi itwarzem ḏeg ujenna.

Matta 18:3

Inna-asen: "Aqa tesȓam ȓḥaqq: Labud i kenniw aḏ tḏewȓem aḏ tiȓim amecnaw iḥenjiren imezyanen. Meȓa lla, ataf ƹemmarṣ aḏ taḏfem ḏi ȓmulk ujenna.

Matta 11:11

Aqa tesȓam ȓḥaqq: Zi min d jjint ṯemɣarin, war iǧi ḥadd ḏ ameqqran zi Yaḥya, walakin wenni iy iǧan ḏ amezyan qaƹ ḏi ȓmulk n ujenna netta ḏ ameqqran zi Yaḥya.

Matta 10:42

Aqa tesȓam ȓḥaqq: Wenni ɣa yucen ɣir ȓkas n waman ḏ asemmaḍ i can yijjen zeg imezyanen-a ȓaḥeqqac ḏ ameḥḍar inu, ataf aḏ yawi lʼajar nnes war ṯ itḍeyyiƹ ca."

Matta 10:15

Aqa tesȓam ȓḥaqq: Ḏi Yum Lḥisab ḏ Lƹiqab aḏ yiȓi lƹiqab n ṯendint nni ktar zi lƹiqab n ṯendint ṯaƹeffant n Sadum ḏ ṯendint ṯaƹeffant n Ƹamura.

Matta 8:10

Wami isȓa Ƹisa i manayenni itƹejjeb aṭṭas. Inna-asen i yinni ṯ iḏfaren: "Aqa tesȓam ȓḥaqq: Yinni iǧan zi Ayṯ-Israʼil war ḏaysen ufiɣ bu lʼiman imɣar aṭṭas am wanita!

Matta 6:16

Xmi ɣa ṯẓummem, war teggem ca amecnaw mammec teggen lmunafiqin. Txeyyaqen ḥima marra iwḏan aṯen ssnen belli ẓummen. Aqa tesȓam ȓḥaqq: Ataf war ɣarsen itiȓi bu lʼajar.

Luqa 4:24

Inna-asen: "Aqa tesȓam ȓḥaqq: War iǧi ca can nnabi qebȓen-ṯ ḏi ṯmurṯ nnes.